2. дутийавагго

(10) 1. парӯпаха̄ракатха̄

307. аттхи арахато асучи суккависсат̣т̣хӣти? а̄манта̄. аттхи арахато ра̄го ка̄мара̄го ка̄мара̄гапарийут̣т̣ха̄нам̣ ка̄мара̄гасам̣йоджанам̣ ка̄могхо ка̄майого ка̄маччханданӣваран̣анти? на хевам̣ ваттаббе…пе….

наттхи арахато ра̄го ка̄мара̄го ка̄мара̄гапарийут̣т̣ха̄нам̣ ка̄мара̄гасам̣йоджанам̣ ка̄могхо ка̄майого ка̄маччханданӣваран̣анти? а̄манта̄. хан̃чи наттхи арахато ра̄го ка̄мара̄го ка̄мара̄гапарийут̣т̣ха̄нам̣ ка̄мара̄гасам̣йоджанам̣ ка̄могхо ка̄майого ка̄маччханданӣваран̣ам̣, но ча вата ре ваттаббе – ‘‘аттхи арахато асучи суккависсат̣т̣хӣ’’ти.

аттхи путхуджджанасса асучи суккависсат̣т̣хи, аттхи тасса ра̄го ка̄мара̄го ка̄мара̄гапарийут̣т̣ха̄нам̣ ка̄мара̄гасам̣йоджанам̣ ка̄могхо ка̄майого ка̄маччханданӣваран̣анти? а̄манта̄. аттхи арахато асучи суккависсат̣т̣хи, аттхи тасса ра̄го ка̄мара̄го ка̄мара̄гапарийут̣т̣ха̄нам̣…пе… ка̄маччханданӣваран̣анти? на хевам̣ ваттаббе…пе….

аттхи арахато асучи суккависсат̣т̣хи, наттхи тасса ра̄го ка̄мара̄го ка̄мара̄гапарийут̣т̣ха̄нам̣…пе… ка̄маччханданӣваран̣анти? а̄манта̄. аттхи путхуджджанасса асучи суккависсат̣т̣хи, наттхи тасса ра̄го ка̄мара̄го ка̄мара̄гапарийут̣т̣ха̄нам̣…пе… ка̄маччханданӣваран̣анти? на хевам̣ ваттаббе…пе….

аттхи арахато асучи суккависсат̣т̣хӣти? а̄манта̄. кенат̣т̣хена̄ти? ханда хи ма̄рака̄йика̄ девата̄ арахато асучим̣ суккависсат̣т̣хим̣ упасам̣харантӣти.

ма̄рака̄йика̄ девата̄ арахато асучим̣ суккависсат̣т̣хим̣ упасам̣харантӣти? а̄манта̄. аттхи ма̄рака̄йика̄нам̣ девата̄нам̣ асучи суккависсат̣т̣хӣти? на хевам̣ ваттаббе…пе….

наттхи ма̄рака̄йика̄нам̣ девата̄нам̣ асучи суккависсат̣т̣хӣти? а̄манта̄. хан̃чи наттхи ма̄рака̄йика̄нам̣ девата̄нам̣ асучи суккависсат̣т̣хи, но ча вата ре ваттаббе – ‘‘ма̄рака̄йика̄ девата̄ арахато асучим̣ суккависсат̣т̣хим̣ упасам̣харантӣ’’ти.

ма̄рака̄йика̄ девата̄ арахато асучим̣ суккависсат̣т̣хим̣ упасам̣харантӣти? а̄манта̄. ма̄рака̄йика̄ девата̄ аттано асучим̣ суккависсат̣т̣хим̣ упасам̣харанти, ан̃н̃есам̣ асучим̣ суккависсат̣т̣хим̣ упасам̣харанти, тасса асучим̣ суккависсат̣т̣хим̣ упасам̣харантӣти? на хевам̣ ваттаббе…пе….

ма̄рака̄йика̄ девата̄ нева аттано на ан̃н̃есам̣ на тасса асучим̣ суккависсат̣т̣хим̣ упасам̣харантӣти? а̄манта̄. хан̃чи ма̄рака̄йика̄ девата̄ нева аттано на ан̃н̃есам̣ на тасса асучим̣ суккависсат̣т̣хим̣ упасам̣харанти, но ча вата ре ваттаббе – ‘‘ма̄рака̄йика̄ девата̄ арахато асучим̣ суккависсат̣т̣хим̣ упасам̣харантӣ’’ти.

ма̄рака̄йика̄ девата̄ арахато асучим̣ суккависсат̣т̣хим̣ упасам̣харантӣти? а̄манта̄. ломакӯпехи упасам̣харантӣти? на хевам̣ ваттаббе…пе….

308. ма̄рака̄йика̄ девата̄ арахато асучим̣ суккависсат̣т̣хим̣ упасам̣харантӣти? а̄манта̄. ким̣ ка̄ран̣а̄ти? ханда хи виматим̣ га̄хайисса̄ма̄ти. аттхи арахато виматӣти? на хевам̣ ваттаббе…пе….

аттхи арахато виматӣти? а̄манта̄. аттхи арахато саттхари вимати, дхамме вимати, сан̇гхе вимати, сиккха̄йа вимати, пуббанте вимати, апаранте вимати, пуббанта̄паранте вимати, идаппаччайата̄пат̣иччасамуппаннесу дхаммесу виматӣти? на хевам̣ ваттаббе…пе….

наттхи арахато саттхари вимати, дхамме вимати, сан̇гхе вимати, сиккха̄йа вимати, пуббанте вимати, апаранте вимати, пуббанта̄паранте вимати, идаппаччайата̄пат̣иччасамуппаннесу дхаммесу виматӣти? а̄манта̄. хан̃чи наттхи арахато саттхари вимати…пе… идаппаччайата̄пат̣иччасамуппаннесу дхаммесу вимати, но ча вата ре ваттаббе – ‘‘аттхи арахато виматӣ’’ти.

аттхи путхуджджанасса вимати, аттхи тасса саттхари вимати…пе… идаппаччайата̄пат̣иччасамуппаннесу дхаммесу виматӣти? а̄манта̄. аттхи арахато вимати, аттхи тасса саттхари вимати…пе… идаппаччайата̄пат̣иччасамуппаннесу дхаммесу виматӣти? на хевам̣ ваттаббе…пе….

аттхи арахато вимати, наттхи тасса саттхари вимати…пе… идаппаччайата̄пат̣иччасамуппаннесу дхаммесу виматӣти? а̄манта̄. аттхи путхуджджанасса вимати, наттхи тасса саттхари вимати…пе… идаппаччайата̄пат̣иччасамуппаннесу дхаммесу виматӣти? на хевам̣ ваттаббе…пе….

аттхи арахато асучи суккависсат̣т̣хӣти? а̄манта̄. арахато асучи суккависсат̣т̣хи кисса ниссандоти? аситапӣтакха̄йитаса̄йитасса ниссандоти. арахато асучи суккависсат̣т̣хи аситапӣтакха̄йитаса̄йитасса ниссандоти? а̄манта̄. йе кечи асанти пиванти кха̄данти са̄йанти, саббесам̣йева аттхи асучи суккависсат̣т̣хӣти? на хевам̣ ваттаббе…пе….

