(3) ана̄гатава̄ро

(ка) ануломапуггало

48. (ка) йасса дуккхасаччам̣ уппаджджиссати тасса самудайасаччам̣ уппаджджиссатӣти?

аггамаггасаман̇гӣнам̣ араханта̄нам̣ йасса читтасса анантара̄ аггамаггам̣ пат̣илабхиссанти тесам̣ дуккхасаччам̣ уппаджджиссати, но ча тесам̣ самудайасаччам̣ уппаджджиссати. итаресам̣ тесам̣ дуккхасаччан̃ча уппаджджиссати самудайасаччан̃ча уппаджджиссати.

(кха) йасса ва̄ пана…пе…? а̄манта̄.

(ка) йасса дуккхасаччам̣ уппаджджиссати тасса маггасаччам̣ уппаджджиссатӣти?

аггамаггасаман̇гӣнам̣ араханта̄нам̣ йе ча путхуджджана̄ маггам̣ на пат̣илабхиссанти тесам̣ дуккхасаччам̣ уппаджджиссати, но ча тесам̣ маггасаччам̣ уппаджджиссати. йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ дуккхасаччан̃ча уппаджджиссати маггасаччан̃ча уппаджджиссати.

(кха) йасса ва̄ пана…пе… уппаджджиссатӣти? а̄манта̄.

49. (ка) йасса самудайасаччам̣ уппаджджиссати тасса маггасаччам̣ уппаджджиссатӣти?

йе путхуджджана̄ маггам̣ на пат̣илабхиссанти тесам̣ самудайасаччам̣ уппаджджиссати, но ча тесам̣ маггасаччам̣ уппаджджиссати. йе маггам̣ пат̣илабхиссанти тесам̣ самудайасаччан̃ча уппаджджиссати маггасаччан̃ча уппаджджиссати.

(кха) йасса ва̄ пана маггасаччам̣ уппаджджиссати тасса самудайасаччам̣ уппаджджиссатӣти?

йасса читтасса анантара̄ аггамаггам̣ пат̣илабхиссанти тесам̣ маггасаччам̣ уппаджджиссати, но ча тесам̣ самудайасаччам̣ уппаджджиссати. йе маггам̣ пат̣илабхиссанти тесам̣ маггасаччан̃ча уппаджджиссати самудайасаччан̃ча уппаджджиссати.

(кха) ануломаока̄со

50. йаттха дуккхасаччам̣ уппаджджиссати…пе….

(га) ануломапуггалока̄са̄

51. (ка) йасса йаттха дуккхасаччам̣ уппаджджиссати тасса таттха самудайасаччам̣ уппаджджиссатӣти?

аггамаггасаман̇гӣнам̣ араханта̄нам̣ йасса читтасса анантара̄ аггамаггам̣ пат̣илабхиссанти асан̃н̃асатта̄нам̣ тесам̣ таттха дуккхасаччам̣ уппаджджиссати, но ча тесам̣ таттха самудайасаччам̣ уппаджджиссати. итаресам̣ чатувока̄ра̄нам̣ пан̃чавока̄ра̄нам̣ тесам̣ таттха дуккхасаччан̃ча уппаджджиссати самудайасаччан̃ча уппаджджиссати.

(кха) йасса ва̄ пана йаттха самудайасаччам̣ уппаджджиссати…пе… уппаджджиссатӣти? а̄манта̄.

(ка) йасса йаттха дуккхасаччам̣ уппаджджиссати тасса таттха маггасаччам̣ уппаджджиссатӣти?

аггамаггасаман̇гӣнам̣ араханта̄нам̣ йе ча путхуджджана̄ маггам̣ на пат̣илабхиссанти а̄па̄йика̄нам̣ асан̃н̃асатта̄нам̣ тесам̣ таттха дуккхасаччам̣ уппаджджиссати, но ча тесам̣ таттха маггасаччам̣ уппаджджиссати. йасса читтасса анантара̄ аггамаггам̣ пат̣илабхиссанти, йе чан̃н̃е маггам̣ пат̣илабхиссанти тесам̣ таттха дуккхасаччан̃ча уппаджджиссати маггасаччан̃ча уппаджджиссати.

(кха) йасса ва̄ пана йаттха маггасаччам̣ уппаджджиссати тасса таттха дуккхасаччам̣ уппаджджиссатӣти? а̄манта̄.

52. (ка) йасса йаттха самудайасаччам̣ уппаджджиссати тасса таттха маггасаччам̣ уппаджджиссатӣти?

а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ таттха самудайасаччам̣ уппаджджиссати, но ча тесам̣ таттха маггасаччам̣ уппаджджиссати. йе маггам̣ пат̣илабхиссанти тесам̣ таттха самудайасаччан̃ча уппаджджиссати маггасаччан̃ча уппаджджиссати.

(кха) йасса ва̄ пана йаттха маггасаччам̣ уппаджджиссати тасса таттха самудайасаччам̣ уппаджджиссатӣти?

йасса читтасса анантара̄ аггамаггам̣ пат̣илабхиссанти тесам̣ таттха маггасаччам̣ уппаджджиссати, но ча тесам̣ таттха самудайасаччам̣ уппаджджиссати. йе маггам̣ пат̣илабхиссанти тесам̣ таттха маггасаччан̃ча уппаджджиссати самудайасаччан̃ча уппаджджиссати.

(гха) паччанӣкапуггало

53. (ка) йасса дуккхасаччам̣ нуппаджджиссати тасса самудайасаччам̣ нуппаджджиссатӣти? а̄манта̄.

