2. дутийавагго

(16) 7. читтат̣т̣хитикатха̄

335. екам̣ читтам̣ дивасам̣ тит̣т̣хатӣти? а̄манта̄. упад̣д̣хадивасо уппа̄даккхан̣о, упад̣д̣хадивасо вайаккхан̣оти? на хевам̣ ваттаббе.

екам̣ читтам̣ две дивасе тит̣т̣хатӣти? а̄манта̄. дивасо уппа̄даккхан̣о, дивасо вайаккхан̣оти? на хевам̣ ваттаббе.

екам̣ читтам̣ чатта̄ро дивасе тит̣т̣хати… ат̣т̣ха дивасе тит̣т̣хати… даса дивасе тит̣т̣хати… вӣсати дивасе тит̣т̣хати… ма̄сам̣ тит̣т̣хати… две ма̄се тит̣т̣хати… чатта̄ро ма̄се тит̣т̣хати… ат̣т̣ха ма̄се тит̣т̣хати… даса ма̄се тит̣т̣хати… сам̣ваччхарам̣ тит̣т̣хати… две васса̄ни тит̣т̣хати… чатта̄ри васса̄ни тит̣т̣хати… ат̣т̣ха васса̄ни тит̣т̣хати… даса васса̄ни тит̣т̣хати… вӣсати васса̄ни тит̣т̣хати… тим̣са васса̄ни тит̣т̣хати… чатта̄рӣса васса̄ни тит̣т̣хати… пан̃н̃а̄са васса̄ни тит̣т̣хати… вассасатам̣ тит̣т̣хати… две вассасата̄ни тит̣т̣хати… чатта̄ри вассасата̄ни тит̣т̣хати… пан̃ча вассасата̄ни тит̣т̣хати… вассасахассам̣ тит̣т̣хати… две вассасахасса̄ни тит̣т̣хати… чатта̄ри вассасахасса̄ни тит̣т̣хати… ат̣т̣ха вассасахасса̄ни тит̣т̣хати… сол̣аса вассасахасса̄ни тит̣т̣хати… каппам̣ тит̣т̣хати… две каппе тит̣т̣хати… чатта̄ро каппе тит̣т̣хати… ат̣т̣ха каппе тит̣т̣хати… сол̣аса каппе тит̣т̣хати… ба̄ттим̣са каппе тит̣т̣хати… чатусат̣т̣хи каппе тит̣т̣хати… пан̃ча каппасата̄ни тит̣т̣хати… каппасахасса̄ни тит̣т̣хати… две каппасахасса̄ни тит̣т̣хати… чатта̄ри каппасахасса̄ни тит̣т̣хати… ат̣т̣ха каппасахасса̄ни тит̣т̣хати… сол̣аса каппасахасса̄ни тит̣т̣хати… вӣсати каппасахасса̄ни тит̣т̣хати… чатта̄рӣса каппасахасса̄ни тит̣т̣хати… сат̣т̣хи каппасахасса̄ни тит̣т̣хати… чатура̄сӣти каппасахасса̄ни тит̣т̣хатӣти? а̄манта̄. двечатта̄рӣса каппасахасса̄ни уппа̄даккхан̣о, двечатта̄рӣса каппасахасса̄ни вайаккхан̣оти? на хевам̣ ваттаббе.

екам̣ читтам̣ дивасам̣ тит̣т̣хатӣти? а̄манта̄. аттхан̃н̃е дхамма̄ ека̄хам̣ бахумпи уппаджджитва̄ нируджджхантӣти? а̄манта̄. те дхамма̄ читтена лахупариватта̄ти? на хевам̣ ваттаббе.

те дхамма̄ читтена лахупариватта̄ти? а̄манта̄. нану вуттам̣ бхагавата̄ – ‘‘на̄хам̣, бхиккхаве, ан̃н̃ам̣ екадхаммампи саманупасса̄ми евам̣ лахупариваттам̣ йатхайидам̣ читтам̣. йа̄ван̃чидам̣, бхиккхаве, упама̄пи на сукара̄ йа̄ва лахупариваттам̣ читта’’нти [а. ни. 1.48]. аттхева суттантоти? а̄манта̄. тена хи на ваттаббам̣ – ‘‘те дхамма̄ читтена лахупариватта̄’’ти.

