(5) паччуппанна̄на̄гатава̄ро

(ка) ануломапуггало

68. (ка) йасса дуккхасаччам̣ уппаджджати тасса самудайасаччам̣ уппаджджиссатӣти?

аггамаггасса уппа̄даккхан̣е араханта̄нам̣ читтасса уппа̄даккхан̣е йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е тесам̣ дуккхасаччам̣ уппаджджати, но ча тесам̣ самудайасаччам̣ уппаджджиссати. итаресам̣ упападжджанта̄нам̣ паватте читтасса уппа̄даккхан̣е тесам̣ дуккхасаччан̃ча уппаджджати самудайасаччан̃ча уппаджджиссати.

(кха) йасса ва̄ пана самудайасаччам̣ уппаджджиссати тасса дуккхасаччам̣ уппаджджатӣти?

саббесам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ самудайасаччам̣ уппаджджиссати, но ча тесам̣ дуккхасаччам̣ уппаджджати. саббесам̣ упападжджанта̄нам̣ паватте читтасса уппа̄даккхан̣е тесам̣ самудайасаччан̃ча уппаджджиссати дуккхасаччан̃ча уппаджджати.

(ка) йасса дуккхасаччам̣ уппаджджати тасса маггасаччам̣ уппаджджиссатӣти?

аггамаггасса уппа̄даккхан̣е араханта̄нам̣ читтасса уппа̄даккхан̣е йе ча путхуджджана̄ маггам̣ на пат̣илабхиссанти тесам̣ упападжджанта̄нам̣ паватте читтасса уппа̄даккхан̣е тесам̣ дуккхасаччам̣ уппаджджати, но ча тесам̣ маггасаччам̣ уппаджджиссати. йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е йе чан̃н̃е маггам̣ пат̣илабхиссанти тесам̣ упападжджанта̄нам̣ паватте читтасса уппа̄даккхан̣е тесам̣ дуккхасаччан̃ча уппаджджати маггасаччан̃ча уппаджджиссати.

(кха) йасса ва̄ пана маггасаччам̣ уппаджджиссати тасса дуккхасаччам̣ уппаджджатӣти?

йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е йе чан̃н̃е маггам̣ пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ маггасаччам̣ уппаджджиссати, но ча тесам̣ дуккхасаччам̣ уппаджджати. йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е йе чан̃н̃е маггам̣ пат̣илабхиссанти тесам̣ упападжджанта̄нам̣ паватте читтасса уппа̄даккхан̣е тесам̣ маггасаччан̃ча уппаджджиссати дуккхасаччан̃ча уппаджджати.

69. (ка) йасса самудайасаччам̣ уппаджджати тасса маггасаччам̣ уппаджджиссатӣти?

йе путхуджджана̄ маггам̣ на пат̣илабхиссанти тесам̣ тан̣ха̄йа уппа̄даккхан̣е тесам̣ самудайасаччам̣ уппаджджати, но ча тесам̣ маггасаччам̣ уппаджджиссати. йе маггам̣ пат̣илабхиссанти тесам̣ тан̣ха̄йа уппа̄даккхан̣е тесам̣ самудайасаччан̃ча уппаджджати маггасаччан̃ча уппаджджиссати.

(кха) йасса ва̄ пана маггасаччам̣ уппаджджиссати тасса самудайасаччам̣ уппаджджатӣти?

йасса читтасса анантара̄ аггамаггам̣ пат̣илабхиссанти йе [пат̣илабхиссанти тасса читтасса уппа̄даккхан̣е йе (сӣ. сйа̄.) пуггалока̄сава̄репи] чан̃н̃е маггам̣ пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не ниродхасама̄панна̄нам̣ асан̃н̃асатта̄нам̣ тесам̣ маггасаччам̣ уппаджджиссати, но ча тесам̣ самудайасаччам̣ уппаджджати. йе маггам̣ пат̣илабхиссанти тесам̣ тан̣ха̄йа уппа̄даккхан̣е тесам̣ маггасаччан̃ча уппаджджиссати самудайасаччан̃ча уппаджджати.

(кха) ануломаока̄со

70. йаттха дуккхасаччам̣ уппаджджати…пе… (йаттхакампи йассайаттхакасадисам̣ ка̄таббам̣).

(га) ануломапуггалока̄са̄

71. (ка) йасса йаттха дуккхасаччам̣ уппаджджати тасса таттха самудайасаччам̣ уппаджджиссатӣти?

