(6) атӣта̄на̄гатава̄ро
(ка) ануломапуггало
78. (ка) йасса дуккхасаччам̣ уппаджджиттха тасса самудайасаччам̣ уппаджджиссатӣти?
аггамаггасаман̇гӣнам̣ араханта̄нам̣ йасса читтасса анантара̄ аггамаггам̣ пат̣илабхиссанти тесам̣ дуккхасаччам̣ уппаджджиттха, но ча тесам̣ самудайасаччам̣ уппаджджиссати. итаресам̣ тесам̣ дуккхасаччан̃ча уппаджджиттха самудайасаччан̃ча уппаджджиссати.
(кха) йасса ва̄ пана самудайасаччам̣ уппаджджиссати тасса дуккхасаччам̣ уппаджджиттха̄ти? а̄манта̄.
(ка) йасса дуккхасаччам̣ уппаджджиттха тасса маггасаччам̣ уппаджджиссатӣти?
аггамаггасаман̇гӣнам̣ араханта̄нам̣ йе ча путхуджджана̄ маггам̣ на пат̣илабхиссанти тесам̣ дуккхасаччам̣ уппаджджиттха, но ча тесам̣ маггасаччам̣ уппаджджиссати. йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ дуккхасаччан̃ча уппаджджиттха маггасаччан̃ча уппаджджиссати.
(кха) йасса ва̄ пана…пе…? а̄манта̄.
79. (ка) йасса самудайасаччам̣ уппаджджиттха тасса маггасаччам̣ уппаджджиссатӣти? аггамаггасаман̇гӣнам̣ араханта̄нам̣ йе ча путхуджджана̄ маггам̣ на пат̣илабхиссанти тесам̣ самудайасаччам̣ уппаджджиттха, но ча тесам̣ маггасаччам̣ уппаджджиссати. йасса читтасса анантара̄ аггамаггам̣ пат̣илабхиссанти, йе чан̃н̃е маггам̣ пат̣илабхиссанти тесам̣ самудайасаччан̃ча уппаджджиттха маггасаччан̃ча уппаджджиссати.
(кха) йасса ва̄ пана…пе…? а̄манта̄.
(кха) ануломаока̄со
80. йаттха дуккхасаччам̣ уппаджджиттха…пе….
(га) ануломапуггалока̄са̄
81. (ка) йасса йаттха дуккхасаччам̣ уппаджджиттха тасса таттха самудайасаччам̣ уппаджджиссатӣти?
аггамаггасаман̇гӣнам̣ араханта̄нам̣ йасса читтасса анантара̄ аггамаггам̣ пат̣илабхиссанти асан̃н̃асатта̄нам̣ тесам̣ таттха дуккхасаччам̣ уппаджджиттха, но ча тесам̣ таттха самудайасаччам̣ уппаджджиссати. итаресам̣ чатувока̄ра̄нам̣ пан̃чавока̄ра̄нам̣ тесам̣ таттха дуккхасаччан̃ча уппаджджиттха самудайасаччан̃ча уппаджджиссати.
(кха) йасса ва̄ пана йаттха самудайасаччам̣ уппаджджиссати тасса таттха дуккхасаччам̣ уппаджджиттха̄ти?
суддха̄ва̄сам̣ упападжджанта̄нам̣ тесам̣ таттха самудайасаччам̣ уппаджджиссати, но ча тесам̣ таттха дуккхасаччам̣ уппаджджиттха. итаресам̣ чатувока̄ра̄нам̣ пан̃чавока̄ра̄нам̣ тесам̣ таттха самудайасаччан̃ча уппаджджиссати дуккхасаччан̃ча уппаджджиттха.
(ка) йасса йаттха дуккхасаччам̣ уппаджджиттха тасса таттха маггасаччам̣ уппаджджиссатӣти?
аггамаггасаман̇гӣнам̣ араханта̄нам̣ йе ча путхуджджана̄ маггам̣ на пат̣илабхиссанти а̄па̄йика̄нам̣ асан̃н̃асатта̄нам̣ тесам̣ таттха дуккхасаччам̣ уппаджджиттха, но ча тесам̣ таттха маггасаччам̣ уппаджджиссати. йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ таттха дуккхасаччан̃ча уппаджджиттха маггасаччан̃ча уппаджджиссати.
(кха) йасса ва̄ пана йаттха маггасаччам̣ уппаджджиссати тасса таттха дуккхасаччам̣ уппаджджиттха̄ти?