те дхамма̄ читтена лахупариватта̄ти? а̄манта̄. нану вуттам̣ бхагавата̄ – ‘‘сеййатха̄пи, бхиккхаве, маккат̣о аран̃н̃е паване чарама̄но са̄кхам̣ ган̣хати, там̣ мун̃читва̄ ан̃н̃ам̣ ган̣хати, там̣ мун̃читва̄ ан̃н̃ам̣ ган̣хати; евамева кхо, бхиккхаве, йамидам̣ [йадидам̣ (бахӯсу)] вуччати читтам̣ итипи мано итипи вин̃н̃а̄н̣ам̣ итипи там̣ раттийа̄ ча дивасасса ча ан̃н̃адева уппаджджати ан̃н̃ам̣ нируджджхатӣ’’ти [сам̣. ни. 2.61]. аттхева суттантоти? а̄манта̄. тена хи на ваттаббам̣ – ‘‘те дхамма̄ читтена лахупариватта̄’’ти.

336. екам̣ читтам̣ дивасам̣ тит̣т̣хатӣти? а̄манта̄. чаккхувин̃н̃а̄н̣ам̣ дивасам̣ тит̣т̣хатӣти? на хевам̣ ваттаббе. сотавин̃н̃а̄н̣ам̣…пе… гха̄навин̃н̃а̄н̣ам̣… дживха̄вин̃н̃а̄н̣ам̣… ка̄йавин̃н̃а̄н̣ам̣… акусалам̣ читтам̣… ра̄гасахагатам̣… досасахагатам̣… мохасахагатам̣… ма̄насахагатам̣… дит̣т̣хисахагатам̣… вичикиччха̄сахагатам̣… тхинасахагатам̣… уддхаччасахагатам̣… ахирикасахагатам̣… аноттаппасахагатам̣ читтам̣ дивасам̣ тит̣т̣хатӣти? на хевам̣ ваттаббе…пе….

екам̣ читтам̣ дивасам̣ тит̣т̣хатӣти? а̄манта̄. йенева читтена чаккхуна̄ рӯпам̣ пассати, тенева читтена сотена саддам̣ сун̣а̄ти…пе… гха̄нена гандхам̣ гха̄йати… дживха̄йа расам̣ са̄йати… ка̄йена пхот̣т̣хаббам̣ пхусати… манаса̄ дхаммам̣ виджа̄на̄ти…пе… йенева читтена манаса̄ дхаммам̣ виджа̄на̄ти, тенева читтена чаккхуна̄ рӯпам̣ пассати…пе… сотена саддам̣ сун̣а̄ти… гха̄нена гандхам̣ гха̄йати… дживха̄йа расам̣ са̄йати…пе… ка̄йена пхот̣т̣хаббам̣ пхусатӣти? на хевам̣ ваттаббе…пе….

екам̣ читтам̣ дивасам̣ тит̣т̣хатӣти? а̄манта̄. йенева читтена абхиккамати, тенева читтена пат̣иккамати; йенева читтена пат̣иккамати, тенева читтена абхиккамати; йенева читтена а̄локети, тенева читтена вилокети; йенева читтена вилокети, тенева читтена а̄локети; йенева читтена самин̃джети, тенева читтена паса̄рети; йенева читтена паса̄рети, тенева читтена самин̃джетӣти? на хевам̣ ваттаббе…пе….

337. а̄ка̄са̄нан̃ча̄йатанӯпага̄нам̣ дева̄нам̣ екам̣ читтам̣ йа̄вата̄йукам̣ тит̣т̣хатӣти? а̄манта̄. манусса̄нам̣ екам̣ читтам̣ йа̄вата̄йукам̣ тит̣т̣хатӣти? на хевам̣ ваттаббе.

а̄ка̄са̄нан̃ча̄йатанӯпага̄нам̣ дева̄нам̣ екам̣ читтам̣ йа̄вата̄йукам̣ тит̣т̣хатӣти? а̄манта̄. ча̄тумаха̄ра̄джика̄нам̣ дева̄нам̣…пе… та̄ватим̣са̄нам̣ дева̄нам̣… йа̄ма̄нам̣ дева̄нам̣… тусита̄нам̣ дева̄нам̣… нимма̄наратӣнам̣ дева̄нам̣… параниммитавасаваттӣнам̣ дева̄нам̣… брахмапа̄рисаджджа̄нам̣ дева̄нам̣… брахмапурохита̄нам̣ дева̄нам̣… маха̄брахма̄нам̣ дева̄нам̣… паритта̄бха̄нам̣ дева̄нам̣… аппама̄н̣а̄бха̄нам̣ дева̄нам̣… а̄бхассара̄нам̣ дева̄нам̣… париттасубха̄нам̣ дева̄нам̣… аппама̄н̣асубха̄нам̣ дева̄нам̣… субхакин̣ха̄нам̣ дева̄нам̣ … вехаппхала̄нам̣ дева̄нам̣… авиха̄нам̣ дева̄нам̣… атаппа̄нам̣ дева̄нам̣… судасса̄нам̣ дева̄нам̣… судассӣнам̣ дева̄нам̣… аканит̣т̣ха̄нам̣ дева̄нам̣ екам̣ читтам̣ йа̄вата̄йукам̣ тит̣т̣хатӣти? на хевам̣ ваттаббе.