аггамаггасса уппа̄даккхан̣е араханта̄нам̣ читтасса уппа̄даккхан̣е йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е асан̃н̃асаттам̣ упападжджанта̄нам̣ тесам̣ таттха дуккхасаччам̣ уппаджджати, но ча тесам̣ таттха самудайасаччам̣ уппаджджиссати. итаресам̣ чатувока̄рам̣ пан̃чавока̄рам̣ упападжджанта̄нам̣ паватте читтасса уппа̄даккхан̣е тесам̣ таттха дуккхасаччан̃ча уппаджджати самудайасаччан̃ча уппаджджиссати.

(кха) йасса ва̄ пана йаттха самудайасаччам̣ уппаджджиссати тасса таттха дуккхасаччам̣ уппаджджатӣти?

чатувока̄ра̄ пан̃чавока̄ра̄ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ таттха самудайасаччам̣ уппаджджиссати, но ча тесам̣ таттха дуккхасаччам̣ уппаджджати. чатувока̄рам̣ пан̃чавока̄рам̣ упападжджанта̄нам̣ паватте читтасса уппа̄даккхан̣е тесам̣ таттха самудайасаччан̃ча уппаджджиссати дуккхасаччан̃ча уппаджджати.

(ка) йасса йаттха дуккхасаччам̣ уппаджджати тасса таттха маггасаччам̣ уппаджджиссатӣти?

аггамаггасса уппа̄даккхан̣е араханта̄нам̣ читтасса уппа̄даккхан̣е а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ упападжджанта̄нам̣ паватте читтасса уппа̄даккхан̣е асан̃н̃асаттам̣ упападжджанта̄нам̣ тесам̣ таттха дуккхасаччам̣ уппаджджати, но ча тесам̣ таттха маггасаччам̣ уппаджджиссати. йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е йе чан̃н̃е маггам̣ пат̣илабхиссанти тесам̣ упападжджанта̄нам̣ паватте читтасса уппа̄даккхан̣е тесам̣ таттха дуккхасаччан̃ча уппаджджати маггасаччан̃ча уппаджджиссати.

(кха) йасса ва̄ пана йаттха маггасаччам̣ уппаджджиссати тасса таттха дуккхасаччам̣ уппаджджатӣти?

йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е йе чан̃н̃е маггам̣ пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ таттха маггасаччам̣ уппаджджиссати, но ча тесам̣ таттха дуккхасаччам̣ уппаджджати. йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е йе чан̃н̃е маггам̣ пат̣илабхиссанти тесам̣ упападжджанта̄нам̣ паватте читтасса уппа̄даккхан̣е тесам̣ таттха маггасаччан̃ча уппаджджиссати дуккхасаччан̃ча уппаджджати.

72. (ка) йасса йаттха самудайасаччам̣ уппаджджати тасса таттха маггасаччам̣ уппаджджиссатӣти?

а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ тан̣ха̄йа уппа̄даккхан̣е тесам̣ таттха самудайасаччам̣ уппаджджати, но ча тесам̣ таттха маггасаччам̣ уппаджджиссати. йе маггам̣ пат̣илабхиссанти тесам̣ тан̣ха̄йа уппа̄даккхан̣е тесам̣ таттха самудайасаччан̃ча уппаджджати маггасаччан̃ча уппаджджиссати.

(кха) йасса ва̄ пана йаттха маггасаччам̣ уппаджджиссати тасса таттха самудайасаччам̣ уппаджджатӣти?

йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не тесам̣ таттха маггасаччам̣ уппаджджиссати, но ча тесам̣ таттха самудайасаччам̣ уппаджджати. йе маггам̣ пат̣илабхиссанти тесам̣ тан̣ха̄йа уппа̄даккхан̣е тесам̣ таттха маггасаччан̃ча уппаджджиссати самудайасаччан̃ча уппаджджати.

(гха) паччанӣкапуггало

73. (ка) йасса дуккхасаччам̣ нуппаджджати тасса самудайасаччам̣ нуппаджджиссатӣти?

саббесам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ дуккхасаччам̣ нуппаджджати, но ча тесам̣ самудайасаччам̣ нуппаджджиссати. аггамаггасса бхан̇гаккхан̣е араханта̄нам̣ читтасса бхан̇гаккхан̣е йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е арӯпе аггамаггасса ча пхаласса ча уппа̄даккхан̣е тесам̣ дуккхасаччан̃ча нуппаджджати самудайасаччан̃ча нуппаджджиссати.

