(5) паччуппанна̄на̄гатава̄ро

(ка) ануломапуггало

80. (ка) йасса рӯпаккхандхо уппаджджати тасса ведана̄ккхандхо уппаджджиссатӣти?

паччхимабхавика̄нам̣ пан̃чавока̄рам̣ упападжджанта̄нам̣ тесам̣ рӯпаккхандхо уппаджджати, но ча тесам̣ ведана̄ккхандхо уппаджджиссати. итаресам̣ пан̃чавока̄рам̣ упападжджанта̄нам̣ асан̃н̃асаттам̣ упападжджанта̄нам̣ тесам̣ рӯпаккхандхо ча уппаджджати ведана̄ккхандхо ча уппаджджиссати.

(кха) йасса ва̄ пана ведана̄ккхандхо уппаджджиссати тасса рӯпаккхандхо уппаджджатӣти?

саббесам̣ чаванта̄нам̣ арӯпам̣ упападжджанта̄нам̣ тесам̣ ведана̄ккхандхо уппаджджиссати, но ча тесам̣ рӯпаккхандхо уппаджджати. пан̃чавока̄рам̣ упападжджанта̄нам̣ асан̃н̃асаттам̣ упападжджанта̄нам̣ тесам̣ ведана̄ккхандхо ча уппаджджиссати рӯпаккхандхо ча уппаджджати.

81. (ка) йасса ведана̄ккхандхо уппаджджати тасса сан̃н̃а̄ккхандхо уппаджджиссатӣти?

паччхимабхавика̄нам̣ упападжджанта̄нам̣ тесам̣ ведана̄ккхандхо уппаджджати, но ча тесам̣ сан̃н̃а̄ккхандхо уппаджджиссати. итаресам̣ чатувока̄рам̣ пан̃чавока̄рам̣ упападжджанта̄нам̣ тесам̣ ведана̄ккхандхо ча уппаджджати сан̃н̃а̄ккхандхо ча уппаджджиссати.

(кха) йасса ва̄ пана сан̃н̃а̄ккхандхо уппаджджиссати тасса ведана̄ккхандхо уппаджджатӣти?

саббесам̣ чаванта̄нам̣ асан̃н̃асаттам̣ упападжджанта̄нам̣ тесам̣ сан̃н̃а̄ккхандхо уппаджджиссати, но ча тесам̣ ведана̄ккхандхо уппаджджати. чатувока̄рам̣ пан̃чавока̄рам̣ упападжджанта̄нам̣ тесам̣ сан̃н̃а̄ккхандхо ча уппаджджиссати ведана̄ккхандхо ча уппаджджати.

(кха) ануломаока̄со

82. (ка) йаттха рӯпаккхандхо уппаджджати таттха ведана̄ккхандхо уппаджджиссатӣти?

асан̃н̃асатте таттха рӯпаккхандхо уппаджджати, но ча таттха ведана̄ккхандхо уппаджджиссати. пан̃чавока̄ре таттха рӯпаккхандхо ча уппаджджати ведана̄ккхандхо ча уппаджджиссати.

(кха) йаттха ва̄ пана ведана̄ккхандхо уппаджджиссати таттха рӯпаккхандхо уппаджджатӣти?

арӯпе таттха ведана̄ккхандхо уппаджджиссати, но ча таттха рӯпаккхандхо уппаджджати. пан̃чавока̄ре таттха ведана̄ккхандхо ча уппаджджиссати рӯпаккхандхо ча уппаджджати.

83. (ка) йаттха ведана̄ккхандхо уппаджджати таттха сан̃н̃а̄ккхандхо уппаджджиссатӣти? а̄манта̄.

(кха) йаттха ва̄ пана сан̃н̃а̄ккхандхо уппаджджиссати таттха ведана̄ккхандхо уппаджджатӣти? а̄манта̄.

(га) ануломапуггалока̄са̄

84. (ка) йасса йаттха рӯпаккхандхо уппаджджати тасса таттха ведана̄ккхандхо уппаджджиссатӣти?

