(2) атӣтава̄ро

(ка) ануломапуггало

38. (ка) йасса дуккхасаччам̣ уппаджджиттха тасса самудайасаччам̣ уппаджджиттха̄ти? а̄манта̄.

(кха) йасса ва̄ пана самудайасаччам̣ уппаджджиттха тасса дуккхасаччам̣ уппаджджиттха̄ти? а̄манта̄.

(ка) йасса дуккхасаччам̣ уппаджджиттха тасса маггасаччам̣ уппаджджиттха̄ти?

анабхисамета̄вӣнам̣ тесам̣ дуккхасаччам̣ уппаджджиттха, но ча тесам̣ маггасаччам̣ уппаджджиттха. абхисамета̄вӣнам̣ тесам̣ дуккхасаччан̃ча уппаджджиттха маггасаччан̃ча уппаджджиттха.

(кха) йасса ва̄ пана…пе… уппаджджиттха̄ти? а̄манта̄.

39. (ка) йасса самудайасаччам̣ уппаджджиттха тасса маггасаччам̣ уппаджджиттха̄ти?

анабхисамета̄вӣнам̣ тесам̣ самудайасаччам̣ уппаджджиттха, но ча тесам̣ маггасаччам̣ уппаджджиттха. абхисамета̄вӣнам̣ тесам̣ самудайасаччан̃ча уппаджджиттха маггасаччан̃ча уппаджджиттха.

(кха) йасса ва̄ пана…пе… уппаджджиттха̄ти? а̄манта̄.

(кха) ануломаока̄со

40. йаттха дуккхасаччам̣ уппаджджиттха…пе….

(йаттхакампи саббаттха садисам̣. тантина̄на̄каран̣ам̣ хет̣т̣ха̄ йаттхакасадисам̣).

(га) ануломапуггалока̄са̄

41. (ка) йасса йаттха дуккхасаччам̣ уппаджджиттха тасса таттха самудайасаччам̣ уппаджджиттха̄ти?

суддха̄ва̄са̄нам̣ дутийе читте ваттама̄не асан̃н̃асатта̄нам̣ тесам̣ таттха дуккхасаччам̣ уппаджджиттха, но ча тесам̣ таттха самудайасаччам̣ уппаджджиттха. итаресам̣ чатувока̄ра̄нам̣ пан̃чавока̄ра̄нам̣ тесам̣ таттха дуккхасаччан̃ча уппаджджиттха самудайасаччан̃ча уппаджджиттха.

(кха) йасса ва̄ пана йаттха…пе… уппаджджиттха̄ти? а̄манта̄.

(ка) йасса йаттха дуккхасаччам̣ уппаджджиттха тасса таттха маггасаччам̣ уппаджджиттха̄ти?

суддха̄ва̄са̄нам̣ дутийе читте ваттама̄не анабхисамета̄вӣнам̣ асан̃н̃асатта̄нам̣ тесам̣ таттха дуккхасаччам̣ уппаджджиттха, но ча тесам̣ таттха маггасаччам̣ уппаджджиттха. абхисамета̄вӣнам̣ тесам̣ таттха дуккхасаччан̃ча уппаджджиттха маггасаччан̃ча уппаджджиттха.

(кха) йасса ва̄ пана йаттха…пе… уппаджджиттха̄ти? а̄манта̄.

42. (ка) йасса йаттха самудайасаччам̣ уппаджджиттха тасса таттха маггасаччам̣ уппаджджиттха̄ти?

суддха̄ва̄са̄нам̣ дутийе акусале читте ваттама̄не анабхисамета̄вӣнам̣ тесам̣ таттха самудайасаччам̣ уппаджджиттха, но ча тесам̣ таттха маггасаччам̣ уппаджджиттха. абхисамета̄вӣнам̣ тесам̣ таттха самудайасаччан̃ча уппаджджиттха маггасаччан̃ча уппаджджиттха.

(кха) йасса ва̄ пана йаттха…пе… уппаджджиттха̄ти? а̄манта̄.

(гха) паччанӣкапуггало

43. (ка) йасса дуккхасаччам̣ нуппаджджиттха тасса самудайасаччам̣ нуппаджджиттха̄ти? наттхи.

(кха) йасса ва̄ пана…пе… нуппаджджиттха̄ти? наттхи.

(ка) йасса дуккхасаччам̣ нуппаджджиттха тасса маггасаччам̣ нуппаджджиттха̄ти? наттхи.

(кха) йасса ва̄ пана маггасаччам̣ нуппаджджиттха тасса дуккхасаччам̣ нуппаджджиттха̄ти? уппаджджиттха.

44. (ка) йасса самудайасаччам̣ нуппаджджиттха тасса маггасаччам̣ нуппаджджиттха̄ти? наттхи.

(кха) йасса ва̄ пана…пе… нуппаджджиттха̄ти? уппаджджиттха.

(н̇а) паччанӣкаока̄со

45. йаттха дуккхасаччам̣ нуппаджджиттха…пе….

(ча) паччанӣкапуггалока̄са̄

46. (ка) йасса йаттха дуккхасаччам̣ нуппаджджиттха тасса таттха самудайасаччам̣ нуппаджджиттха̄ти? а̄манта̄.

(кха) йасса ва̄ пана йаттха самудайасаччам̣ нуппаджджиттха тасса таттха дуккхасаччам̣ нуппаджджиттха̄ти?

суддха̄ва̄са̄нам̣ дутийе читте ваттама̄не асан̃н̃асатта̄нам̣ тесам̣ таттха самудайасаччам̣ нуппаджджиттха, но ча тесам̣ таттха дуккхасаччам̣ нуппаджджиттха. суддха̄ва̄сам̣ упападжджанта̄нам̣ тесам̣ таттха самудайасаччан̃ча нуппаджджиттха дуккхасаччан̃ча нуппаджджиттха.

(ка) йасса йаттха дуккхасаччам̣ нуппаджджиттха тасса таттха маггасаччам̣ нуппаджджиттха̄ти? а̄манта̄.

(кха) йасса ва̄ пана йаттха маггасаччам̣ нуппаджджиттха тасса таттха дуккхасаччам̣ нуппаджджиттха̄ти?

суддха̄ва̄са̄нам̣ дутийе читте ваттама̄не анабхисамета̄вӣнам̣ асан̃н̃асатта̄нам̣ тесам̣ таттха маггасаччам̣ нуппаджджиттха, но ча тесам̣ таттха дуккхасаччам̣ нуппаджджиттха. суддха̄ва̄сам̣ упападжджанта̄нам̣ тесам̣ таттха маггасаччан̃ча нуппаджджиттха дуккхасаччан̃ча нуппаджджиттха.

47. (ка) йасса йаттха самудайасаччам̣ нуппаджджиттха тасса таттха маггасаччам̣ нуппаджджиттха̄ти? а̄манта̄.

(кха) йасса ва̄ пана йаттха маггасаччам̣ нуппаджджиттха тасса таттха самудайасаччам̣ нуппаджджиттха̄ти?

суддха̄ва̄са̄нам̣ дутийе акусале читте ваттама̄не анабхисамета̄вӣнам̣ тесам̣ таттха маггасаччам̣ нуппаджджиттха, но ча тесам̣ таттха самудайасаччам̣ нуппаджджиттха. суддха̄ва̄са̄нам̣ дутийе читте ваттама̄не асан̃н̃асатта̄нам̣ тесам̣ таттха маггасаччан̃ча нуппаджджиттха самудайасаччан̃ча нуппаджджиттха.