(кха) йасса ва̄ пана самудайасаччам̣ нуппаджджиссати тасса дуккхасаччам̣ нуппаджджатӣти?

аггамаггасса уппа̄даккхан̣е араханта̄нам̣ читтасса уппа̄даккхан̣е йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е тесам̣ самудайасаччам̣ нуппаджджиссати, но ча тесам̣ дуккхасаччам̣ нуппаджджати. аггамаггасса бхан̇гаккхан̣е араханта̄нам̣ читтасса бхан̇гаккхан̣е йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е арӯпе аггамаггасса ча пхаласса ча уппа̄даккхан̣е тесам̣ самудайасаччан̃ча нуппаджджиссати дуккхасаччан̃ча нуппаджджати.

(ка) йасса дуккхасаччам̣ нуппаджджати тасса маггасаччам̣ нуппаджджиссатӣти?

йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е йе чан̃н̃е маггам̣ пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ дуккхасаччам̣ нуппаджджати, но ча тесам̣ маггасаччам̣ нуппаджджиссати. аггамаггасса бхан̇гаккхан̣е араханта̄нам̣ читтасса бхан̇гаккхан̣е йе ча путхуджджана̄ маггам̣ на пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе аггамаггасса ча пхаласса ча уппа̄даккхан̣е тесам̣ дуккхасаччан̃ча нуппаджджати маггасаччан̃ча нуппаджджиссати.

(кха) йасса ва̄ пана маггасаччам̣ нуппаджджиссати тасса дуккхасаччам̣ нуппаджджатӣти?

аггамаггасса уппа̄даккхан̣е араханта̄нам̣ читтасса уппа̄даккхан̣е йе ча путхуджджана̄ маггам̣ на пат̣илабхиссанти тесам̣ упападжджанта̄нам̣ паватте читтасса уппа̄даккхан̣е тесам̣ маггасаччам̣ нуппаджджиссати, но ча тесам̣ дуккхасаччам̣ нуппаджджати. аггамаггасса бхан̇гаккхан̣е араханта̄нам̣ читтасса бхан̇гаккхан̣е йе ча путхуджджана̄ маггам̣ на пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе аггамаггасса ча пхаласса ча уппа̄даккхан̣е тесам̣ маггасаччан̃ча нуппаджджиссати дуккхасаччан̃ча нуппаджджати.

74. (ка) йасса самудайасаччам̣ нуппаджджати тасса маггасаччам̣ нуппаджджиссатӣти?

йасса читтасса анантара̄ аггамаггам̣ пат̣илабхисса̄нти йе чан̃н̃е маггам̣ пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не ниродхасама̄панна̄нам̣ асан̃н̃асатта̄нам̣ тесам̣ самудайасаччам̣ нуппаджджати, но ча тесам̣ маггасаччам̣ нуппаджджиссати. аггамаггасаман̇гӣнам̣ араханта̄нам̣ йе ча путхуджджана̄ маггам̣ на пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не тесам̣ самудайасаччан̃ча нуппаджджати маггасаччан̃ча нуппаджджиссати.

(кха) йасса ва̄ пана маггасаччам̣ нуппаджджиссати тасса самудайасаччам̣ нуппаджджатӣти?

йе путхуджджана̄ маггам̣ на пат̣илабхиссанти тесам̣ тан̣ха̄йа уппа̄даккхан̣е тесам̣ маггасаччам̣ нуппаджджиссати, но ча тесам̣ самудайасаччам̣ нуппаджджати. аггамаггасаман̇гӣнам̣ араханта̄нам̣ йе ча путхуджджана̄ маггам̣ на пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не тесам̣ маггасаччан̃ча нуппаджджиссати самудайасаччан̃ча нуппаджджати.

(н̇а) паччанӣкаока̄со

75. йаттха дуккхасаччам̣ нуппаджджати…пе….

(ча) паччанӣкапуггалока̄са̄

76. (ка) йасса йаттха дуккхасаччам̣ нуппаджджати тасса таттха самудайасаччам̣ нуппаджджиссатӣти?