а̄ка̄са̄нан̃ча̄йатанӯпага̄нам̣ дева̄нам̣ вӣсати каппасахасса̄ни а̄йуппама̄н̣ам̣, а̄ка̄са̄нан̃ча̄йатанӯпага̄нам̣ дева̄нам̣ екам̣ читтам̣ вӣсати каппасахасса̄ни тит̣т̣хатӣти? а̄манта̄. манусса̄нам̣ вассасатам̣ а̄йуппама̄н̣ам̣, манусса̄нам̣ екам̣ читтам̣ вассасатам̣ тит̣т̣хатӣти? на хевам̣ ваттаббе.

а̄ка̄са̄нан̃ча̄йатанӯпага̄нам̣ дева̄нам̣ вӣсати каппасахасса̄ни а̄йуппама̄н̣ам̣, а̄ка̄са̄нан̃ча̄йатанӯпага̄нам̣ дева̄нам̣ екам̣ читтам̣ вӣсати каппасахасса̄ни тит̣т̣хатӣти? а̄манта̄. ча̄тумаха̄ра̄джика̄нам̣ дева̄нам̣ пан̃ча вассасата̄ни а̄йуппама̄н̣ам̣, ча̄тумаха̄ра̄джика̄нам̣ дева̄нам̣ екам̣ читтам̣ пан̃ча вассасата̄ни тит̣т̣хати… вассасахассам̣ тит̣т̣хати… две вассасахасса̄ни тит̣т̣хати… чатта̄ри вассасахасса̄ни тит̣т̣хати… ат̣т̣ха вассасахасса̄ни тит̣т̣хати… сол̣аса вассасахасса̄ни тит̣т̣хати… каппасса татийабха̄гам̣ тит̣т̣хати… упад̣д̣хакаппам̣ тит̣т̣хати… екам̣ каппам̣ тит̣т̣хати… две каппе тит̣т̣хати… чатта̄ро каппе тит̣т̣хати… ат̣т̣ха каппе тит̣т̣хати… сол̣аса каппе тит̣т̣хати… ба̄ттим̣са каппе тит̣т̣хати… чатусат̣т̣хи каппе тит̣т̣хати… пан̃ча каппасата̄ни тит̣т̣хати… каппасахассам̣ тит̣т̣хати… две каппасахасса̄ни тит̣т̣хати… чатта̄ри каппасахасса̄ни тит̣т̣хати… ат̣т̣ха каппасахасса̄ни тит̣т̣хати… аканит̣т̣ха̄нам̣ дева̄нам̣ сол̣аса каппасахасса̄ни а̄йуппама̄н̣ам̣, аканит̣т̣ха̄нам̣ дева̄нам̣ екам̣ читтам̣ сол̣аса каппасахасса̄ни тит̣т̣хатӣти? на хевам̣ ваттаббе.

а̄ка̄са̄нан̃ча̄йатанӯпага̄нам̣ дева̄нам̣ читтам̣ мухуттам̣ мухуттам̣ уппаджджати мухуттам̣ мухуттам̣ нируджджхатӣти? а̄манта̄. а̄ка̄са̄нан̃ча̄йатанӯпага̄ дева̄ мухуттам̣ мухуттам̣ чаванти мухуттам̣ мухуттам̣ уппаджджантӣти? на хевам̣ ваттаббе.

а̄ка̄са̄нан̃ча̄йатанӯпага̄нам̣ дева̄нам̣ екам̣ читтам̣ йа̄вата̄йукам̣ тит̣т̣хатӣти? а̄манта̄. а̄ка̄са̄нан̃ча̄йатанӯпага̄ дева̄ йенева читтена уппаджджанти, тенева читтена чавантӣти? на хевам̣ ваттаббе…пе….

читтат̣т̣хитикатха̄ нит̣т̣хита̄.