йе кечи асанти пиванти кха̄данти са̄йанти, саббесам̣йева аттхи асучи суккависсат̣т̣хӣти? а̄манта̄. да̄рака̄ асанти пиванти кха̄данти са̄йанти, аттхи да̄рака̄нам̣ асучи суккависсат̣т̣хӣти? на хевам̣ ваттаббе.

пан̣д̣ака̄ асанти пиванти кха̄данти са̄йанти, аттхи пан̣д̣ака̄нам̣ асучи суккависсат̣т̣хӣти? на хевам̣ ваттаббе…пе….

дева̄ асанти пиванти кха̄данти са̄йанти, аттхи девата̄нам̣ асучи суккависсат̣т̣хӣти? на хевам̣ ваттаббе…пе….

309. арахато асучи суккависсат̣т̣хи аситапӣтакха̄йитаса̄йитасса ниссандоти? а̄манта̄. аттхи тасса а̄сайоти? на хевам̣ ваттаббе…пе….

арахато учча̄рапасса̄во аситапӣтакха̄йитаса̄йитасса ниссандо, аттхи тасса а̄сайоти? а̄манта̄. арахато асучи суккависсат̣т̣хи аситапӣтакха̄йитаса̄йитасса ниссандо, аттхи тасса а̄сайоти? на хевам̣ ваттаббе…пе….

арахато асучи суккависсат̣т̣хи аситапӣтакха̄йитаса̄йитасса ниссандо, наттхи тасса а̄сайоти? а̄манта̄. арахато учча̄рапасса̄во аситапӣтакха̄йитаса̄йитасса ниссандо, наттхи тасса а̄сайоти? на хевам̣ ваттаббе…пе….

310. аттхи арахато асучи суккависсат̣т̣хӣти? а̄манта̄. араха̄ метхунам̣ дхаммам̣ пат̣исевеййа, метхунам̣ уппа̄деййа [метхунам̣ дхаммам̣ уппа̄деййа (сӣ. сйа̄.)], путтасамба̄дхасайанам̣ аджджха̄васеййа, ка̄сикачанданам̣ паччанубхавеййа, ма̄ла̄гандхавилепанам̣ дха̄реййа, джа̄тарӯпараджатам̣ са̄дийеййа̄ти? на хевам̣ ваттаббе.

аттхи путхуджджанасса асучи суккависсат̣т̣хи, путхуджджано метхунам̣ дхаммам̣ пат̣исевеййа, метхунам̣ уппа̄деййа, путтасамба̄дхасайанам̣ аджджха̄васеййа, ка̄сикачанданам̣ паччанубхавеййа, ма̄ла̄гандхавилепанам̣ дха̄реййа, джа̄тарӯпараджатам̣ са̄дийеййа̄ти? а̄манта̄. аттхи арахато асучи суккависсат̣т̣хи, араха̄ метхунам̣ дхаммам̣ пат̣исевеййа, метхунам̣ уппа̄деййа, путтасамба̄дхасайанам̣ аджджха̄васеййа, ка̄сикачанданам̣ паччанубхавеййа, ма̄ла̄гандхавилепанам̣ дха̄реййа, джа̄тарӯпараджатам̣ са̄дийеййа̄ти? на хевам̣ ваттаббе…пе….

аттхи арахато асучи суккависсат̣т̣хи, на ча араха̄ метхунам̣ дхаммам̣ пат̣исевеййа, метхунам̣ уппа̄деййа, путтасамба̄дхасайанам̣ аджджха̄васеййа, ка̄сикачанданам̣ паччанубхавеййа, ма̄ла̄гандхавилепанам̣ дха̄реййа, джа̄тарӯпараджатам̣ са̄дийеййа̄ти? а̄манта̄. аттхи путхуджджанасса асучи суккависсат̣т̣хи, на ча путхуджджано метхунам̣ дхаммам̣ пат̣исевеййа, метхунам̣ уппа̄деййа, путтасамба̄дхасайанам̣ аджджха̄васеййа, ка̄сикачанданам̣ паччанубхавеййа, ма̄ла̄гандхавилепанам̣ дха̄реййа, джа̄тарӯпараджатам̣ са̄дийеййа̄ти? на хевам̣ ваттаббе.

аттхи арахато асучи суккависсат̣т̣хӣти? а̄манта̄. нану арахато ра̄го пахӣно уччхиннамӯло та̄ла̄ваттхукато анабха̄ван̇като а̄йатим̣ ануппа̄дадхаммоти? а̄манта̄. хан̃чи арахато ра̄го пахӣно уччхиннамӯло та̄ла̄ваттхукато анабха̄ван̇като а̄йатим̣ ануппа̄дадхаммо, но ча вата ре ваттаббе – ‘‘аттхи арахато асучи суккависсат̣т̣хӣ’’ти.

аттхи арахато асучи суккависсат̣т̣хӣти? а̄манта̄. нану арахато досо пахӣно…пе… мохо пахӣно… ма̄но пахӣно… дит̣т̣хи пахӣна̄… вичикиччха̄ пахӣна̄… тхинам̣ пахӣнам̣… уддхаччам̣ пахӣнам̣… ахирикам̣ пахӣнам̣…пе… аноттаппам̣ пахӣнам̣ уччхиннамӯлам̣ та̄ла̄ваттхукатам̣ анабха̄ван̇катам̣ а̄йатим̣ ануппа̄дадхамманти? а̄манта̄. хан̃чи арахато аноттаппам̣ пахӣнам̣ уччхиннамӯлам̣ та̄ла̄ваттхукатам̣ анабха̄ван̇катам̣ а̄йатим̣ ануппа̄дадхаммам̣, но ча вата ре ваттаббе – ‘‘аттхи арахато асучи суккависсат̣т̣хӣ’’ти.

311. аттхи арахато асучи суккависсат̣т̣хӣти? а̄манта̄. нану арахато ра̄гаппаха̄на̄йа магго бха̄витоти? а̄манта̄. хан̃чи арахато ра̄гаппаха̄на̄йа магго бха̄вито, но ча вата ре ваттаббе – ‘‘аттхи арахато асучи суккависсат̣т̣хӣ’’ти.

аттхи арахато асучи суккависсат̣т̣хӣти? а̄манта̄. нану арахато ра̄гаппаха̄на̄йа сатипат̣т̣ха̄на̄ бха̄вита̄…пе… саммаппадха̄на̄ бха̄вита̄… иддхипа̄да̄ бха̄вита̄… индрийа̄ бха̄вита̄… бала̄ бха̄вита̄…пе… боджджхан̇га̄ бха̄вита̄ти? а̄манта̄. хан̃чи арахато ра̄гаппаха̄на̄йа боджджхан̇га̄ бха̄вита̄, но ча вата ре ваттаббе – ‘‘аттхи арахато асучи суккависсат̣т̣хӣ’’ти.

аттхи арахато асучи суккависсат̣т̣хӣти? а̄манта̄. нану арахато досаппаха̄на̄йа…пе… мохаппаха̄на̄йа…пе… аноттаппапаха̄на̄йа магго бха̄вито…пе… боджджхан̇га̄ бха̄вита̄ти? а̄манта̄. хан̃чи арахато аноттаппапаха̄на̄йа боджджхан̇га̄ бха̄вита̄, но ча вата ре ваттаббе – ‘‘аттхи арахато асучи суккависсат̣т̣хӣ’’ти.

