(4) паччуппанна̄тӣтава̄ро

(ка) ануломапуггало

58. (ка) йасса дуккхасаччам̣ уппаджджати тасса самудайасаччам̣ уппаджджиттха̄ти? а̄манта̄.

(кха) йасса ва̄ пана самудайасаччам̣ уппаджджиттха тасса дуккхасаччам̣ уппаджджатӣти?

саббесам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ самудайасаччам̣ уппаджджиттха, но ча тесам̣ дуккхасаччам̣ уппаджджати. саббесам̣ упападжджанта̄нам̣ паватте читтасса уппа̄даккхан̣е тесам̣ самудайасаччан̃ча уппаджджиттха дуккхасаччан̃ча уппаджджати.

(ка) йасса дуккхасаччам̣ уппаджджати тасса маггасаччам̣ уппаджджиттха̄ти? анабхисамета̄вӣнам̣ упападжджанта̄нам̣ паватте читтасса уппа̄даккхан̣е тесам̣ дуккхасаччам̣ уппаджджати, но ча тесам̣ маггасаччам̣ уппаджджиттха. абхисамета̄вӣнам̣ упападжджанта̄нам̣ паватте читтасса уппа̄даккхан̣е тесам̣ дуккхасаччан̃ча уппаджджати маггасаччан̃ча уппаджджиттха.

(кха) йасса ва̄ пана маггасаччам̣ уппаджджиттха тасса дуккхасаччам̣ уппаджджатӣти?

абхисамета̄вӣнам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ маггасаччам̣ уппаджджиттха, но ча тесам̣ дуккхасаччам̣ уппаджджати. абхисамета̄вӣнам̣ упападжджанта̄нам̣ паватте читтасса уппа̄даккхан̣е тесам̣ маггасаччан̃ча уппаджджиттха дуккхасаччан̃ча уппаджджати.

59. (ка) йасса самудайасаччам̣ уппаджджати тасса маггасаччам̣ уппаджджиттха̄ти?

анабхисамета̄вӣнам̣ тан̣ха̄йа уппа̄даккхан̣е тесам̣ самудайасаччам̣ уппаджджати, но ча тесам̣ маггасаччам̣ уппаджджиттха. абхисамета̄вӣнам̣ тан̣ха̄йа уппа̄даккхан̣е тесам̣ самудайасаччан̃ча уппаджджати маггасаччан̃ча уппаджджиттха.

(кха) йасса ва̄ пана маггасаччам̣ уппаджджиттха тасса самудайасаччам̣ уппаджджатӣти?

абхисамета̄вӣнам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не ниродхасама̄панна̄нам̣ тесам̣ маггасаччам̣ уппаджджиттха, но ча тесам̣ самудайасаччам̣ уппаджджати. абхисамета̄вӣнам̣ тан̣ха̄йа уппа̄даккхан̣е тесам̣ маггасаччан̃ча уппаджджиттха самудайасаччан̃ча уппаджджати.

(кха) ануломаока̄со

60. йаттха дуккхасаччам̣ уппаджджати…пе… (йаттхака̄ садиса̄ саббе).

(га) ануломапуггалока̄са̄

61. (ка) йасса йаттха дуккхасаччам̣ уппаджджати тасса таттха самудайасаччам̣ уппаджджиттха̄ти?

суддха̄ва̄са̄нам̣ упапаттичиттасса [уппаттичиттасса (сйа̄.)] уппа̄даккхан̣е асан̃н̃асаттам̣ упападжджанта̄нам̣ тесам̣ таттха дуккхасаччам̣ уппаджджати, но ча тесам̣ таттха самудайасаччам̣ уппаджджиттха. итаресам̣ чатувока̄рам̣ пан̃чавока̄рам̣ упападжджанта̄нам̣ паватте читтасса уппа̄даккхан̣е тесам̣ таттха дуккхасаччан̃ча уппаджджати самудайасаччан̃ча уппаджджиттха.

(кха) йасса ва̄ пана йаттха самудайасаччам̣ уппаджджиттха тасса таттха дуккхасаччам̣ уппаджджатӣти?

чатувока̄ра̄ пан̃чавока̄ра̄ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ таттха самудайасаччам̣ уппаджджиттха, но ча тесам̣ таттха дуккхасаччам̣ уппаджджати. чатувока̄рам̣ пан̃чавока̄рам̣ упападжджанта̄нам̣ паватте читтасса уппа̄даккхан̣е тесам̣ таттха самудайасаччан̃ча уппаджджиттха дуккхасаччан̃ча уппаджджати.

(ка) йасса йаттха дуккхасаччам̣ уппаджджати тасса таттха маггасаччам̣ уппаджджиттха̄ти?

