(14) атиккантака̄лава̄ро

104. (ка) йам̣ читтам̣ уппаджджама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣, нируджджхама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣ там̣ читтанти?

бхан̇гаккхан̣е читтам̣ уппа̄даккхан̣ам̣ вӣтиккантам̣ бхан̇гаккхан̣ам̣ авӣтиккантам̣, атӣтам̣ читтам̣ уппа̄даккхан̣ан̃ча вӣтиккантам̣ бхан̇гаккхан̣ан̃ча вӣтиккантам̣.

(кха) йам̣ ва̄ пана читтам̣ нируджджхама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣, уппаджджама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣ там̣ читтанти?

атӣтам̣ читтам̣.

(ка) йам̣ читтам̣ на уппаджджама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣, на нируджджхама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣ там̣ читтанти?

уппа̄даккхан̣е ана̄гатам̣ читтам̣.

(кха) йам̣ ва̄ пана читтам̣ на нируджджхама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣, на уппаджджама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣ там̣ читтанти?

бхан̇гаккхан̣е читтам̣ бхан̇гаккхан̣ам̣ авӣтиккантам̣ но ча уппа̄даккхан̣ам̣ авӣтиккантам̣, уппа̄даккхан̣е ана̄гатан̃ча читтам̣ бхан̇гаккхан̣ан̃ча авӣтиккантам̣ уппа̄даккхан̣ан̃ча авӣтиккантам̣.