аттхи арахато асучи суккависсат̣т̣хӣти? а̄манта̄. нану араха̄ вӣтара̄го вӣтадосо вӣтамохо катакаран̣ӣйо охитабха̄ро ануппаттасадаттхо париккхӣн̣абхавасам̣йоджано саммадан̃н̃а̄вимутто уккхиттапалигхо сан̇кин̣н̣апарикхо аббӯл̣хесико нираггал̣о арийо паннаддхаджо паннабха̄ро висан̃н̃утто сувиджитавиджайо, дуккхам̣ тасса парин̃н̃а̄там̣, самудайо пахӣно, ниродхо саччхикато, магго бха̄вито, абхин̃н̃еййам̣ абхин̃н̃а̄там̣, парин̃н̃еййам̣ парин̃н̃а̄там̣, паха̄таббам̣ пахӣнам̣, бха̄ветаббам̣ бха̄витам̣, саччхика̄таббам̣ саччхикатанти? а̄манта̄. хан̃чи араха̄ вӣтара̄го вӣтадосо вӣтамохо катакаран̣ӣйо…пе… саччхика̄таббам̣ саччхикатам̣, но ча вата ре ваттаббе – ‘‘аттхи арахато асучи суккависсат̣т̣хӣ’’ти.

312. аттхи арахато асучи суккависсат̣т̣хӣти? садхаммакусаласса арахато аттхи асучи суккависсат̣т̣хи, парадхаммакусаласса арахато наттхи асучи суккависсат̣т̣хӣти. садхаммакусаласса арахато аттхи асучи суккависсат̣т̣хӣти? а̄манта̄. парадхаммакусаласса арахато аттхи асучи суккависсат̣т̣хӣти? на хевам̣ ваттаббе…пе….

парадхаммакусаласса арахато наттхи асучи суккависсат̣т̣хӣти? а̄манта̄. садхаммакусаласса арахато наттхи асучи суккависсат̣т̣хӣти? на хевам̣ ваттаббе…пе….

садхаммакусаласса арахато ра̄го пахӣно, аттхи тасса асучи суккависсат̣т̣хӣти? а̄манта̄. парадхаммакусаласса арахато ра̄го пахӣно, аттхи тасса асучи суккависсат̣т̣хӣти? на хевам̣ ваттаббе…пе….

садхаммакусаласса арахато досо пахӣно…пе… мохо пахӣно…пе… аноттаппам̣ пахӣнам̣, аттхи тасса асучи суккависсат̣т̣хӣти? а̄манта̄. парадхаммакусаласса арахато аноттаппам̣ пахӣнам̣, аттхи тасса асучи суккависсат̣т̣хӣти? на хевам̣ ваттаббе…пе….

садхаммакусаласса арахато ра̄гаппаха̄на̄йа магго бха̄вито…пе… боджджхан̇га̄ бха̄вита̄…пе… досаппаха̄на̄йа…пе… мохаппаха̄на̄йа…пе… аноттаппапаха̄на̄йа магго бха̄вито…пе… боджджхан̇га̄ бха̄вита̄, аттхи тасса асучи суккависсат̣т̣хӣти? а̄манта̄. парадхаммакусаласса арахато аноттаппапаха̄на̄йа боджджхан̇га̄ бха̄вита̄, аттхи тасса асучи суккависсат̣т̣хӣти? на хевам̣ ваттаббе…пе….

садхаммакусало араха̄ вӣтара̄го вӣтадосо вӣтамохо…пе… саччхика̄таббам̣ саччхикатам̣, аттхи тасса асучи суккависсат̣т̣хӣти? а̄манта̄. парадхаммакусало араха̄ вӣтара̄го вӣтадосо вӣтамохо…пе… саччхика̄таббам̣ саччхикатам̣, аттхи тасса асучи суккависсат̣т̣хӣти? на хевам̣ ваттаббе…пе….

парадхаммакусаласса арахато ра̄го пахӣно, наттхи тасса асучи суккависсат̣т̣хӣти? а̄манта̄. садхаммакусаласса арахато ра̄го пахӣно, наттхи тасса асучи суккависсат̣т̣хӣти? на хевам̣ ваттаббе…пе….

парадхаммакусаласса арахато досо пахӣно…пе… мохо пахӣно…пе… аноттаппам̣ пахӣнам̣, наттхи тасса асучи суккависсат̣т̣хӣти? а̄манта̄. садхаммакусаласса арахато аноттаппам̣ пахӣнам̣, наттхи тасса асучи суккависсат̣т̣хӣти? на хевам̣ ваттаббе…пе….

парадхаммакусаласса арахато ра̄гаппаха̄на̄йа магго бха̄вито…пе… боджджхан̇га̄ бха̄вита̄…пе… досаппаха̄на̄йа…пе… мохаппаха̄на̄йа…пе… аноттаппапаха̄на̄йа магго бха̄вито…пе… боджджхан̇га̄ бха̄вита̄, наттхи тасса асучи суккависсат̣т̣хӣти? а̄манта̄. садхаммакусаласса арахато аноттаппапаха̄на̄йа боджджхан̇га̄ бха̄вита̄, наттхи тасса асучи суккависсат̣т̣хӣти? на хевам̣ ваттаббе…пе….

парадхаммакусало араха̄ вӣтара̄го вӣтадосо вӣтамохо…пе… саччхика̄таббам̣ саччхикатам̣, наттхи тасса асучи суккависсат̣т̣хӣти? а̄манта̄. садхаммакусало араха̄ вӣтара̄го вӣтадосо вӣтамохо…пе… саччхика̄таббам̣ саччхикатам̣, наттхи тасса асучи суккависсат̣т̣хӣти? на хевам̣ ваттаббе…пе….

313. аттхи арахато асучи суккависсат̣т̣хӣти? а̄манта̄. нану вуттам̣ бхагавата̄ – ‘‘йе те [йе кечи (сӣ.)], бхиккхаве, бхиккхӯ путхуджджана̄ сӣласампанна̄ сата̄ сампаджа̄на̄ ниддам̣ оккаманти, тесам̣ асучи на муччати. йепи те, бхиккхаве, ба̄хирака̄ исайо ка̄месу вӣтара̄га̄, тесампи асучи на муччати. ат̣т̣ха̄наметам̣, бхиккхаве, анавака̄со йам̣ арахато асучи муччеййа̄’’ти [маха̄ва. 353 аттхато сама̄нам̣; а. ни. 5.210 пасситаббам̣]. аттхева суттантоти? а̄манта̄. тена хи на ваттаббам̣ – ‘‘аттхи арахато асучи суккависсат̣т̣хӣ’’ти.

на ваттаббам̣ – ‘‘аттхи арахато парӯпаха̄ро’’ти? а̄манта̄. нану арахато чӣварапин̣д̣апа̄тасена̄санагила̄напаччайабхесаджджапариккха̄рам̣ паре упасам̣хареййунти? а̄манта̄. хан̃чи арахато чӣварапин̣д̣апа̄тасена̄санагила̄напаччайабхесаджджапариккха̄рам̣ паре упасам̣хареййум̣, тена вата ре ваттаббе – ‘‘аттхи арахато парӯпаха̄ро’’ти.

арахато чӣварапин̣д̣апа̄тасена̄санагила̄напаччайабхесаджджапариккха̄рам̣ паре упасам̣хареййунти, аттхи арахато парӯпаха̄роти? а̄манта̄. арахато сота̄паттипхалам̣ ва̄ сакада̄га̄мипхалам̣ ва̄ ана̄га̄мипхалам̣ ва̄ арахаттам̣ ва̄ паре упасам̣хареййунти? на хевам̣ ваттаббе…пе….