чатувока̄ра̄ пан̃чавока̄ра̄ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ таттха дуккхасаччам̣ нуппаджджати, но ча тесам̣ таттха самудайасаччам̣ нуппаджджиссати. аггамаггасса бхан̇гаккхан̣е араханта̄нам̣ читтасса бхан̇гаккхан̣е йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е асан̃н̃асатта̄ чаванта̄нам̣ арӯпе аггамаггасса ча пхаласса ча уппа̄даккхан̣е тесам̣ таттха дуккхасаччан̃ча нуппаджджати самудайасаччан̃ча нуппаджджиссати.

(кха) йасса ва̄ пана йаттха самудайасаччам̣ нуппаджджиссати тасса таттха дуккхасаччам̣ нуппаджджатӣти?

аггамаггасса уппа̄даккхан̣е араханта̄нам̣ читтасса уппа̄даккхан̣е йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е асан̃н̃асаттам̣ упападжджанта̄нам̣ тесам̣ таттха самудайасаччам̣ нуппаджджиссати, но ча тесам̣ таттха дуккхасаччам̣ нуппаджджати. аггамаггасса бхан̇гаккхан̣е араханта̄нам̣ читтасса бхан̇гаккхан̣е йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е арӯпе аггамаггасса ча пхаласса ча уппа̄даккхан̣е асан̃н̃асатта̄ чаванта̄нам̣ тесам̣ таттха самудайасаччан̃ча нуппаджджиссати дуккхасаччан̃ча нуппаджджати.

(ка) йасса йаттха дуккхасаччам̣ нуппаджджати тасса таттха маггасаччам̣ нуппаджджиссатӣти?

йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е йе чан̃н̃е маггам̣ пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ таттха дуккхасаччам̣ нуппаджджати, но ча тесам̣ таттха маггасаччам̣ нуппаджджиссати. аггамаггасса бхан̇гаккхан̣е араханта̄нам̣ читтасса бхан̇гаккхан̣е а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ чаванта̄нам̣ паватте читтасса бхан̇гаккхан̣е асан̃н̃атта̄ чаванта̄нам̣ арӯпе аггамаггасса ча пхаласса ча уппа̄даккхан̣е асан̃н̃асатта̄ чаванта̄нам̣ тесам̣ таттха дуккхасаччан̃ча нуппаджджати маггасаччан̃ча нуппаджджиссати.

(кха) йасса ва̄ пана йаттха маггасаччам̣ нуппаджджиссати тасса таттха дуккхасаччам̣ нуппаджджатӣти?

аггамаггасса уппа̄даккхан̣е араханта̄нам̣ читтасса уппа̄даккхан̣е а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ упападжджанта̄нам̣ паватте читтасса уппа̄даккхан̣е асан̃н̃асаттам̣ упападжджанта̄нам̣ тесам̣ таттха маггасаччам̣ нуппаджджиссати, но ча тесам̣ таттха дуккхасаччам̣ нуппаджджати. аггамаггасса бхан̇гаккхан̣е араханта̄нам̣ читтасса бхан̇гаккхан̣е а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе аггамаггасса ча пхаласса ча уппа̄даккхан̣е асан̃н̃асатта̄ чаванта̄нам̣ тесам̣ таттха маггасаччан̃ча нуппаджджиссати дуккхасаччан̃ча нуппаджджати.

77. (ка) йасса йаттха самудайасаччам̣ нуппаджджати тасса таттха маггасаччам̣ нуппаджджиссатӣти?

йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не тесам̣ таттха самудайасаччам̣ нуппаджджати, но ча тесам̣ таттха маггасаччам̣ нуппаджджиссати. аггамаггасаман̇гӣнам̣ араханта̄нам̣, а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не асан̃н̃асатта̄нам̣ тесам̣ таттха самудайасаччан̃ча нуппаджджати маггасаччан̃ча нуппаджджиссати.

(кха) йасса ва̄ пана йаттха маггасаччам̣ нуппаджджиссати тасса таттха самудайасаччам̣ нуппаджджатӣти?

а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ тан̣ха̄йа уппа̄даккхан̣е тесам̣ таттха маггасаччам̣ нуппаджджиссати, но ча тесам̣ таттха самудайасаччам̣ нуппаджджати. аггамаггасаман̇гӣнам̣ араханта̄нам̣ а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не асан̃н̃асатта̄нам̣ тесам̣ таттха маггасаччан̃ча нуппаджджиссати самудайасаччан̃ча нуппаджджати.