(7) уппаджджама̄на-наниродхава̄ро

96. (ка) йам̣ читтам̣ уппаджджати там̣ читтам̣ на нируджджхатӣти? а̄манта̄.

(кха) йам̣ ва̄ пана читтам̣ на нируджджхати там̣ читтам̣ уппаджджатӣти?

атӣта̄на̄гатам̣ читтам̣ на нируджджхати, но ча там̣ читтам̣ уппаджджати. уппа̄даккхан̣е читтам̣ на нируджджхати чева уппаджджати ча.

(ка) йам̣ читтам̣ на уппаджджати там̣ читтам̣ нируджджхатӣти?

атӣта̄на̄гатам̣ читтам̣ на уппаджджати, но ча там̣ читтам̣ нируджджхати. бхан̇гаккхан̣е читтам̣ на уппаджджати чева нируджджхати ча.

(кха) йам̣ ва̄ пана читтам̣ нируджджхати там̣ читтам̣ на уппаджджатӣти? а̄манта̄.