(4) мӯламӯлаканайо

71. (ка) йе кечи акусала̄ дхамма̄, саббе те акусаламӯламӯлака̄ти?

ахетукам̣ акусалам̣ на акусаламӯламӯлакам̣. сахетукам̣ акусалам̣ акусаламӯламӯлакам̣.

(кха) йе ва̄ пана акусаламӯламӯлака̄, саббе те дхамма̄ акусала̄ти?

акусаласамут̣т̣ха̄нам̣ рӯпам̣ акусаламӯламӯлакам̣ на акусалам̣. акусалам̣ акусаламӯламӯлакан̃чева акусалан̃ча.

72. (ка) йе кечи акусала̄ дхамма̄, саббе те акусаламӯлена екамӯламӯлака̄ти?

ахетукам̣ акусалам̣ акусаламӯлена на екамӯламӯлакам̣. сахетукам̣ акусалам̣ акусаламӯлена екамӯламӯлакам̣.

(кха) йе ва̄ пана акусаламӯлена екамӯламӯлака̄, саббе те дхамма̄ акусала̄ти?

акусаласамут̣т̣ха̄нам̣ рӯпам̣ акусаламӯлена екамӯламӯлакам̣, на акусалам̣. акусалам̣ акусаламӯлена екамӯламӯлакан̃чева акусалан̃ча.

73. (ка) йе кечи акусаламӯлена екамӯламӯлака̄ дхамма̄, саббе те акусаламӯлена ан̃н̃аман̃н̃амӯламӯлака̄ти?

мӯла̄ни йа̄ни екато уппаджджанти акусаламӯла̄ни екамӯламӯлака̄ни чева ан̃н̃аман̃н̃амӯламӯлака̄ни ча. авасеса̄ акусаламӯласахаджа̄та̄ дхамма̄ акусаламӯлена екамӯламӯлака̄, на ча ан̃н̃аман̃н̃амӯламӯлака̄.

(кха) йе ва̄ пана акусаламӯлена ан̃н̃аман̃н̃амӯламӯлака̄, саббе те дхамма̄ акусала̄ти? а̄манта̄.