4. паччуппанна̄тӣтава̄ро

168. (ка) йо дуккхасаччам̣ париджа̄на̄ти со самудайасаччам̣ паджахиттха̄ти? но.

(кха) йо ва̄ пана самудайасаччам̣ паджахиттха со дуккхасаччам̣ париджа̄на̄тӣти? но.

(ка) йо дуккхасаччам̣ на париджа̄на̄ти со самудайасаччам̣ наппаджахиттха̄ти?

араха̄ дуккхасаччам̣ на париджа̄на̄ти, но ча самудайасаччам̣ наппаджахиттха. аггамаггасаман̇гин̃ча арахантан̃ча т̣хапетва̄ авасеса̄ пуггала̄ дуккхасаччан̃ча на париджа̄нанти самудайасаччан̃ча наппаджахиттха.

(кха) йо ва̄ пана самудайасаччам̣ наппаджахиттха со дуккхасаччам̣ на париджа̄на̄тӣти?

аггамаггасаман̇гӣ самудайасаччам̣ наппаджахиттха, но ча дуккхасаччам̣ на париджа̄на̄ти. аггамаггасаман̇гин̃ча арахантан̃ча т̣хапетва̄ авасеса̄ пуггала̄ самудайасаччан̃ча наппаджахиттха дуккхасаччан̃ча на париджа̄нанти.