суддха̄ва̄са̄нам̣ упапаттичиттасса уппа̄даккхан̣е анабхисамета̄вӣнам̣ упападжджанта̄нам̣ паватте читтасса уппа̄даккхан̣е асан̃н̃асаттам̣ упападжджанта̄нам̣ тесам̣ таттха дуккхасаччам̣ уппаджджати, но ча тесам̣ таттха маггасаччам̣ уппаджджиттха. абхисамета̄вӣнам̣ упападжджанта̄нам̣ паватте читтасса уппа̄даккхан̣е тесам̣ таттха дуккхасаччан̃ча уппаджджати маггасаччан̃ча уппаджджиттха.

(кха) йасса ва̄ пана йаттха маггасаччам̣ уппаджджиттха тасса таттха дуккхасаччам̣ уппаджджатӣти?

абхисамета̄вӣнам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ таттха маггасаччам̣ уппаджджиттха, но ча тесам̣ таттха дуккхасаччам̣ уппаджджати. абхисамета̄вӣнам̣ упападжджанта̄нам̣ паватте читтасса уппа̄даккхан̣е тесам̣ таттха маггасаччан̃ча уппаджджиттха дуккхасаччан̃ча уппаджджати.

62. (ка) йасса йаттха самудайасаччам̣ уппаджджати тасса таттха маггасаччам̣ уппаджджиттха̄ти?

анабхисамета̄вӣнам̣ тан̣ха̄йа уппа̄даккхан̣е тесам̣ таттха самудайасаччам̣ уппаджджати, но ча тесам̣ таттха маггасаччам̣ уппаджджиттха. абхисамета̄вӣнам̣ тан̣ха̄йа уппа̄даккхан̣е тесам̣ таттха самудайасаччан̃ча уппаджджати маггасаччан̃ча уппаджджиттха.

(кха) йасса ва̄ пана йаттха маггасаччам̣ уппаджджиттха тасса таттха самудайасаччам̣ уппаджджатӣти?

абхисамета̄вӣнам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не тесам̣ таттха маггасаччам̣ уппаджджиттха, но ча тесам̣ таттха самудайасаччам̣ уппаджджати. абхисамета̄вӣнам̣ тан̣ха̄йа уппа̄даккхан̣е тесам̣ таттха маггасаччан̃ча уппаджджиттха самудайасаччан̃ча уппаджджати.

(гха) паччанӣкапуггало

63. (ка) йасса дуккхасаччам̣ нуппаджджати тасса самудайасаччам̣ нуппаджджиттха̄ти?

уппаджджиттха.

(кха) йасса ва̄ пана самудайасаччам̣ нуппаджджиттха тасса дуккхасаччам̣ нуппаджджатӣти? наттхи.

(ка) йасса дуккхасаччам̣ нуппаджджати тасса маггасаччам̣ нуппаджджиттха̄ти?

абхисамета̄вӣнам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ дуккхасаччам̣ нуппаджджати, но ча тесам̣ маггасаччам̣ нуппаджджиттха. анабхисамета̄вӣнам̣ чаванта̄нам̣ паватте читтасса бхан̇гаккхан̣е тесам̣ дуккхасаччан̃ча нуппаджджати маггасаччан̃ча нуппаджджиттха.

(кха) йасса ва̄ пана маггасаччам̣ нуппаджджиттха тасса дуккхасаччам̣ нуппаджджатӣти?

анабхисамета̄вӣнам̣ упападжджанта̄нам̣ паватте читтасса уппа̄даккхан̣е тесам̣ маггасаччам̣ нуппаджджиттха, но ча тесам̣ дуккхасаччам̣ нуппаджджати. анабхисамета̄вӣнам̣ чаванта̄нам̣ паватте читтасса бхан̇гаккхан̣е тесам̣ маггасаччан̃ча нуппаджджиттха дуккхасаччан̃ча нуппаджджати.

64. (ка) йасса самудайасаччам̣ нуппаджджати тасса маггасаччам̣ нуппаджджиттха̄ти?

абхисамета̄вӣнам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не ниродхасама̄панна̄нам̣ тесам̣ самудайасаччам̣ нуппаджджати, но ча тесам̣ маггасаччам̣ нуппаджджиттха. анабхисамета̄вӣнам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не асан̃н̃асатта̄нам̣ тесам̣ самудайасаччан̃ча нуппаджджати маггасаччан̃ча нуппаджджиттха.

(кха) йасса ва̄ пана маггасаччам̣ нуппаджджиттха тасса самудайасаччам̣ нуппаджджатӣти?

анабхисамета̄вӣнам̣ тан̣ха̄йа уппа̄даккхан̣е тесам̣ маггасаччам̣ нуппаджджиттха, но ча тесам̣ самудайасаччам̣ нуппаджджати. анабхисамета̄вӣнам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не асан̃н̃асатта̄нам̣ тесам̣ маггасаччан̃ча нуппаджджиттха самудайасаччан̃ча нуппаджджати.