парӯпаха̄ракатха̄ нит̣т̣хита̄.

2. дутийавагго

(11) 2. ан̃н̃а̄н̣акатха̄

314. аттхи арахато ан̃н̃а̄н̣анти? а̄манта̄. аттхи арахато авиджджа̄ авиджджогхо авиджджа̄його авиджджа̄нусайо авиджджа̄парийут̣т̣ха̄нам̣ авиджджа̄сам̣йоджанам̣ авиджджа̄нӣваран̣анти? на хевам̣ ваттаббе. наттхи арахато авиджджа̄ авиджджогхо авиджджа̄його авиджджа̄нусайо авиджджа̄парийут̣т̣ха̄нам̣ авиджджа̄сам̣йоджанам̣ авиджджа̄нӣваран̣анти? а̄манта̄. хан̃чи наттхи арахато авиджджа̄ авиджджогхо авиджджа̄його авиджджа̄нусайо авиджджа̄парийут̣т̣ха̄нам̣ авиджджа̄сам̣йоджанам̣ авиджджа̄нӣваран̣ам̣, но ча вата ре ваттаббе – ‘‘аттхи арахато ан̃н̃а̄н̣а’’нти.

аттхи путхуджджанасса ан̃н̃а̄н̣ам̣, аттхи тасса авиджджа̄ авиджджогхо авиджджа̄його авиджджа̄нусайо авиджджа̄парийут̣т̣ха̄нам̣ авиджджа̄сам̣йоджанам̣ авиджджа̄нӣваран̣анти? а̄манта̄. аттхи арахато ан̃н̃а̄н̣ам̣, аттхи тасса авиджджа̄ авиджджогхо авиджджа̄його авиджджа̄нусайо авиджджа̄парийут̣т̣ха̄нам̣ авиджджа̄сам̣йоджанам̣ авиджджа̄нӣваран̣анти? на хевам̣ ваттаббе.

аттхи арахато ан̃н̃а̄н̣ам̣, наттхи тасса авиджджа̄ авиджджогхо авиджджа̄його авиджджа̄нусайо авиджджа̄парийут̣т̣ха̄нам̣ авиджджа̄сам̣йоджанам̣ авиджджа̄нӣваран̣анти? а̄манта̄. аттхи путхуджджанасса ан̃н̃а̄н̣ам̣, наттхи тасса авиджджа̄ авиджджогхо авиджджа̄його авиджджа̄нусайо авиджджа̄парийут̣т̣ха̄нам̣ авиджджа̄сам̣йоджанам̣ авиджджа̄нӣваран̣анти? на хевам̣ ваттаббе.

аттхи арахато ан̃н̃а̄н̣анти? а̄манта̄. араха̄ ан̃н̃а̄н̣апакато па̄н̣ам̣ ханеййа, адиннам̣ а̄дийеййа, муса̄ бхан̣еййа, писун̣ам̣ бхан̣еййа, пхарусам̣ бхан̣еййа, сампхам̣ палапеййа, сандхим̣ чхиндеййа, ниллопам̣ хареййа, ека̄га̄рийам̣ кареййа, парипантхе тит̣т̣хеййа, парада̄рам̣ гаччхеййа, га̄магха̄там̣ кареййа, нигамагха̄там̣ кареййа̄ти? на хевам̣ ваттаббе.

аттхи путхуджджанасса ан̃н̃а̄н̣ам̣, путхуджджано ан̃н̃а̄н̣апакато па̄н̣ам̣ ханеййа, адиннам̣ а̄дийеййа, муса̄ бхан̣еййа…пе… га̄магха̄там̣ кареййа, нигамагха̄там̣ кареййа̄ти? а̄манта̄. аттхи арахато ан̃н̃а̄н̣ам̣, араха̄ ан̃н̃а̄н̣апакато па̄н̣ам̣ ханеййа, адиннам̣ а̄дийеййа…пе… га̄магха̄там̣ кареййа, нигамагха̄там̣ кареййа̄ти? на хевам̣ ваттаббе.

аттхи арахато ан̃н̃а̄н̣ам̣, на ча араха̄ ан̃н̃а̄н̣апакато па̄н̣ам̣ ханеййа, адиннам̣ а̄дийеййа…пе… га̄магха̄там̣ кареййа, нигамагха̄там̣ кареййа̄ти? а̄манта̄. аттхи путхуджджанасса ан̃н̃а̄н̣ам̣, на ча путхуджджано ан̃н̃а̄н̣апакато па̄н̣ам̣ ханеййа, адиннам̣ а̄дийеййа…пе… га̄магха̄там̣ кареййа, нигамагха̄там̣ кареййа̄ти? на хевам̣ ваттаббе.

аттхи арахато ан̃н̃а̄н̣анти? а̄манта̄. аттхи арахато саттхари ан̃н̃а̄н̣ам̣, дхамме ан̃н̃а̄н̣ам̣, сан̇гхе ан̃н̃а̄н̣ам̣, сиккха̄йа ан̃н̃а̄н̣ам̣, пуббанте ан̃н̃а̄н̣ам̣, апаранте ан̃н̃а̄н̣ам̣, пуббанта̄паранте ан̃н̃а̄н̣ам̣, идаппаччайата̄пат̣иччасамуппаннесу дхаммесу ан̃н̃а̄н̣анти? на хевам̣ ваттаббе.

наттхи арахато саттхари ан̃н̃а̄н̣ам̣, дхамме ан̃н̃а̄н̣ам̣, сан̇гхе ан̃н̃а̄н̣ам̣, сиккха̄йа ан̃н̃а̄н̣ам̣, пуббанте ан̃н̃а̄н̣ам̣, апаранте ан̃н̃а̄н̣ам̣, пуббанта̄паранте ан̃н̃а̄н̣ам̣, идаппаччайата̄пат̣иччасамуппаннесу дхаммесу ан̃н̃а̄н̣анти? а̄манта̄. хан̃чи наттхи арахато саттхари ан̃н̃а̄н̣ам̣, дхамме ан̃н̃а̄н̣ам̣, сан̇гхе ан̃н̃а̄н̣ам̣…пе… идаппаччайата̄пат̣иччасамуппаннесу дхаммесу ан̃н̃а̄н̣ам̣, но ча вата ре ваттаббе – ‘‘аттхи арахато ан̃н̃а̄н̣а’’нти.

аттхи путхуджджанасса ан̃н̃а̄н̣ам̣, аттхи тасса саттхари ан̃н̃а̄н̣ам̣, дхамме ан̃н̃а̄н̣ам̣, сан̇гхе ан̃н̃а̄н̣ам̣…пе… идаппаччайата̄пат̣иччасамуппаннесу дхаммесу ан̃н̃а̄н̣анти? а̄манта̄. аттхи арахато ан̃н̃а̄н̣ам̣, аттхи тасса саттхари ан̃н̃а̄н̣ам̣, дхамме ан̃н̃а̄н̣ам̣, сан̇гхе ан̃н̃а̄н̣ам̣…пе… идаппаччайата̄пат̣иччасамуппаннесу дхаммесу ан̃н̃а̄н̣анти? на хевам̣ ваттаббе.

