13. терасамавагго

(127) 2. кусалапат̣ила̄бхакатха̄

658. каппат̣т̣хо кусалам̣ читтам̣ на пат̣илабхеййа̄ти? а̄манта̄. каппат̣т̣хо да̄нам̣ дадеййа̄ти? а̄манта̄. хан̃чи каппат̣т̣хо да̄нам̣ дадеййа, но ча вата ре ваттаббе – ‘‘каппат̣т̣хо кусалам̣ читтам̣ на пат̣илабхеййа̄’’ти.

каппат̣т̣хо кусалам̣ читтам̣ на пат̣илабхеййа̄ти? а̄манта̄. каппат̣т̣хо чӣварам̣ дадеййа…пе… пин̣д̣апа̄там̣ дадеййа…пе… сена̄санам̣ дадеййа…пе… гила̄напаччайабхесаджджапариккха̄рам̣ дадеййа … кха̄данӣйам̣ дадеййа… бходжанӣйам̣ дадеййа… па̄нӣйам̣ дадеййа… четийам̣ вандеййа… четийе ма̄лам̣ а̄ропеййа… гандхам̣ а̄ропеййа… вилепанам̣ а̄ропеййа…пе… четийам̣ абхидаккхин̣ам̣ [падаккхин̣ам̣ (пӣ.)] кареййа̄ти? а̄манта̄. хан̃чи каппат̣т̣хо четийам̣ абхидаккхин̣ам̣ кареййа, но ча вата ре ваттаббе – ‘‘каппат̣т̣хо кусалам̣ читтам̣ на пат̣илабхеййа̄’’ти…пе….

659. каппат̣т̣хо кусалам̣ читтам̣ пат̣илабхеййа̄ти? а̄манта̄. тато вут̣т̣ха̄нам̣ кусалам̣ читтам̣ пат̣илабхеййа̄ти? а̄манта̄. рӯпа̄вачарам̣…пе… арӯпа̄вачарам̣…пе… локуттарам̣ кусалам̣ читтам̣ пат̣илабхеййа̄ти? на хевам̣ ваттаббе…пе….

кусалапат̣ила̄бхакатха̄ нит̣т̣хита̄.