2. акусалава̄ро

730. чатассо пат̣исамбхида̄ – аттхапат̣исамбхида̄, дхаммапат̣исамбхида̄, нируттипат̣исамбхида̄, пат̣ибха̄напат̣исамбхида̄.

катаме дхамма̄ акусала̄? йасмим̣ самайе акусалам̣ читтам̣ уппаннам̣ хоти соманассасахагатам̣ дит̣т̣хигатасампайуттам̣ рӯпа̄рамман̣ам̣ ва̄…пе… дхамма̄рамман̣ам̣ ва̄ йам̣ йам̣ ва̄ пана̄раббха, тасмим̣ самайе пхассо хоти…пе… авиккхепо хоти. име дхамма̄ акусала̄. имесу дхаммесу н̃а̄н̣ам̣ дхаммапат̣исамбхида̄. тесам̣ випа̄ке н̃а̄н̣ам̣ аттхапат̣исамбхида̄. йа̄йа нируттийа̄ тесам̣ дхамма̄нам̣ пан̃н̃атти хоти татра дхамманирутта̄бхила̄пе н̃а̄н̣ам̣ нируттипат̣исамбхида̄. йена н̃а̄н̣ена та̄ни н̃а̄н̣а̄ни джа̄на̄ти – ‘‘има̄ни н̃а̄н̣а̄ни идаматтхаджотака̄нӣ’’ти, н̃а̄н̣есу н̃а̄н̣ам̣ пат̣ибха̄напат̣исамбхида̄.

731. чатассо пат̣исамбхида̄ – аттхапат̣исамбхида̄, дхаммапат̣исамбхида̄, нируттипат̣исамбхида̄, пат̣ибха̄напат̣исамбхида̄.

катаме дхамма̄ акусала̄? йасмим̣ самайе акусалам̣ читтам̣ уппаннам̣ хоти соманассасахагатам̣ дит̣т̣хигатасампайуттам̣ сасан̇кха̄рена…пе… соманассасахагатам̣ дит̣т̣хигатавиппайуттам̣…пе… соманассасахагатам̣ дит̣т̣хигатавиппайуттам̣ сасан̇кха̄рена…пе… упеккха̄сахагатам̣ дит̣т̣хигатасампайуттам̣…пе… упеккха̄сахагатам̣ дит̣т̣хигатасампайуттам̣ сасан̇кха̄рена…пе… упеккха̄сахагатам̣ дит̣т̣хигатавиппайуттам̣…пе… упеккха̄сахагатам̣ дит̣т̣хигатавиппайуттам̣ сасан̇кха̄рена…пе… доманассасахагатам̣ пат̣игхасампайуттам̣…пе… доманассасахагатам̣ пат̣игхасампайуттам̣ сасан̇кха̄рена…пе… упеккха̄сахагатам̣ вичикиччха̄сампайуттам̣…пе… упеккха̄сахагатам̣ уддхаччасампайуттам̣ рӯпа̄рамман̣ам̣ ва̄…пе… дхамма̄рамман̣ам̣ ва̄ йам̣ йам̣ ва̄ пана̄раббха, тасмим̣ самайе пхассо хоти…пе… авиккхепо хоти. име дхамма̄ акусала̄. имесу дхаммесу н̃а̄н̣ам̣ дхаммапат̣исамбхида̄. тесам̣ випа̄ке н̃а̄н̣ам̣ аттхапат̣исамбхида̄. йа̄йа нируттийа̄ тесам̣ дхамма̄нам̣ пан̃н̃атти хоти татра дхамманирутта̄бхила̄пе н̃а̄н̣ам̣ нируттипат̣исамбхида̄. йена н̃а̄н̣ена та̄ни н̃а̄н̣а̄ни джа̄на̄ти – ‘‘има̄ни н̃а̄н̣а̄ни идаматтхаджотака̄нӣ’’ти, н̃а̄н̣есу н̃а̄н̣ам̣ пат̣ибха̄напат̣исамбхида̄.