аттхи арахато ан̃н̃а̄н̣ам̣, наттхи тасса саттхари ан̃н̃а̄н̣ам̣, дхамме ан̃н̃а̄н̣ам̣, сан̇гхе ан̃н̃а̄н̣ам̣…пе… идаппаччайата̄пат̣иччасамуппаннесу дхаммесу ан̃н̃а̄н̣анти? а̄манта̄. аттхи путхуджджанасса ан̃н̃а̄н̣ам̣, наттхи тасса саттхари ан̃н̃а̄н̣ам̣, дхамме ан̃н̃а̄н̣ам̣, сан̇гхе ан̃н̃а̄н̣ам̣…пе… идаппаччайата̄пат̣иччасамуппаннесу дхаммесу ан̃н̃а̄н̣анти? на хевам̣ ваттаббе.

315. аттхи арахато ан̃н̃а̄н̣анти? а̄манта̄. нану арахато ра̄го пахӣно уччхиннамӯло та̄ла̄ваттхукато анабха̄ван̇като а̄йатим̣ ануппа̄дадхаммоти? а̄манта̄. хан̃чи арахато ра̄го пахӣно уччхиннамӯло та̄ла̄ваттхукато анабха̄ван̇като а̄йатим̣ ануппа̄дадхаммо, но ча вата ре ваттаббе – ‘‘аттхи арахато ан̃н̃а̄н̣а’’нти.

аттхи арахато ан̃н̃а̄н̣анти? а̄манта̄. нану арахато досо пахӣно…пе… мохо пахӣно…пе… аноттаппам̣ пахӣнам̣ уччхиннамӯлам̣ та̄ла̄ваттхукатам̣ анабха̄ван̇катам̣ а̄йатим̣ ануппа̄дадхамманти? а̄манта̄. хан̃чи арахато аноттаппам̣ пахӣнам̣ уччхиннамӯлам̣ та̄ла̄ваттхукатам̣ анабха̄ван̇катам̣ а̄йатим̣ ануппа̄дадхаммам̣, но ча вата ре ваттаббе – ‘‘аттхи арахато ан̃н̃а̄н̣а’’нти.

аттхи арахато ан̃н̃а̄н̣анти? а̄манта̄. нану арахато ра̄гаппаха̄на̄йа магго бха̄вито…пе… боджджхан̇га̄ бха̄вита̄ти? а̄манта̄. хан̃чи арахато ра̄гаппаха̄на̄йа боджджхан̇га̄ бха̄вита̄, но ча вата ре ваттаббе – ‘‘аттхи арахато ан̃н̃а̄н̣а’’нти.

аттхи арахато ан̃н̃а̄н̣анти? а̄манта̄. нану арахато досаппаха̄на̄йа…пе… мохаппаха̄на̄йа…пе… аноттаппапаха̄на̄йа магго бха̄вито …пе… боджджхан̇га̄ бха̄вита̄ти? а̄манта̄. хан̃чи арахато аноттаппапаха̄на̄йа боджджхан̇га̄ бха̄вита̄, но ча вата ре ваттаббе – ‘‘аттхи арахато ан̃н̃а̄н̣а’’нти.

аттхи арахато ан̃н̃а̄н̣анти? а̄манта̄. нану араха̄ вӣтара̄го вӣтадосо вӣтамохо…пе… саччхика̄таббам̣ саччхикатанти? а̄манта̄. хан̃чи араха̄ вӣтара̄го…пе… саччхика̄таббам̣ саччхикатам̣, но ча вата ре ваттаббе – ‘‘аттхи арахато ан̃н̃а̄н̣а’’нти.

316. аттхи арахато ан̃н̃а̄н̣анти? садхаммакусаласса арахато аттхи ан̃н̃а̄н̣ам̣, парадхаммакусаласса арахато наттхи ан̃н̃а̄н̣анти. садхаммакусаласса арахато аттхи ан̃н̃а̄н̣анти? а̄манта̄. парадхаммакусаласса арахато аттхи ан̃н̃а̄н̣анти? на хевам̣ ваттаббе…пе….

парадхаммакусаласса арахато наттхи ан̃н̃а̄н̣анти? а̄манта̄. садхаммакусаласса арахато наттхи ан̃н̃а̄н̣анти? на хевам̣ ваттаббе…пе….

садхаммакусаласса арахато ра̄го пахӣно, аттхи тасса ан̃н̃а̄н̣анти? а̄манта̄. парадхаммакусаласса арахато ра̄го пахӣно, аттхи тасса ан̃н̃а̄н̣анти? на хевам̣ ваттаббе…пе….

садхаммакусаласса арахато досо пахӣно…пе… мохо пахӣно…пе… аноттаппам̣ пахӣнам̣, аттхи тасса ан̃н̃а̄н̣анти? а̄манта̄. парадхаммакусаласса арахато аноттаппам̣ пахӣнам̣, аттхи тасса ан̃н̃а̄н̣анти? на хевам̣ ваттаббе…пе….

садхаммакусаласса арахато ра̄гаппаха̄на̄йа магго бха̄вито…пе… боджджхан̇га̄ бха̄вита̄, аттхи тасса ан̃н̃а̄н̣анти? а̄манта̄. парадхаммакусаласса арахато ра̄гаппаха̄на̄йа боджджхан̇га̄ бха̄вита̄, аттхи тасса ан̃н̃а̄н̣анти? на хевам̣ ваттаббе…пе….

садхаммакусаласса арахато досаппаха̄на̄йа…пе… мохаппаха̄на̄йа…пе… аноттаппапаха̄на̄йа магго бха̄вито…пе… боджджхан̇га̄ бха̄вита̄, аттхи тасса ан̃н̃а̄н̣анти? а̄манта̄. парадхаммакусаласса арахато аноттаппапаха̄на̄йа боджджхан̇га̄ бха̄вита̄, аттхи тасса ан̃н̃а̄н̣анти? на хевам̣ ваттаббе…пе….

садхаммакусало араха̄ вӣтара̄го вӣтадосо вӣтамохо…пе… саччхика̄таббам̣ саччхикатам̣, аттхи тасса ан̃н̃а̄н̣анти? а̄манта̄. парадхаммакусало араха̄ вӣтара̄го вӣтадосо вӣтамохо…пе… саччхика̄таббам̣ саччхикатам̣, аттхи тасса ан̃н̃а̄н̣анти? на хевам̣ ваттаббе…пе….

парадхаммакусаласса арахато ра̄го пахӣно, наттхи тасса ан̃н̃а̄н̣анти? а̄манта̄. садхаммакусаласса арахато ра̄го пахӣно, наттхи тасса ан̃н̃а̄н̣анти? на хевам̣ ваттаббе…пе….

парадхаммакусаласса арахато досо пахӣно…пе… мохо пахӣно…пе… аноттаппам̣ пахӣнам̣, наттхи тасса ан̃н̃а̄н̣анти? а̄манта̄. садхаммакусаласса арахато аноттаппам̣ пахӣнам̣, наттхи тасса ан̃н̃а̄н̣анти? на хевам̣ ваттаббе…пе….