(н̇а) паччанӣкаока̄со

65. йаттха дуккхасаччам̣ нуппаджджати…пе….

(ча) паччанӣкапуггалока̄са̄

66. (ка) йасса йаттха дуккхасаччам̣ нуппаджджати тасса таттха самудайасаччам̣ нуппаджджиттха̄ти?

чатувока̄ра̄ пан̃чавока̄ра̄ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ таттха дуккхасаччам̣ нуппаджджати, но ча тесам̣ таттха самудайасаччам̣ нуппаджджиттха. суддха̄ва̄са̄нам̣ упапаттичиттасса бхан̇гаккхан̣е асан̃н̃асатта̄ чаванта̄нам̣ тесам̣ таттха дуккхасаччан̃ча нуппаджджати самудайасаччан̃ча нуппаджджиттха.

(кха) йасса ва̄ пана йаттха самудайасаччам̣ нуппаджджиттха тасса таттха дуккхасаччам̣ нуппаджджатӣти?

суддха̄ва̄са̄нам̣ упапаттичиттасса уппа̄даккхан̣е асан̃н̃асаттам̣ упападжджанта̄нам̣ тесам̣ таттха самудайасаччам̣ нуппаджджиттха, но ча тесам̣ таттха дуккхасаччам̣ нуппаджджати. суддха̄ва̄са̄нам̣ упапаттичиттасса бхан̇гаккхан̣е асан̃н̃асатта̄ чаванта̄нам̣ тесам̣ таттха самудайасаччан̃ча нуппаджджиттха дуккхасаччан̃ча нуппаджджати.

(ка) йасса йаттха дуккхасаччам̣ нуппаджджати тасса таттха маггасаччам̣ нуппаджджиттха̄ти?

абхисамета̄вӣнам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ таттха дуккхасаччам̣ нуппаджджати, но ча тесам̣ таттха маггасаччам̣ нуппаджджиттха. суддха̄ва̄са̄нам̣ упапаттичиттасса бхан̇гаккхан̣е анабхисамета̄вӣнам̣ чаванта̄нам̣ паватте читтасса бхан̇гаккхан̣е асан̃н̃асатта̄ чаванта̄нам̣ тесам̣ таттха дуккхасаччан̃ча нуппаджджати маггасаччан̃ча нуппаджджиттха.

(кха) йасса ва̄ пана йаттха маггасаччам̣ нуппаджджиттха тасса таттха дуккхасаччам̣ нуппаджджатӣти?

суддха̄ва̄са̄нам̣ упапаттичиттасса уппа̄даккхан̣е анабхисамета̄вӣнам̣ упападжджанта̄нам̣ паватте читтасса уппа̄даккхан̣е асан̃н̃асаттам̣ упападжджанта̄нам̣ тесам̣ таттха маггасаччам̣ нуппаджджиттха, но ча тесам̣ таттха дуккхасаччам̣ нуппаджджати. суддха̄ва̄са̄нам̣ упапаттичиттасса бхан̇гаккхан̣е анабхисамета̄вӣнам̣ чаванта̄нам̣ паватте читтасса бхан̇гаккхан̣е асан̃н̃асатта̄ чаванта̄нам̣ тесам̣ таттха маггасаччан̃ча нуппаджджиттха дуккхасаччан̃ча нуппаджджати.

67. (ка) йасса йаттха самудайасаччам̣ нуппаджджати тасса таттха маггасаччам̣ нуппаджджиттха̄ти?

абхисамета̄вӣнам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не тесам̣ таттха самудайасаччам̣ нуппаджджати, но ча тесам̣ таттха маггасаччам̣ нуппаджджиттха. суддха̄ва̄са̄нам̣ дутийе читте ваттама̄не анабхисамета̄вӣнам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не асан̃н̃асатта̄нам̣ тесам̣ таттха самудайасаччан̃ча нуппаджджати маггасаччан̃ча нуппаджджиттха.

(кха) йасса ва̄ пана йаттха маггасаччам̣ нуппаджджиттха тасса таттха самудайасаччам̣ нуппаджджатӣти?

анабхисамета̄вӣнам̣ тан̣ха̄йа уппа̄даккхан̣е тесам̣ таттха маггасаччам̣ нуппаджджиттха, но ча тесам̣ таттха самудайасаччам̣ нуппаджджати. суддха̄ва̄са̄нам̣ дутийе читте ваттама̄не анабхисамета̄вӣнам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не асан̃н̃асатта̄нам̣ тесам̣ таттха маггасаччан̃ча нуппаджджиттха самудайасаччан̃ча нуппаджджати.