(3) мӯлаканайо

68. (ка) йе кечи акусала̄ дхамма̄, саббе те акусаламӯлака̄ти?

ахетукам̣ акусалам̣ на акусаламӯлакам̣. сахетукам̣ акусалам̣ акусаламӯлакам̣.

(кха) йе ва̄ пана акусаламӯлака̄, саббе те дхамма̄ акусала̄ти?

акусаласамут̣т̣ха̄нам̣ рӯпам̣ акусаламӯлакам̣ на акусалам̣. акусалам̣ акусаламӯлакан̃чева акусалан̃ча.

69. (ка) йе кечи акусала̄ дхамма̄, саббе те акусаламӯлена екамӯлака̄ти?

ахетукам̣ акусалам̣ акусаламӯлена на екамӯлакам̣. сахетукам̣ акусалам̣ акусаламӯлена екамӯлакам̣.

(кха) йе ва̄ пана акусаламӯлена екамӯлака̄, саббе те дхамма̄ акусала̄ти?

акусаласамут̣т̣ха̄нам̣ рӯпам̣ акусаламӯлена екамӯлакам̣, на акусалам̣. акусалам̣ акусаламӯлена екамӯлакан̃чева акусалан̃ча.

70. (ка) йе кечи акусаламӯлена екамӯлака̄ дхамма̄, саббе те акусаламӯлена ан̃н̃аман̃н̃амӯлака̄ти?

мӯла̄ни йа̄ни екато уппаджджанти акусаламӯла̄ни екамӯлака̄ни чева ан̃н̃аман̃н̃амӯлака̄ни ча. авасеса̄ акусаламӯласахаджа̄та̄ дхамма̄ акусаламӯлена екамӯлака̄ на ча ан̃н̃аман̃н̃амӯлака̄.

(кха) йе ва̄ пана акусаламӯлена ан̃н̃аман̃н̃амӯлака̄, саббе те дхамма̄ акусала̄ти? а̄манта̄.