1. кусалава̄ро

725. чатассо пат̣исамбхида̄ – аттхапат̣исамбхида̄, дхаммапат̣исамбхида̄, нируттипат̣исамбхида̄, пат̣ибха̄напат̣исамбхида̄.

катаме дхамма̄ кусала̄? йасмим̣ самайе ка̄ма̄вачарам̣ кусалам̣ читтам̣ уппаннам̣ хоти соманассасахагатам̣ н̃а̄н̣асампайуттам̣ рӯпа̄рамман̣ам̣ ва̄…пе… дхамма̄рамман̣ам̣ ва̄ йам̣ йам̣ ва̄ пана̄раббха, тасмим̣ самайе пхассо хоти…пе… авиккхепо хоти, име дхамма̄ кусала̄. имесу дхаммесу н̃а̄н̣ам̣ дхаммапат̣исамбхида̄. тесам̣ випа̄ке н̃а̄н̣ам̣ аттхапат̣исамбхида̄, йа̄йа нируттийа̄ тесам̣ дхамма̄нам̣ пан̃н̃атти хоти, татра дхамманирутта̄бхила̄пе н̃а̄н̣ам̣ нируттипат̣исамбхида̄. йена н̃а̄н̣ена та̄ни н̃а̄н̣а̄ни джа̄на̄ти – ‘‘има̄ни н̃а̄н̣а̄ни идаматтхаджотака̄нӣ’’ти, н̃а̄н̣есу н̃а̄н̣ам̣ пат̣ибха̄напат̣исамбхида̄.

726. чатассо пат̣исамбхида̄ – аттхапат̣исамбхида̄, дхаммапат̣исамбхида̄, нируттипат̣исамбхида̄, пат̣ибха̄напат̣исамбхида̄.

катаме дхамма̄ кусала̄? йасмим̣ самайе ка̄ма̄вачарам̣ кусалам̣ читтам̣ уппаннам̣ хоти соманассасахагатам̣ н̃а̄н̣асампайуттам̣ сасан̇кха̄рена…пе… соманассасахагатам̣ н̃а̄н̣авиппайуттам̣…пе… соманассасахагатам̣ н̃а̄н̣авиппайуттам̣ сасан̇кха̄рена…пе… упеккха̄сахагатам̣ н̃а̄н̣асампайуттам̣…пе… упеккха̄сахагатам̣ н̃а̄н̣асампайуттам̣ сасан̇кха̄рена…пе… упеккха̄сахагатам̣ н̃а̄н̣авиппайуттам̣…пе… упеккха̄сахагатам̣ н̃а̄н̣авиппайуттам̣ сасан̇кха̄рена рӯпа̄рамман̣ам̣ ва̄…пе… дхамма̄рамман̣ам̣ ва̄ йам̣ йам̣ ва̄ пана̄раббха, тасмим̣ самайе пхассо хоти…пе… авиккхепо хоти. име дхамма̄ кусала̄. имесу дхаммесу н̃а̄н̣ам̣ дхаммапат̣исамбхида̄. тесам̣ випа̄ке н̃а̄н̣ам̣ аттхапат̣исамбхида̄. йа̄йа нируттийа̄ тесам̣ дхамма̄нам̣ пан̃н̃атти хоти татра дхамманирутта̄бхила̄пе н̃а̄н̣ам̣ нируттипат̣исамбхида̄. йена н̃а̄н̣ена та̄ни н̃а̄н̣а̄ни джа̄на̄ти – ‘‘има̄ни н̃а̄н̣а̄ни идаматтхаджотака̄нӣ’’ти, н̃а̄н̣есу н̃а̄н̣ам̣ пат̣ибха̄напат̣исамбхида̄.

727. чатассо пат̣исамбхида̄ – аттхапат̣исамбхида̄, дхаммапат̣исамбхида̄, нируттипат̣исамбхида̄, пат̣ибха̄напат̣исамбхида̄.

катаме дхамма̄ кусала̄? йасмим̣ самайе рӯпӯпапаттийа̄ маггам̣ бха̄вети вивиччева ка̄мехи…пе… пат̣хамам̣ джха̄нам̣ упасампаджджа вихарати патхавӣкасин̣ам̣, тасмим̣ самайе пхассо хоти…пе… авиккхепо хоти. име дхамма̄ кусала̄. имесу дхаммесу н̃а̄н̣ам̣ дхаммапат̣исамбхида̄. тесам̣ випа̄ке н̃а̄н̣ам̣ аттхапат̣исамбхида̄. йа̄йа нируттийа̄ тесам̣ дхамма̄нам̣ пан̃н̃атти хоти татра дхамманирутта̄бхила̄пе н̃а̄н̣ам̣ нируттипат̣исамбхида̄. йена н̃а̄н̣ена та̄ни н̃а̄н̣а̄ни джа̄на̄ти – ‘‘има̄ни н̃а̄н̣а̄ни идаматтхаджотака̄нӣ’’ти, н̃а̄н̣есу н̃а̄н̣ам̣ пат̣ибха̄напат̣исамбхида̄.

728. чатассо пат̣исамбхида̄ – аттхапат̣исамбхида̄, дхаммапат̣исамбхида̄, нируттипат̣исамбхида̄, пат̣ибха̄напат̣исамбхида̄.

катаме дхамма̄ кусала̄? йасмим̣ самайе арӯпӯпапаттийа̄ маггам̣ бха̄вети саббасо а̄кин̃чан̃н̃а̄йатанам̣ саматиккамма невасан̃н̃а̄на̄сан̃н̃а̄йатанасан̃н̃а̄сахагатам̣ сукхасса ча паха̄на̄…пе… чатуттхам̣ джха̄нам̣ упасампаджджа вихарати, тасмим̣ самайе пхассо хоти…пе… авиккхепо хоти. име дхамма̄ кусала̄. имесу дхаммесу н̃а̄н̣ам̣ дхаммапат̣исамбхида̄. тесам̣ випа̄ке н̃а̄н̣ам̣ аттхапат̣исамбхида̄. йа̄йа нируттийа̄ тесам̣ дхамма̄нам̣ пан̃н̃атти хоти татра дхамманирутта̄бхила̄пе н̃а̄н̣ам̣ нируттипат̣исамбхида̄. йена н̃а̄н̣ена та̄ни н̃а̄н̣а̄ни джа̄на̄ти – ‘‘има̄ни н̃а̄н̣а̄ни идаматтхаджотака̄нӣ’’ти, н̃а̄н̣есу н̃а̄н̣ам̣ пат̣ибха̄напат̣исамбхида̄.

729. чатассо пат̣исамбхида̄ – аттхапат̣исамбхида̄, дхаммапат̣исамбхида̄, нируттипат̣исамбхида̄, пат̣ибха̄напат̣исамбхида̄.

катаме дхамма̄ кусала̄? йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе пхассо хоти…пе… авиккхепо хоти. име дхамма̄ кусала̄. имесу дхаммесу н̃а̄н̣ам̣ дхаммапат̣исамбхида̄. тесам̣ випа̄ке н̃а̄н̣ам̣ аттхапат̣исамбхида̄. йа̄йа нируттийа̄ тесам̣ дхамма̄нам̣ пан̃н̃атти хоти татра дхамманирутта̄бхила̄пе н̃а̄н̣ам̣ нируттипат̣исамбхида̄. йена н̃а̄н̣ена та̄ни н̃а̄н̣а̄ни джа̄на̄ти – ‘‘има̄ни н̃а̄н̣а̄ни идаматтхаджотака̄нӣ’’ти, н̃а̄н̣есу н̃а̄н̣ам̣ пат̣ибха̄напат̣исамбхида̄.