(6) атӣта̄на̄гатава̄ро

(ка) ануломапуггало

92. (ка) йасса рӯпаккхандхо уппаджджиттха тасса ведана̄ккхандхо уппаджджиссатӣти?

паччхимабхавика̄нам̣ тесам̣ рӯпаккхандхо уппаджджиттха, но ча тесам̣ ведана̄ккхандхо уппаджджиссати. итаресам̣ тесам̣ рӯпаккхандхо ча уппаджджиттха ведана̄ккхандхо ча уппаджджиссати.

(кха) йасса ва̄ пана ведана̄ккхандхо уппаджджиссати тасса рӯпаккхандхо уппаджджиттха̄ти? а̄манта̄.

93. (ка) йасса ведана̄ккхандхо уппаджджиттха тасса сан̃н̃а̄ккхандхо уппаджджиссатӣти?

паччхимабхавика̄нам̣ тесам̣ ведана̄ккхандхо уппаджджиттха, но ча тесам̣ сан̃н̃а̄ккхандхо уппаджджиссати. итаресам̣ тесам̣ ведана̄ккхандхо ча уппаджджиттха сан̃н̃а̄ккхандхо ча уппаджджиссати.

(кха) йасса ва̄ пана сан̃н̃а̄ккхандхо уппаджджиссати тасса ведана̄ккхандхо уппаджджиттха̄ти? а̄манта̄.

(кха) ануломаока̄со

94. (ка) йаттха рӯпаккхандхо уппаджджиттха таттха ведана̄ккхандхо уппаджджиссатӣти?

асан̃н̃асатте таттха рӯпаккхандхо уппаджджиттха, но ча таттха ведана̄ккхандхо уппаджджиссати. пан̃чавока̄ре таттха рӯпаккхандхо ча уппаджджиттха ведана̄ккхандхо ча уппаджджиссати.

(кха) йаттха ва̄ пана ведана̄ккхандхо уппаджджиссати таттха рӯпаккхандхо уппаджджиттха̄ти?

арӯпе таттха ведана̄ккхандхо уппаджджиссати, но ча таттха рӯпаккхандхо уппаджджиттха. пан̃чавока̄ре таттха ведана̄ккхандхо ча уппаджджиссати рӯпаккхандхо ча уппаджджиттха.

95. (ка) йаттха ведана̄ккхандхо уппаджджиттха таттха сан̃н̃а̄ккхандхо уппаджджиссатӣти? а̄манта̄.

(кха) йаттха ва̄ пана сан̃н̃а̄ккхандхо уппаджджиссати таттха ведана̄ккхандхо уппаджджиттха̄ти? а̄манта̄.

(га) ануломапуггалока̄са̄

96. (ка) йасса йаттха рӯпаккхандхо уппаджджиттха тасса таттха ведана̄ккхандхо уппаджджиссатӣти?

пан̃чавока̄ре паччхимабхавика̄нам̣ асан̃н̃асатта̄нам̣ тесам̣ таттха рӯпаккхандхо уппаджджиттха, но ча тесам̣ таттха ведана̄ккхандхо уппаджджиссати. итаресам̣ пан̃чавока̄ра̄нам̣ тесам̣ таттха рӯпаккхандхо ча уппаджджиттха ведана̄ккхандхо ча уппаджджиссати.

(кха) йасса ва̄ пана йаттха ведана̄ккхандхо уппаджджиссати тасса таттха рӯпаккхандхо уппаджджиттха̄ти?

арӯпа̄нам̣ тесам̣ таттха ведана̄ккхандхо уппаджджиссати, но ча тесам̣ таттха рӯпаккхандхо уппаджджиттха. пан̃чавока̄ра̄нам̣ тесам̣ таттха ведана̄ккхандхо ча уппаджджиссати рӯпаккхандхо ча уппаджджиттха.

97. (ка) йасса йаттха ведана̄ккхандхо уппаджджиттха тасса таттха сан̃н̃а̄ккхандхо уппаджджиссатӣти?