суддха̄ва̄сам̣ упападжджанта̄нам̣ тесам̣ таттха маггасаччам̣ уппаджджиссати, но ча тесам̣ таттха дуккхасаччам̣ уппаджджиттха. йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ таттха маггасаччан̃ча уппаджджиссати дуккхасаччан̃ча уппаджджиттха.
82. (ка) йасса йаттха самудайасаччам̣ уппаджджиттха тасса таттха маггасаччам̣ уппаджджиссатӣти?
аггамаггасаман̇гӣнам̣ араханта̄нам̣ йе ча путхуджджана̄ маггам̣ на пат̣илабхиссанти а̄па̄йика̄нам̣ тесам̣ таттха самудайасаччам̣ уппаджджиттха, но ча тесам̣ таттха маггасаччам̣ уппаджджиссати. йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ таттха самудайасаччан̃ча уппаджджиттха маггасаччан̃ча уппаджджиссати.
(кха) йасса ва̄ пана йаттха маггасаччам̣ уппаджджиссати тасса таттха самудайасаччам̣ уппаджджиттха̄ти?
суддха̄ва̄са̄нам̣ дутийе читте ваттама̄не тесам̣ таттха маггасаччам̣ уппаджджиссати, но ча тесам̣ таттха самудайасаччам̣ уппаджджиттха. йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ таттха маггасаччан̃ча уппаджджиссати самудайасаччан̃ча уппаджджиттха.
(гха) паччанӣкапуггало
83. (ка) йасса дуккхасаччам̣ нуппаджджиттха тасса самудайасаччам̣ нуппаджджиссатӣти? наттхи.
(кха) йасса ва̄ пана самудайасаччам̣ нуппаджджиссати тасса дуккхасаччам̣ нуппаджджиттха̄ти? уппаджджиттха.
(ка) йасса дуккхасаччам̣ нуппаджджиттха тасса маггасаччам̣ нуппаджджиссатӣти? наттхи.
(кха) йасса ва̄ пана маггасаччам̣ нуппаджджиссати тасса дуккхасаччам̣ нуппаджджиттха̄ти? уппаджджиттха.
84. (ка) йасса самудайасаччам̣ нуппаджджиттха тасса маггасаччам̣ нуппаджджиссатӣти? наттхи.
(кха) йасса ва̄ пана маггасаччам̣ нуппаджджиссати тасса самудайасаччам̣ нуппаджджиттха̄ти? уппаджджиттха.
(н̇а) паччанӣкаока̄со
85. йаттха дуккхасаччам̣ нуппаджджиттха…пе….
(ча) паччанӣкапуггалока̄са̄
86. (ка) йасса йаттха дуккхасаччам̣ нуппаджджиттха тасса таттха самудайасаччам̣ нуппаджджиссатӣти? уппаджджиссати.
(кха) йасса ва̄ пана йаттха самудайасаччам̣ нуппаджджиссати тасса таттха дуккхасаччам̣ нуппаджджиттха̄ти? уппаджджиттха.
(ка) йасса йаттха дуккхасаччам̣ нуппаджджиттха тасса таттха маггасаччам̣ нуппаджджиссатӣти? уппаджджиссати.
(кха) йасса ва̄ пана йаттха маггасаччам̣ нуппаджджиссати тасса таттха дуккхасаччам̣ нуппаджджиттха̄ти? уппаджджиттха.
87. (ка) йасса йаттха самудайасаччам̣ нуппаджджиттха тасса таттха маггасаччам̣ нуппаджджиссатӣти?
суддха̄ва̄са̄нам̣ дутийе читте ваттама̄не тесам̣ таттха самудайасаччам̣ нуппаджджиттха, но ча тесам̣ таттха маггасаччам̣ нуппаджджиссати. асан̃н̃асатта̄нам̣ тесам̣ таттха самудайасаччан̃ча нуппаджджиттха маггасаччан̃ча нуппаджджиссати.
(кха) йасса ва̄ пана йаттха маггасаччам̣ нуппаджджиссати тасса таттха самудайасаччам̣ нуппаджджиттха̄ти?
аггамаггасаман̇гӣнам̣ араханта̄нам̣ йе ча путхуджджана̄ маггам̣ на пат̣илабхиссанти а̄па̄йика̄нам̣ тесам̣ таттха маггасаччам̣ нуппаджджиссати, но ча тесам̣ таттха самудайасаччам̣ нуппаджджиттха. асан̃н̃асатта̄нам̣ тесам̣ таттха маггасаччан̃ча нуппаджджиссати самудайасаччан̃ча нуппаджджиттха.
уппа̄дава̄ро.