парадхаммакусаласса арахато ра̄гаппаха̄на̄йа магго бха̄вито…пе… боджджхан̇га̄ бха̄вита̄…пе… досаппаха̄на̄йа мохаппаха̄на̄йа…пе… аноттаппапаха̄на̄йа магго бха̄вито…пе… боджджхан̇га̄ бха̄вита̄, наттхи тасса ан̃н̃а̄н̣анти? а̄манта̄. садхаммакусаласса арахато аноттаппапаха̄на̄йа боджджхан̇га̄ бха̄вита̄, наттхи тасса ан̃н̃а̄н̣анти? на хевам̣ ваттаббе…пе….

парадхаммакусало араха̄ вӣтара̄го вӣтадосо вӣтамохо…пе… саччхика̄таббам̣ саччхикатам̣, наттхи тасса ан̃н̃а̄н̣анти? а̄манта̄. садхаммакусало араха̄ вӣтара̄го вӣтадосо вӣтамохо …пе… саччхика̄таббам̣ саччхикатам̣, наттхи тасса ан̃н̃а̄н̣анти? на хевам̣ ваттаббе…пе….

317. аттхи арахато ан̃н̃а̄н̣анти? а̄манта̄. нану вуттам̣ бхагавата̄ – ‘‘джа̄натохам̣ [джа̄ната̄хам̣ (сӣ.), джа̄натва̄хам̣ (сйа̄. пӣ. ка.)], бхиккхаве, пассато а̄сава̄нам̣ кхайам̣ вада̄ми, но аджа̄нато но апассато. кин̃ча, бхиккхаве, джа̄нато ким̣ пассато а̄сава̄нам̣ кхайо хоти? ‘ити рӯпам̣, ити рӯпасса самудайо, ити рӯпасса аттхан̇гамо, ити ведана̄…пе… ити сан̃н̃а̄… ити сан̇кха̄ра̄… ити вин̃н̃а̄н̣ам̣, ити вин̃н̃а̄н̣асса самудайо, ити вин̃н̃а̄н̣асса аттхан̇гамо’ти – евам̣ кхо, бхиккхаве, джа̄нато евам̣ пассато а̄сава̄нам̣ кхайо хотӣ’’ти [сам̣. ни. 3.101; итиву. 102; сам̣. ни. 5.1095]. аттхева суттантоти? а̄манта̄. тена хи на ваттаббам̣ – ‘‘аттхи арахато ан̃н̃а̄н̣а’’нти.

аттхи арахато ан̃н̃а̄н̣анти? а̄манта̄. нану вуттам̣ бхагавата̄ – ‘‘джа̄натохам̣, бхиккхаве, пассато а̄сава̄нам̣ кхайам̣ вада̄ми, но аджа̄нато но апассато. кин̃ча, бхиккхаве, джа̄нато ким̣ пассато а̄сава̄нам̣ кхайо хоти? ‘идам̣ дуккха’нти – бхиккхаве, джа̄нато пассато а̄сава̄нам̣ кхайо хоти, ‘айам̣ дуккхасамудайо’ти – джа̄нато пассато а̄сава̄нам̣ кхайо хоти, ‘айам̣ дуккханиродхо’ти – джа̄нато пассато а̄сава̄нам̣ кхайо хоти, ‘айам̣ дуккханиродхага̄минӣ пат̣ипада̄’ти – джа̄нато пассато а̄сава̄нам̣ кхайо хоти. евам̣ кхо, бхиккхаве, джа̄нато евам̣ пассато а̄сава̄нам̣ кхайо хотӣ’’ти [сам̣. ни. 5.1095]. аттхева суттантоти? а̄манта̄. тена хи на ваттаббам̣ – ‘‘аттхи арахато ан̃н̃а̄н̣а’’нти.

аттхи арахато ан̃н̃а̄н̣анти? а̄манта̄. нану вуттам̣ бхагавата̄ – ‘‘саббам̣, бхиккхаве, анабхиджа̄нам̣ апариджа̄нам̣ авира̄джайам̣ аппаджахам̣ абхаббо дуккхаккхайа̄йа, саббан̃ча кхо, бхиккхаве, абхиджа̄нам̣ париджа̄нам̣ вира̄джайам̣ паджахам̣ бхаббо дуккхаккхайа̄йа̄’’ти [сам̣. ни. 4.26; итиву. 7 итивуттакепи]! аттхева суттантоти? а̄манта̄. тена хи на ваттаббам̣ – ‘‘аттхи арахато ан̃н̃а̄н̣а’’нти.

аттхи арахато ан̃н̃а̄н̣анти? а̄манта̄. нану вуттам̣ бхагавата̄ –

‘‘саха̄васса дассанасампада̄йа,

тайассу дхамма̄ джахита̄ бхаванти;

сакка̄йадит̣т̣хӣ вичикиччхитан̃ча,

сӣлаббатам̣ ва̄пи йадаттхи кин̃чи;

чатӯхапа̄йехи ча виппамутто,

чхачча̄бхит̣ха̄на̄ни абхабба ка̄ту’’нти.

аттхева суттантоти? а̄манта̄. тена хи на ваттаббам̣ – ‘‘аттхи арахато ан̃н̃а̄н̣а’’нти.

аттхи арахато ан̃н̃а̄н̣анти? а̄манта̄. нану вуттам̣ бхагавата̄ – ‘‘йасмим̣, бхиккхаве, самайе арийаса̄вакасса вираджам̣ вӣтамалам̣ дхаммачаккхум̣ удапа̄ди – ‘йам̣ кин̃чи самудайадхаммам̣ саббам̣ там̣ ниродхадхамма’нти, саха дассануппа̄да̄, бхиккхаве, арийаса̄вакасса тӣн̣и сам̣йоджана̄ни пахӣйанти – сакка̄йадит̣т̣хи, вичикиччха̄, сӣлаббатапара̄ма̄со’’ти. аттхева суттантоти? а̄манта̄. тена хи на ваттаббам̣ – ‘‘аттхи арахато ан̃н̃а̄н̣а’’нти.

на ваттаббам̣ – ‘‘аттхи арахато ан̃н̃а̄н̣а’’нти? а̄манта̄. нану араха̄ иттхипуриса̄нам̣ на̄маготтам̣ на джа̄неййа, магга̄маггам̣ на джа̄неййа, тин̣акат̣т̣хаванаппатӣнам̣ на̄мам̣ на джа̄неййа̄ти? а̄манта̄. хан̃чи араха̄ иттхипуриса̄нам̣ на̄маготтам̣ на джа̄неййа, магга̄маггам̣ на джа̄неййа, тин̣акат̣т̣хаванаппатӣнам̣ на̄мам̣ на джа̄неййа, тена вата ре ваттаббе – ‘‘аттхи арахато ан̃н̃а̄н̣а’’нти.

араха̄ иттхипуриса̄нам̣ на̄маготтам̣ на джа̄неййа, магга̄маггам̣ на джа̄неййа, тин̣акат̣т̣хаванаппатӣнам̣ на̄мам̣ на джа̄неййа̄ти, аттхи арахато ан̃н̃а̄н̣анти? а̄манта̄. араха̄ сота̄паттипхалам̣ ва̄ сакада̄га̄мипхалам̣ ва̄ ана̄га̄мипхалам̣ ва̄ арахаттам̣ ва̄ на джа̄неййа̄ти? на хевам̣ ваттаббе…пе….

ан̃н̃а̄н̣акатха̄ нит̣т̣хита̄.

