13. терасамавагго

(128) 3. анантара̄пайуттакатха̄

660. анантара̄пайутто пуггало самматтанийа̄мам̣ оккамеййа̄ти? а̄манта̄. миччхаттанийа̄ман̃ча самматтанийа̄ман̃ча убхо оккамеййа̄ти? на хевам̣ ваттаббе…пе… анантара̄пайутто пуггало самматтанийа̄мам̣ оккамеййа̄ти? а̄манта̄. нану там̣ каммам̣ пайуттам̣ куккуччам̣ уппа̄дитам̣ виппат̣иса̄рийам̣ джанитанти? а̄манта̄. хан̃чи там̣ каммам̣ пайуттам̣ куккуччам̣ уппа̄дитам̣ виппат̣иса̄рийам̣ джанитам̣, но ча вата ре ваттаббе – ‘‘анантара̄пайутто пуггало самматтанийа̄мам̣ оккамеййа̄’’ти.

661. анантара̄пайутто пуггало абхаббо самматтанийа̄мам̣ оккамитунти? а̄манта̄. ма̄та̄ джӣвита̄ воропита̄… пита̄ джӣвита̄ воропито… араха̄ джӣвита̄ воропито… дут̣т̣хена читтена татха̄гатасса лохитам̣ уппа̄дитам̣… сан̇гхо бхинноти? на хевам̣ ваттаббе…пе….

анантара̄пайутто пуггало там̣ каммам̣ пат̣исам̣харитва̄ куккуччам̣ пат̣ивинодетва̄ виппат̣иса̄рийам̣ пат̣ивинетва̄ [пат̣ивинодетва̄ (сӣ. пӣ. ка.)] абхаббо самматтанийа̄мам̣ оккамитунти? а̄манта̄. ма̄та̄ джӣвита̄ воропита̄… пита̄ джӣвита̄ воропито…пе… сан̇гхо бхинноти? на хевам̣ ваттаббе…пе….

анантара̄пайутто пуггало там̣ каммам̣ пат̣исам̣харитва̄ куккуччам̣ пат̣ивинодетва̄ виппат̣иса̄рийам̣ пат̣ивинетва̄ абхаббо самматтанийа̄мам̣ оккамитунти? а̄манта̄. нану там̣ каммам̣ пат̣исам̣хат̣ам̣ куккуччам̣ пат̣ивинодитам̣ виппат̣иса̄рийам̣ пат̣ивинӣтанти? а̄манта̄. хан̃чи там̣ каммам̣ пат̣исам̣хат̣ам̣ куккуччам̣ пат̣ивинодитам̣ виппат̣иса̄рийам̣ пат̣ивинӣтам̣, но ча вата ре ваттаббе – ‘‘анантара̄пайутто пуггало там̣ каммам̣ пат̣исам̣харитва̄ куккуччам̣ пат̣ивинодетва̄ виппат̣иса̄рийам̣ пат̣ивинетва̄ абхаббо самматтанийа̄мам̣ оккамиту’’нти.

662. анантара̄пайутто пуггало самматтанийа̄мам̣ оккамеййа̄ти? а̄манта̄. нану там̣ каммам̣ пайутто а̄сӣти? а̄манта̄. хан̃чи там̣ каммам̣ пайутто а̄си, но ча вата ре ваттаббе – ‘‘анантара̄пайутто пуггало самматтанийа̄мам̣ оккамеййа̄’’ти.

анантара̄пайуттакатха̄ нит̣т̣хита̄.