паччхимабхавика̄нам̣ тесам̣ таттха ведана̄ккхандхо уппаджджиттха, но ча тесам̣ таттха сан̃н̃а̄ккхандхо уппаджджиссати. итаресам̣ чатувока̄ра̄нам̣ пан̃чавока̄ра̄нам̣ тесам̣ таттха ведана̄ккхандхо ча уппаджджиттха сан̃н̃а̄ккхандхо ча уппаджджиссати.

(кха) йасса ва̄ пана йаттха сан̃н̃а̄ккхандхо уппаджджиссати тасса таттха ведана̄ккхандхо уппаджджиттха̄ти? а̄манта̄.

(гха) паччанӣкапуггало

98. (ка) йасса рӯпаккхандхо нуппаджджиттха тасса ведана̄ккхандхо нуппаджджиссатӣти? наттхи.

(кха) йасса ва̄ пана ведана̄ккхандхо нуппаджджиссати тасса рӯпаккхандхо нуппаджджиттха̄ти? уппаджджиттха.

99. (ка) йасса ведана̄ккхандхо нуппаджджиттха тасса сан̃н̃а̄ккхандхо нуппаджджиссатӣти? наттхи.

(кха) йасса ва̄ пана сан̃н̃а̄ккхандхо нуппаджджиссати тасса ведана̄ккхандхо нуппаджджиттха̄ти? уппаджджиттха.

(н̇а) паччанӣкаока̄со

100. (ка) йаттха рӯпаккхандхо нуппаджджиттха таттха ведана̄ккхандхо нуппаджджиссатӣти? уппаджджиссати.

(кха) йаттха ва̄ пана ведана̄ккхандхо нуппаджджиссати таттха рӯпаккхандхо нуппаджджиттха̄ти? уппаджджиттха.

101. (ка) йаттха ведана̄ккхандхо нуппаджджиттха таттха сан̃н̃а̄ккхандхо нуппаджджиссатӣти? а̄манта̄.

(кха) йаттха ва̄ пана сан̃н̃а̄ккхандхо нуппаджджиссати таттха ведана̄ккхандхо нуппаджджиттха̄ти? а̄манта̄.

(ча) паччанӣкапуггалока̄са̄

102. (ка) йасса йаттха рӯпаккхандхо нуппаджджиттха тасса таттха ведана̄ккхандхо нуппаджджиссатӣти?

арӯпа̄нам̣ тесам̣ таттха рӯпаккхандхо нуппаджджиттха, но ча тесам̣ таттха ведана̄ккхандхо нуппаджджиссати. суддха̄ва̄са̄нам̣ арӯпе паччхимабхавика̄нам̣ тесам̣ таттха рӯпаккхандхо ча нуппаджджиттха ведана̄ккхандхо ча нуппаджджиссати.

(кха) йасса ва̄ пана йаттха ведана̄ккхандхо нуппаджджиссати тасса таттха рӯпаккхандхо нуппаджджиттха̄ти?

пан̃чавока̄ре паччхимабхавика̄нам̣ асан̃н̃асатта̄нам̣ тесам̣ таттха ведана̄ккхандхо нуппаджджиссати, но ча тесам̣ таттха рӯпаккхандхо нуппаджджиттха. суддха̄ва̄са̄нам̣ арӯпе паччхимабхавика̄нам̣ тесам̣ таттха ведана̄ккхандхо ча нуппаджджиссати рӯпаккхандхо ча нуппаджджиттха.

103. (ка) йасса йаттха ведана̄ккхандхо нуппаджджиттха тасса таттха сан̃н̃а̄ккхандхо нуппаджджиссатӣти? а̄манта̄.

(кха) йасса ва̄ пана йаттха сан̃н̃а̄ккхандхо нуппаджджиссати тасса таттха ведана̄ккхандхо нуппаджджиттха̄ти?

паччхимабхавика̄нам̣ тесам̣ таттха сан̃н̃а̄ккхандхо нуппаджджиссати, но ча тесам̣ таттха ведана̄ккхандхо нуппаджджиттха. суддха̄ва̄са̄нам̣ асан̃н̃асатта̄нам̣ тесам̣ таттха сан̃н̃а̄ккхандхо ча нуппаджджиссати ведана̄ккхандхо ча нуппаджджиттха.

уппа̄дава̄ро нит̣т̣хито.