паччхимабхавика̄нам̣ пан̃чавока̄рам̣ упападжджанта̄нам̣ асан̃н̃асаттам̣ упападжджанта̄нам̣ тесам̣ таттха рӯпаккхандхо уппаджджати, но ча тесам̣ таттха ведана̄ккхандхо уппаджджиссати. итаресам̣ пан̃чавока̄рам̣ упападжджанта̄нам̣ тесам̣ таттха рӯпаккхандхо ча уппаджджати ведана̄ккхандхо ча уппаджджиссати.

(кха) йасса ва̄ пана йаттха ведана̄ккхандхо уппаджджиссати тасса таттха рӯпаккхандхо уппаджджатӣти?

пан̃чавока̄ра̄ чаванта̄нам̣ арӯпа̄нам̣ тесам̣ таттха ведана̄ккхандхо уппаджджиссати, но ча тесам̣ таттха рӯпаккхандхо уппаджджати. пан̃чавока̄рам̣ упападжджанта̄нам̣ тесам̣ таттха ведана̄ккхандхо ча уппаджджиссати рӯпаккхандхо ча уппаджджати.

85. (ка) йасса йаттха ведана̄ккхандхо уппаджджати тасса таттха сан̃н̃а̄ккхандхо уппаджджиссатӣти?

паччхимабхавика̄нам̣ упападжджанта̄нам̣ тесам̣ таттха ведана̄ккхандхо уппаджджати, но ча тесам̣ таттха сан̃н̃а̄ккхандхо уппаджджиссати. итаресам̣ чатувока̄рам̣ пан̃чавока̄рам̣ упападжджанта̄нам̣ тесам̣ таттха ведана̄ккхандхо ча уппаджджати сан̃н̃а̄ккхандхо ча уппаджджиссати.

(кха) йасса ва̄ пана йаттха сан̃н̃а̄ккхандхо уппаджджиссати тасса таттха ведана̄ккхандхо уппаджджатӣти?

чатувока̄ра̄ пан̃чавока̄ра̄ чаванта̄нам̣ тесам̣ таттха сан̃н̃а̄ккхандхо уппаджджиссати, но ча тесам̣ таттха ведана̄ккхандхо уппаджджати. чатувока̄рам̣ пан̃чавока̄рам̣ упападжджанта̄нам̣ тесам̣ таттха сан̃н̃а̄ккхандхо ча уппаджджиссати ведана̄ккхандхо ча уппаджджати.

(гха) паччанӣкапуггало

86. (ка) йасса рӯпаккхандхо нуппаджджати тасса ведана̄ккхандхо нуппаджджиссатӣти?

саббесам̣ чаванта̄нам̣ арӯпам̣ упападжджанта̄нам̣ тесам̣ рӯпаккхандхо нуппаджджати, но ча тесам̣ ведана̄ккхандхо нуппаджджиссати. пан̃чавока̄ре париниббанта̄нам̣ арӯпе паччхимабхавика̄нам̣ тесам̣ рӯпаккхандхо ча нуппаджджати ведана̄ккхандхо ча нуппаджджиссати.

(кха) йасса ва̄ пана ведана̄ккхандхо нуппаджджиссати тасса рӯпаккхандхо нуппаджджатӣти?

паччхимабхавика̄нам̣ пан̃чавока̄рам̣ упападжджанта̄нам̣ тесам̣ ведана̄ккхандхо нуппаджджиссати, но ча тесам̣ рӯпаккхандхо нуппаджджати. пан̃чавока̄ре париниббанта̄нам̣ арӯпе паччхимабхавика̄нам̣ тесам̣ ведана̄ккхандхо ча нуппаджджиссати рӯпаккхандхо ча нуппаджджати.

87. (ка) йасса ведана̄ккхандхо нуппаджджати тасса сан̃н̃а̄ккхандхо нуппаджджиссатӣти?

саббесам̣ чаванта̄нам̣ асан̃н̃асаттам̣ упападжджанта̄нам̣ тесам̣ ведана̄ккхандхо нуппаджджати, но ча тесам̣ сан̃н̃а̄ккхандхо нуппаджджиссати. париниббанта̄нам̣ тесам̣ ведана̄ккхандхо ча нуппаджджати сан̃н̃а̄ккхандхо ча нуппаджджиссати.