2. дутийавагго

(12) 3. кан̇кха̄катха̄

318. аттхи арахато кан̇кха̄ти? а̄манта̄. аттхи арахато вичикиччха̄ вичикиччха̄парийут̣т̣ха̄нам̣ вичикиччха̄сам̣йоджанам̣ вичикиччха̄нӣваран̣анти? на хевам̣ ваттаббе…пе….

наттхи арахато вичикиччха̄ вичикиччха̄парийут̣т̣ха̄нам̣ вичикиччха̄сам̣йоджанам̣ вичикиччха̄нӣваран̣анти? а̄манта̄. хан̃чи наттхи арахато вичикиччха̄ вичикиччха̄парийут̣т̣ха̄нам̣ вичикиччха̄сам̣йоджанам̣ вичикиччха̄нӣваран̣ам̣, но ча вата ре ваттаббе – ‘‘аттхи арахато кан̇кха̄’’ти.

аттхи путхуджджанасса кан̇кха̄, аттхи тасса вичикиччха̄ вичикиччха̄парийут̣т̣ха̄нам̣ вичикиччха̄сам̣йоджанам̣ вичикиччха̄нӣваран̣анти? а̄манта̄. аттхи арахато кан̇кха̄, аттхи тасса вичикиччха̄ вичикиччха̄парийут̣т̣ха̄нам̣ вичикиччха̄сам̣йоджанам̣ вичикиччха̄нӣваран̣анти? на хевам̣ ваттаббе…пе….

аттхи арахато кан̇кха̄, наттхи тасса вичикиччха̄ вичикиччха̄парийут̣т̣ха̄нам̣ вичикиччха̄сам̣йоджанам̣ вичикиччха̄нӣваран̣анти? а̄манта̄. аттхи путхуджджанасса кан̇кха̄, наттхи тасса вичикиччха̄ вичикиччха̄парийут̣т̣ха̄нам̣ вичикиччха̄сам̣йоджанам̣ вичикиччха̄нӣваран̣анти? на хевам̣ ваттаббе…пе….

аттхи арахато кан̇кха̄ти? а̄манта̄. аттхи арахато саттхари кан̇кха̄, дхамме кан̇кха̄, сан̇гхе кан̇кха̄, сиккха̄йа кан̇кха̄, пуббанте кан̇кха̄, апаранте кан̇кха̄, пуббанта̄паранте кан̇кха̄, идаппаччайата̄пат̣иччасамуппаннесу дхаммесу кан̇кха̄ти? на хевам̣ ваттаббе.

наттхи арахато саттхари кан̇кха̄, дхамме кан̇кха̄…пе… идаппаччайата̄пат̣иччасамуппаннесу дхаммесу кан̇кха̄ти? а̄манта̄. хан̃чи наттхи арахато саттхари кан̇кха̄, дхамме кан̇кха̄…пе… идаппаччайата̄пат̣иччасамуппаннесу дхаммесу кан̇кха̄, но ча вата ре ваттаббе – ‘‘аттхи арахато кан̇кха̄’’ти.

аттхи путхуджджанасса кан̇кха̄, аттхи тасса саттхари кан̇кха̄, дхамме кан̇кха̄…пе… идаппаччайата̄пат̣иччасамуппаннесу дхаммесу кан̇кха̄ти? а̄манта̄. аттхи арахато кан̇кха̄, аттхи тасса саттхари кан̇кха̄, дхамме кан̇кха̄…пе… идаппаччайата̄пат̣иччасамуппаннесу дхаммесу кан̇кха̄ти? на хевам̣ ваттаббе.

аттхи арахато кан̇кха̄, наттхи тасса саттхари кан̇кха̄, дхамме кан̇кха̄…пе… идаппаччайата̄пат̣иччасамуппаннесу дхаммесу кан̇кха̄ти? а̄манта̄. аттхи путхуджджанасса кан̇кха̄, наттхи тасса саттхари кан̇кха̄, дхамме кан̇кха̄…пе… идаппаччайата̄пат̣иччасамуппаннесу дхаммесу кан̇кха̄ти? на хевам̣ ваттаббе.

319. аттхи арахато кан̇кха̄ти? а̄манта̄. нану арахато ра̄го пахӣно уччхиннамӯло та̄ла̄ваттхукато анабха̄ван̇като а̄йатим̣ ануппа̄дадхаммоти? а̄манта̄. хан̃чи арахато ра̄го пахӣно уччхиннамӯло та̄ла̄ваттхукато анабха̄ван̇като а̄йатим̣ ануппа̄дадхаммо, но ча вата ре ваттаббе – ‘‘аттхи арахато кан̇кха̄’’ти.

аттхи арахато кан̇кха̄ти? а̄манта̄. нану арахато досо пахӣно…пе… мохо пахӣно…пе… аноттаппам̣ пахӣнам̣…пе… ра̄гаппаха̄на̄йа магго бха̄вито…пе… боджджхан̇га̄ бха̄вита̄…пе… досаппаха̄на̄йа…пе… аноттаппапаха̄на̄йа магго бха̄вито…пе… боджджхан̇га̄ бха̄вита̄; нану араха̄ вӣтара̄го вӣтадосо вӣтамохо…пе… саччхика̄таббам̣ саччхикатанти? а̄манта̄. хан̃чи араха̄ вӣтара̄го вӣтадосо вӣтамохо…пе… саччхика̄таббам̣ саччхикатам̣, но ча вата ре ваттаббе – ‘‘аттхи арахато кан̇кха̄’’ти.

320. аттхи арахато кан̇кха̄ти? садхаммакусаласса арахато аттхи кан̇кха̄, парадхаммакусаласса арахато наттхи кан̇кха̄ти. садхаммакусаласса арахато аттхи кан̇кха̄ти? а̄манта̄. парадхаммакусаласса арахато аттхи кан̇кха̄ти? на хевам̣ ваттаббе…пе….

парадхаммакусаласса арахато наттхи кан̇кха̄ти? а̄манта̄. садхаммакусаласса арахато наттхи кан̇кха̄ти? на хевам̣ ваттаббе…пе….

садхаммакусаласса арахато ра̄го пахӣно, аттхи тасса кан̇кха̄ти? а̄манта̄. парадхаммакусаласса арахато ра̄го пахӣно, аттхи тасса кан̇кха̄ти? на хевам̣ ваттаббе…пе….

садхаммакусаласса арахато досо пахӣно…пе… мохо пахӣно…пе… аноттаппам̣ пахӣнам̣…пе… ра̄гаппаха̄на̄йа магго бха̄вито…пе… боджджхан̇га̄ бха̄вита̄…пе… досаппаха̄на̄йа…пе… мохаппаха̄на̄йа…пе… аноттаппапаха̄на̄йа магго бха̄вито…пе… боджджхан̇га̄ бха̄вита̄…пе… садхаммакусало араха̄ вӣтара̄го вӣтадосо вӣтамохо …пе… саччхика̄таббам̣ саччхикатам̣, аттхи тасса кан̇кха̄ти? а̄манта̄. парадхаммакусало араха̄ вӣтара̄го вӣтадосо вӣтамохо…пе… саччхика̄таббам̣ саччхикатам̣, аттхи тасса кан̇кха̄ти? на хевам̣ ваттаббе…пе… парадхаммакусаласса арахато ра̄го пахӣно, наттхи тасса кан̇кха̄ти? а̄манта̄. садхаммакусаласса арахато ра̄го пахӣно, наттхи тасса кан̇кха̄ти? на хевам̣ ваттаббе…пе….

