(126) 1. каппат̣т̣хакатха̄

654. каппат̣т̣хо каппам̣ тит̣т̣хеййа̄ти? а̄манта̄. каппо ча сан̣т̣ха̄ти буддхо ча локе уппаджджатӣти? на хевам̣ ваттаббе…пе…. каппат̣т̣хо каппам̣ тит̣т̣хеййа̄ти? а̄манта̄. каппо ча сан̣т̣ха̄ти сан̇гхо ча бхиджджатӣти? на хевам̣ ваттаббе…пе… каппат̣т̣хо каппам̣ тит̣т̣хеййа̄ти? а̄манта̄. каппо ча сан̣т̣ха̄ти каппат̣т̣хо ча каппат̣т̣хийам̣ каммам̣ каротӣти? на хевам̣ ваттаббе…пе… каппат̣т̣хо каппам̣ тит̣т̣хеййа̄ти? а̄манта̄. каппо ча сан̣т̣ха̄ти каппат̣т̣хо ча пуггало ка̄лам̣ каротӣти? на хевам̣ ваттаббе…пе….

655. каппат̣т̣хо каппам̣ тит̣т̣хеййа̄ти? а̄манта̄. атӣтам̣ каппам̣ тит̣т̣хеййа, ана̄гатам̣ каппам̣ тит̣т̣хеййа̄ти? на хевам̣ ваттаббе…пе… каппат̣т̣хо каппам̣ тит̣т̣хеййа̄ти? а̄манта̄. две каппе тит̣т̣хеййа… тайо каппе тит̣т̣хеййа… чатта̄ро каппе тит̣т̣хеййа̄ти? на хевам̣ ваттаббе…пе….

656. каппат̣т̣хо каппам̣ тит̣т̣хеййа̄ти? а̄манта̄. каппат̣т̣хо каппе д̣айханте каттха гаччхатӣти? ан̃н̃ам̣ локадха̄тум̣ гаччхатӣти. мато гаччхати, веха̄сам̣ гаччхатӣти? мато гаччхатӣти. каппат̣т̣хийам̣ каммам̣ апара̄парийавепакканти? на хевам̣ ваттаббе…пе… [веха̄сам̣ гаччхатӣти (?) айам̣ хи парава̄дисса пат̣ин̃н̃а̄йева, катха̄. 621-623 навамапантийам̣ вийа] веха̄сам̣ гаччхатӣти? а̄манта̄ [веха̄сам̣ гаччхатӣти (?) айам̣ хи парава̄дисса пат̣ин̃н̃а̄йева, катха̄. 621-623 навамапантийам̣ вийа]. каппат̣т̣хо иддхима̄ти? на хевам̣ ваттаббе…пе… каппат̣т̣хо иддхима̄ти? а̄манта̄. каппат̣т̣хена чхандиддхипа̄до бха̄вито вӣрийиддхипа̄до бха̄вито читтиддхипа̄до бха̄вито вӣмам̣сиддхипа̄до бха̄витоти? на хевам̣ ваттаббе…пе….

657. на ваттаббам̣ – ‘‘каппат̣т̣хо каппам̣ тит̣т̣хеййа̄’’ти? а̄манта̄. нану вуттам̣ бхагавата̄ –

‘‘а̄па̄йико нерайико, каппат̣т̣хо сан̇гхабхедако;

ваггарато адхаммат̣т̣хо, йогаккхема̄ падхам̣сати;

сан̇гхам̣ самаггам̣ бхетва̄на [бхиндитва̄ (сӣ. ка.)], каппам̣ нирайамхи паччатӣ’’ти [чӯл̣ава. 354; а. ни. 10.39; итиву. 18].

аттхева суттантоти? а̄манта̄. тена хи каппат̣т̣хо каппам̣ тит̣т̣хеййа̄ти.

каппат̣т̣хакатха̄ нит̣т̣хита̄.