(2) мӯламӯланайо

65. (ка) йе кечи акусала̄ дхамма̄, саббе те акусаламӯламӯла̄ти?

тӣн̣ева акусаламӯламӯла̄ни. авасеса̄ акусала̄ дхамма̄ на акусаламӯламӯла̄.

(кха) йе ва̄ пана акусаламӯламӯла̄, саббе те дхамма̄ акусала̄ти? а̄манта̄.

66. (ка) йе кечи акусала̄ дхамма̄, саббе те акусаламӯлена екамӯламӯла̄ти?

ахетукам̣ акусалам̣ акусаламӯлена на екамӯламӯлам̣. сахетукам̣ акусалам̣ акусаламӯлена екамӯламӯлам̣.

(кха) йе ва̄ пана акусаламӯлена екамӯламӯла̄, саббе те дхамма̄ акусала̄ти?

акусаласамут̣т̣ха̄нам̣ рӯпам̣ акусаламӯлена екамӯламӯлам̣, на акусалам̣. акусалам̣ акусаламӯлена екамӯламӯлан̃чева акусалан̃ча.

67. (ка) йе кечи акусаламӯлена екамӯламӯла̄ дхамма̄, саббе те акусаламӯлена ан̃н̃аман̃н̃амӯламӯла̄ти?

мӯла̄ни йа̄ни екато уппаджджанти акусаламӯла̄ни екамӯламӯла̄ни чева ан̃н̃аман̃н̃амӯламӯла̄ни ча. авасеса̄ акусаламӯласахаджа̄та̄ дхамма̄ акусаламӯлена екамӯламӯла̄, на ча ан̃н̃аман̃н̃амӯламӯла̄.

(кха) йе ва̄ пана акусаламӯлена ан̃н̃аман̃н̃амӯламӯла̄, саббе те дхамма̄ акусала̄ти? а̄манта̄.