(кха) йасса ва̄ пана сан̃н̃а̄ккхандхо нуппаджджиссати тасса ведана̄ккхандхо нуппаджджатӣти?

паччхимабхавика̄нам̣ упападжджанта̄нам̣ [паччхимабхавика̄нам̣ пан̃чавока̄рам̣ упападжджанта̄нам̣ (сӣ. сйа̄.)] тесам̣ сан̃н̃а̄ккхандхо нуппаджджиссати, но ча тесам̣ ведана̄ккхандхо нуппаджджати. париниббанта̄нам̣ тесам̣ сан̃н̃а̄ккхандхо ча нуппаджджиссати ведана̄ккхандхо ча нуппаджджати.

(н̇а) паччанӣкаока̄со

88. (ка) йаттха рӯпаккхандхо нуппаджджати таттха ведана̄ккхандхо нуппаджджиссатӣти? уппаджджиссати.

(кха) йаттха ва̄ пана ведана̄ккхандхо нуппаджджиссати таттха рӯпаккхандхо нуппаджджатӣти? уппаджджати.

89. (ка) йаттха ведана̄ккхандхо нуппаджджати таттха сан̃н̃а̄ккхандхо нуппаджджиссатӣти? а̄манта̄.

(кха) йаттха ва̄ пана сан̃н̃а̄ккхандхо нуппаджджиссати таттха ведана̄ккхандхо нуппаджджатӣти? а̄манта̄.

(ча) паччанӣкапуггалока̄са̄

90. (ка) йасса йаттха рӯпаккхандхо нуппаджджати тасса таттха ведана̄ккхандхо нуппаджджиссатӣти?

пан̃чавока̄ра̄ чаванта̄нам̣ арӯпа̄нам̣ тесам̣ таттха рӯпаккхандхо нуппаджджати, но ча тесам̣ таттха ведана̄ккхандхо нуппаджджиссати. пан̃чавока̄ре париниббанта̄нам̣ арӯпе паччхимабхавика̄нам̣ асан̃н̃асатта̄ чаванта̄нам̣ тесам̣ таттха рӯпаккхандхо ча нуппаджджати ведана̄ккхандхо ча нуппаджджиссати.

(кха) йасса ва̄ пана йаттха ведана̄ккхандхо нуппаджджиссати тасса таттха рӯпаккхандхо нуппаджджатӣти?

паччхимабхавика̄нам̣ пан̃чавока̄рам̣ упападжджанта̄нам̣ асан̃н̃асаттам̣ упападжджанта̄нам̣ тесам̣ таттха ведана̄ккхандхо нуппаджджиссати, но ча тесам̣ таттха рӯпаккхандхо нуппаджджати. пан̃чавока̄ре париниббанта̄нам̣ арӯпе паччхимабхавика̄нам̣ асан̃н̃асатта̄ чаванта̄нам̣ тесам̣ таттха ведана̄ккхандхо ча нуппаджджиссати рӯпаккхандхо ча нуппаджджати.

91. (ка) йасса йаттха ведана̄ккхандхо нуппаджджати тасса таттха сан̃н̃а̄ккхандхо нуппаджджиссатӣти?

чатувока̄ра̄ пан̃чавока̄ра̄ чаванта̄нам̣ тесам̣ таттха ведана̄ккхандхо нуппаджджати, но ча тесам̣ таттха сан̃н̃а̄ккхандхо нуппаджджиссати. париниббанта̄нам̣ асан̃н̃асатта̄нам̣ тесам̣ таттха ведана̄ккхандхо ча нуппаджджати сан̃н̃а̄ккхандхо ча нуппаджджиссати.

(кха) йасса ва̄ пана йаттха сан̃н̃а̄ккхандхо нуппаджджиссати тасса таттха ведана̄ккхандхо нуппаджджатӣти?

паччхимабхавика̄нам̣ упападжджанта̄нам̣ тесам̣ таттха сан̃н̃а̄ккхандхо нуппаджджиссати, но ча тесам̣ таттха ведана̄ккхандхо нуппаджджати. париниббанта̄нам̣ асан̃н̃асатта̄нам̣ тесам̣ таттха сан̃н̃а̄ккхандхо ча нуппаджджиссати ведана̄ккхандхо ча нуппаджджати.