(13) нируддханируджджхама̄нава̄ро

103. (ка) нируддхам̣ нируджджхама̄нанти? но.

(кха) нируджджхама̄нам̣ нируддханти? но.

(ка) на нируддхам̣ на нируджджхама̄нанти?

бхан̇гаккхан̣е на нируддхам̣, но ча на нируджджхама̄нам̣. уппа̄даккхан̣е ана̄гатан̃ча читтам̣ на чева нируддхам̣ на ча нируджджхама̄нам̣.

(кха) на нируджджхама̄нам̣ на нируддханти?

атӣтам̣ читтам̣ на нируджджхама̄нам̣, но ча на нируддхам̣. уппа̄даккхан̣е ана̄гатан̃ча читтам̣ на чева нируджджхама̄нам̣ на ча нируддхам̣.