(8) уппаджджама̄нуппаннава̄ро

97. (ка) йам̣ читтам̣ уппаджджама̄нам̣ там̣ читтам̣ уппаннанти? а̄манта̄.

(кха) йам̣ ва̄ пана читтам̣ уппаннам̣ там̣ читтам̣ уппаджджама̄нанти?

бхан̇гаккхан̣е читтам̣ уппаннам̣, но ча там̣ читтам̣ уппаджджама̄нам̣. уппа̄даккхан̣е читтам̣ уппаннан̃чева уппаджджама̄нан̃ча.

(ка) йам̣ читтам̣ на уппаджджама̄нам̣ там̣ читтам̣ на уппаннанти?

бхан̇гаккхан̣е читтам̣ на уппаджджама̄нам̣, но ча там̣ читтам̣ на уппаннам̣. атӣта̄на̄гатам̣ читтам̣ на чева уппаджджама̄нам̣ на ча уппаннам̣.

(кха) йам̣ ва̄ пана читтам̣ на уппаннам̣ там̣ читтам̣ на уппаджджама̄нанти? а̄манта̄.