(155) 11. каммӯпачайакатха̄

737. ан̃н̃ам̣ каммам̣ ан̃н̃о каммӯпачайоти? а̄манта̄. ан̃н̃о пхассо, ан̃н̃о пхассӯпачайо; ан̃н̃а̄ ведана̄, ан̃н̃о веданӯпачайо; ан̃н̃а̄ сан̃н̃а̄, ан̃н̃о сан̃н̃ӯпачайо; ан̃н̃а̄ четана̄, ан̃н̃о четанӯпачайо; ан̃н̃ам̣ читтам̣, ан̃н̃о читтӯпачайо; ан̃н̃а̄ саддха̄, ан̃н̃о саддхӯпачайо; ан̃н̃ам̣ вӣрийам̣, ан̃н̃о вӣрийӯпачайо; ан̃н̃а̄ сати, ан̃н̃о сатӯпачайо; ан̃н̃о сама̄дхи, ан̃н̃о сама̄дхӯпачайо; ан̃н̃а̄ пан̃н̃а̄, ан̃н̃о пан̃н̃ӯпачайо; ан̃н̃о ра̄го, ан̃н̃о ра̄гӯпачайо…пе… ан̃н̃ам̣ аноттаппам̣, ан̃н̃о аноттаппӯпачайоти? на хевам̣ ваттаббе…пе….

738. ан̃н̃ам̣ каммам̣, ан̃н̃о каммӯпачайоти? а̄манта̄. каммӯпачайо каммена сахаджа̄тоти? на хевам̣ ваттаббе…пе….

каммӯпачайо каммена сахаджа̄тоти, а̄манта̄. кусалена каммена сахаджа̄то каммӯпачайо кусалоти, на хевам̣ ваттаббе…пе….

кусалена каммена сахаджа̄то каммӯпачайо кусалоти? а̄манта̄. сукха̄йа ведана̄йа сампайуттена каммена сахаджа̄то каммӯпачайо сукха̄йа ведана̄йа сампайуттоти? на хевам̣ ваттаббе…пе… дуккха̄йа ведана̄йа…пе… адуккхамасукха̄йа ведана̄йа сампайуттена каммена сахаджа̄то каммӯпачайо адуккхамасукха̄йа ведана̄йа сампайуттоти? на хевам̣ ваттаббе…пе….

739. каммӯпачайо каммена сахаджа̄тоти? а̄манта̄. акусалена каммена сахаджа̄то каммӯпачайо акусалоти? на хевам̣ ваттаббе…пе….

акусалена каммена сахаджа̄то каммӯпачайо акусалоти? а̄манта̄. сукха̄йа ведана̄йа сампайуттена каммена сахаджа̄то каммӯпачайо сукха̄йа ведана̄йа сампайуттоти? на хевам̣ ваттаббе…пе… дуккха̄йа ведана̄йа…пе… адуккхамасукха̄йа ведана̄йа сампайуттена каммена сахаджа̄то каммӯпачайо адуккхамасукха̄йа ведана̄йа сампайуттоти? на хевам̣ ваттаббе…пе….

740. каммам̣ читтена сахаджа̄там̣, каммам̣ са̄рамман̣анти? а̄манта̄. каммӯпачайо читтена сахаджа̄то, каммӯпачайо са̄рамман̣оти? на хевам̣ ваттаббе…пе… каммӯпачайо читтена сахаджа̄то, каммӯпачайо ана̄рамман̣оти? а̄манта̄. каммам̣ читтена сахаджа̄там̣, каммам̣ ана̄рамман̣анти? на хевам̣ ваттаббе…пе….

каммам̣ читтена сахаджа̄там̣, читтам̣ бхиджджама̄нам̣ каммам̣ бхиджджатӣти? а̄манта̄. каммӯпачайо читтена сахаджа̄то, читтам̣ бхиджджама̄нам̣ каммӯпачайо бхиджджатӣти? на хевам̣ ваттаббе…пе….

каммӯпачайо читтена сахаджа̄то, читтам̣ бхиджджама̄нам̣ каммӯпачайо на бхиджджатӣти? а̄манта̄. каммам̣ читтена сахаджа̄там̣, читтам̣ бхиджджама̄нам̣ каммам̣ на бхиджджатӣти? на хевам̣ ваттаббе…пе….