(кха) йасса ва̄ пана самудайасаччам̣ нуппаджджиссати тасса дуккхасаччам̣ нуппаджджиссатӣти?

аггамаггасаман̇гӣнам̣ араханта̄нам̣ йасса читтасса анантара̄ аггамаггам̣ пат̣илабхиссанти тесам̣ самудайасаччам̣ нуппаджджиссати, но ча тесам̣ дуккхасаччам̣ нуппаджджиссати. паччхимачиттасаман̇гӣнам̣ тесам̣ самудайасаччан̃ча нуппаджджиссати дуккхасаччан̃ча нуппаджджиссати.

(ка) йасса дуккхасаччам̣ нуппаджджиссати тасса маггасаччам̣ нуппаджджиссатӣти? а̄манта̄.

(кха) йасса ва̄ пана маггасаччам̣ нуппаджджиссати тасса дуккхасаччам̣ нуппаджджиссатӣти?

аггамаггасаман̇гӣнам̣ араханта̄нам̣ йе ча путхуджджана̄ маггам̣ на пат̣илабхиссанти тесам̣ маггасаччам̣ нуппаджджиссати, но ча тесам̣ дуккхасаччам̣ нуппаджджиссати. паччхимачиттасаман̇гӣнам̣ тесам̣ маггасаччан̃ча нуппаджджиссати дуккхасаччан̃ча нуппаджджиссати.

54. (ка) йасса самудайасаччам̣ нуппаджджиссати тасса маггасаччам̣ нуппаджджиссатӣти?

йасса читтасса анантара̄ аггамаггам̣ пат̣илабхиссанти тесам̣ самудайасаччам̣ нуппаджджиссати, но ча тесам̣ маггасаччам̣ нуппаджджиссати. аггамаггасаман̇гӣнам̣ араханта̄нам̣ тесам̣ самудайасаччан̃ча нуппаджджиссати маггасаччан̃ча нуппаджджиссати.

(кха) йасса ва̄ пана маггасаччам̣ нуппаджджиссати тасса самудайасаччам̣ нуппаджджиссатӣти?

йе путхуджджана̄ маггам̣ на пат̣илабхиссанти тесам̣ маггасаччам̣ нуппаджджиссати, но ча тесам̣ самудайасаччам̣ нуппаджджиссати. аггамаггасаман̇гӣнам̣ араханта̄нам̣ тесам̣ маггасаччан̃ча нуппаджджиссати самудайасаччан̃ча нуппаджджиссати.

(н̇а) паччанӣкаока̄со

55. йаттха дуккхасаччам̣ нуппаджджиссати…пе….

(ча) паччанӣкапуггалока̄са̄

56. (ка) йасса йаттха дуккхасаччам̣ нуппаджджиссати тасса таттха самудайасаччам̣ нуппаджджиссатӣти? а̄манта̄.

(кха) йасса ва̄ пана йаттха самудайасаччам̣ нуппаджджиссати тасса таттха дуккхасаччам̣ нуппаджджиссатӣти?

аггамаггасаман̇гӣнам̣ араханта̄нам̣ йасса читтасса анантара̄ аггамаггам̣ пат̣илабхиссанти асан̃н̃асатта̄нам̣ тесам̣ таттха самудайасаччам̣ нуппаджджиссати, но ча тесам̣ таттха дуккхасаччам̣ нуппаджджиссати. паччхимачиттасаман̇гӣнам̣ тесам̣ таттха самудайасаччан̃ча нуппаджджиссати дуккхасаччан̃ча нуппаджджиссати.

(ка) йасса йаттха дуккхасаччам̣ нуппаджджиссати тасса таттха маггасаччам̣ нуппаджджиссатӣти? а̄манта̄.

(кха) йасса ва̄ пана йаттха маггасаччам̣ нуппаджджиссати тасса таттха дуккхасаччам̣ нуппаджджиссатӣти?

аггамаггасаман̇гӣнам̣ араханта̄нам̣ йе ча путхуджджана̄ маггам̣ на пат̣илабхиссанти а̄па̄йика̄нам̣ асан̃н̃асатта̄нам̣ тесам̣ таттха маггасаччам̣ нуппаджджиссати, но ча тесам̣ таттха дуккхасаччам̣ нуппаджджиссати. паччхимачиттасаман̇гӣнам̣ тесам̣ таттха маггасаччан̃ча нуппаджджиссати дуккхасаччан̃ча нуппаджджиссати.

57. (ка) йасса йаттха самудайасаччам̣ нуппаджджиссати тасса таттха маггасаччам̣ нуппаджджиссатӣти?

йасса читтасса анантара̄ аггамаггам̣ пат̣илабхиссанти тесам̣ таттха самудайасаччам̣ нуппаджджиссати, но ча тесам̣ таттха маггасаччам̣ нуппаджджиссати. аггамаггасаман̇гӣнам̣ араханта̄нам̣ асан̃н̃асатта̄нам̣ тесам̣ таттха самудайасаччан̃ча нуппаджджиссати маггасаччан̃ча нуппаджджиссати.

(кха) йасса ва̄ пана йаттха маггасаччам̣ нуппаджджиссати тасса таттха самудайасаччам̣ нуппаджджиссатӣти?

а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ таттха маггасаччам̣ нуппаджджиссати, но ча тесам̣ таттха самудайасаччам̣ нуппаджджиссати. аггамаггасаман̇гӣнам̣ араханта̄нам̣ асан̃н̃асатта̄нам̣ тесам̣ таттха маггасаччан̃ча нуппаджджиссати самудайасаччан̃ча нуппаджджиссати.