741. каммамхи каммӯпачайоти? а̄манта̄. тан̃н̃ева каммам̣ со каммӯпачайоти? на хевам̣ ваттаббе…пе….

каммамхи каммӯпачайо, каммӯпачайато випа̄ко ниббаттатӣти? а̄манта̄. тан̃н̃ева каммам̣, со каммӯпачайо, со каммавипа̄коти? на хевам̣ ваттаббе…пе….

каммамхи каммӯпачайо, каммӯпачайато випа̄ко ниббаттати, випа̄ко са̄рамман̣оти? а̄манта̄. каммӯпачайо са̄рамман̣оти? на хевам̣ ваттаббе…пе… каммӯпачайо ана̄рамман̣оти? а̄манта̄. випа̄ко ана̄рамман̣оти? на хевам̣ ваттаббе…пе….

742. ан̃н̃ам̣ каммам̣ ан̃н̃о каммӯпачайоти, а̄манта̄. нану вуттам̣ бхагавата̄ – ‘‘идха, пун̣н̣а, екаччо сабйа̄баджджхампи абйа̄баджджхампи [сабйа̄паджджхампи абйа̄паджджхампи (ка.) ма. ни. 2.81 пасситаббам̣] ка̄йасан̇кха̄рам̣ абхисан̇кхароти, сабйа̄баджджхампи абйа̄баджджхампи вачӣсан̇кха̄рам̣…пе… маносан̇кха̄рам̣ абхисан̇кхароти, со сабйа̄баджджхампи абйа̄баджджхампи ка̄йасан̇кха̄рам̣ абхисан̇кхаритва̄, сабйа̄баджджхампи абйа̄баджджхампи вачӣсан̇кха̄рам̣…пе… маносан̇кха̄рам̣ абхисан̇кхаритва̄ сабйа̄баджджхампи абйа̄баджджхампи локам̣ упападжджати. таменам̣ сабйа̄баджджхампи абйа̄баджджхампи локам̣ упапаннам̣ сама̄нам̣ сабйа̄баджджха̄пи абйа̄баджджха̄пи пхасса̄ пхусанти. со сабйа̄баджджхехипи абйа̄баджджхехипи пхассехи пхут̣т̣хо сама̄но сабйа̄баджджхампи абйа̄баджджхампи веданам̣ ведети вокин̣н̣асукхадуккхам̣, сеййатха̄пи манусса̄ екачче ча дева̄ екачче ча винипа̄тика̄. ити кхо, пун̣н̣а, бхӯта̄ бхӯтасса упапатти хоти, йам̣ кароти тена упападжджати, упапаннаметам̣ пхасса̄ пхусанти. евампа̄хам̣, пун̣н̣а, ‘каммада̄йа̄да̄ сатта̄’ти вада̄мӣ’’ти [ма. ни. 2.81]. аттхева суттантоти? а̄манта̄. тена хи на ваттаббам̣ – ‘‘ан̃н̃ам̣ каммам̣, ан̃н̃о каммӯпачайо’’ти.

каммӯпачайакатха̄ нит̣т̣хита̄.

паннарасамавагго.

тассудда̄нам̣ –

паччайата̄ ваваттхита̄, пат̣иччасамуппа̄до, аддха̄, кхан̣о лайо мухуттам̣, чатта̄ро а̄сава̄ ана̄сава̄, локуттара̄нам̣ дхамма̄нам̣ джара̄маран̣ам̣ локуттара̄, сан̃н̃а̄ведайитаниродхасама̄патти локуттара̄, сан̃н̃а̄ведайитаниродхасама̄патти локийа̄, сан̃н̃а̄ведайитаниродхам̣ сама̄панно ка̄лам̣ кареййа, свева магго асан̃н̃асаттупапаттийа̄, ан̃н̃ам̣ каммам̣ ан̃н̃о каммӯпачайоти.

татийо пан̣н̣а̄сако.

тассудда̄нам̣ –

анусайа̄, сам̣варо, каппо, мӯлан̃ча ваваттхита̄ти.