парадхаммакусаласса арахато досо пахӣно…пе… мохо пахӣно…пе… аноттаппам̣ пахӣнам̣…пе… ра̄гаппаха̄на̄йа магго бха̄вито…пе… боджджхан̇га̄ бха̄вита̄…пе… досаппаха̄на̄йа…пе… мохаппаха̄на̄йа…пе… аноттаппапаха̄на̄йа магго бха̄вито…пе… боджджхан̇га̄ бха̄вита̄…пе… парадхаммакусало араха̄ вӣтара̄го вӣтадосо вӣтамохо…пе… саччхика̄таббам̣ саччхикатам̣, наттхи тасса кан̇кха̄ти? а̄манта̄. садхаммакусало араха̄ вӣтара̄го вӣтадосо вӣтамохо…пе… саччхика̄таббам̣ саччхикатам̣, наттхи тасса кан̇кха̄ти? на хевам̣ ваттаббе…пе….

321. аттхи арахато кан̇кха̄ти? а̄манта̄. нану вуттам̣ бхагавата̄ – ‘‘джа̄натохам̣, бхиккхаве, пассато а̄сава̄нам̣ кхайам̣ вада̄ми, но аджа̄нато но апассато! кин̃ча, бхиккхаве, джа̄нато ким̣ пассато а̄сава̄нам̣ кхайо хоти? ‘ити рӯпам̣’…пе… ‘ити вин̃н̃а̄н̣асса аттхан̇гамо’ти – евам̣ кхо, бхиккхаве, джа̄нато евам̣ пассато а̄сава̄нам̣ кхайо хотӣ’’ти. аттхева суттантоти? а̄манта̄. тена хи на ваттаббам̣ – ‘‘аттхи арахато кан̇кха̄’’ти.

аттхи арахато кан̇кха̄ти? а̄манта̄. нану вуттам̣ бхагавата̄ – ‘‘джа̄натохам̣, бхиккхаве, пассато а̄сава̄нам̣ кхайам̣ вада̄ми, но аджа̄нато но апассато! кин̃ча, бхиккхаве, джа̄нато ким̣ пассато а̄сава̄нам̣ кхайо хоти? ‘идам̣ дуккха’нти, бхиккхаве…пе… ‘айам̣ дуккханиродхага̄минӣ пат̣ипада̄’ти джа̄нато пассато а̄сава̄нам̣ кхайо хоти. евам̣ кхо, бхиккхаве, джа̄нато евам̣ пассато а̄сава̄нам̣ кхайо хотӣ’’ти. аттхева суттантоти? а̄манта̄. тена хи на ваттаббам̣ – ‘‘аттхи арахато кан̇кха̄’’ти.

аттхи арахато кан̇кха̄ти? а̄манта̄. нану вуттам̣ бхагавата̄ – ‘‘саббам̣, бхиккхаве, анабхиджа̄нам̣ апариджа̄нам̣ авира̄джайам̣ аппаджахам̣ абхаббо дуккхаккхайа̄йа; саббан̃ча кхо, бхиккхаве, абхиджа̄нам̣ париджа̄нам̣ вира̄джайам̣ паджахам̣ бхаббо дуккхаккхайа̄йа̄’’ти! аттхева суттантоти? а̄манта̄. тена хи на ваттаббам̣ – ‘‘аттхи арахато кан̇кха̄’’ти.

аттхи арахато кан̇кха̄ти? а̄манта̄. нану вуттам̣ бхагавата̄ – ‘‘саха̄васса дассанасампада̄йа …пе… чхачча̄бхит̣ха̄на̄ни абхабба ка̄ту’’нти. аттхева суттантоти? а̄манта̄. тена хи на ваттаббам̣ – ‘‘аттхи арахато кан̇кха̄’’ти.

аттхи арахато кан̇кха̄ти? а̄манта̄. нану вуттам̣ бхагавата̄ – ‘‘йасмим̣, бхиккхаве, самайе арийаса̄вакасса вираджам̣ вӣтамалам̣ дхаммачаккхум̣ удапа̄ди – ‘йам̣ кин̃чи самудайадхаммам̣ саббам̣ там̣ ниродхадхамма’нти, саха дассануппа̄да̄, бхиккхаве, арийаса̄вакасса тӣн̣и сам̣йоджана̄ни пахӣйанти – сакка̄йадит̣т̣хи, вичикиччха̄, сӣлаббатапара̄ма̄со’’ти! аттхева суттантоти? а̄манта̄. тена хи на ваттаббам̣ – ‘‘аттхи арахато кан̇кха̄’’ти.

аттхи арахато кан̇кха̄ти? а̄манта̄. нану вуттам̣ бхагавата̄ –

‘‘йада̄ хаве па̄тубхаванти дхамма̄,

а̄та̄пино джха̄йато бра̄хман̣асса;

атхасса кан̇кха̄ вапайанти сабба̄,

йато паджа̄на̄ти сахетудхамманти.

‘‘йада̄ хаве па̄тубхаванти дхамма̄,

а̄та̄пино джха̄йато бра̄хман̣асса;

атхасса кан̇кха̄ вапайанти сабба̄,

йато кхайам̣ паччайа̄нам̣ аведӣти.

‘‘йада̄ хаве па̄тубхаванти дхамма̄,

а̄та̄пино джха̄йато бра̄хман̣асса;

видхӯпайам̣ тит̣т̣хати ма̄расенам̣,

сӯрийова [сурийова (сӣ. сйа̄. кам̣. пӣ.)] обха̄сайаманталиккханти [маха̄ва. 3; уда̄. 3].

‘‘йа̄ ка̄чи кан̇кха̄ идха ва̄ хурам̣ ва̄,

сакаведийа̄ ва̄ параведийа̄ ва̄;

джха̄йино [йе джха̄йино (уда̄не)] та̄ паджаханти сабба̄,

а̄та̄пино брахмачарийам̣ чаранта̄ти [уда̄. 47 уда̄непи].

‘‘йе кан̇кха̄саматикканта̄, кан̇кха̄бхӯтесу па̄н̣ису;

асам̣сайа̄ висам̣йутта̄, тесу диннам̣ махаппхаланти.

‘‘ета̄дисӣ дхаммапака̄санеттха,

на таттха ким̣ кан̇кхати кочи са̄вако;

ниттхин̣н̣аогхам̣ [нитин̣н̣аогхам̣ (сӣ. ка.), ниттин̣н̣аогхам̣ (сйа̄. кам̣.)] вичикиччхачхиннам̣,

буддхам̣ намасса̄ма джинам̣ джанинда̄’’ти [дӣ. ни. 2.354].

аттхева суттантоти? а̄манта̄. тена хи на ваттаббам̣ – ‘‘аттхи арахато кан̇кха̄’’ти.

на ваттаббам̣ – ‘‘аттхи арахато кан̇кха̄’’ти? а̄манта̄. нану араха̄ иттхипуриса̄нам̣ на̄маготте кан̇кхеййа, магга̄магге кан̇кхеййа, тин̣акат̣т̣хаванаппатӣнам̣ на̄ме кан̇кхеййа̄’’ти? а̄манта̄. хан̃чи араха̄ иттхипуриса̄нам̣ на̄маготте кан̇кхеййа, магга̄магге кан̇кхеййа, тин̣акат̣т̣хаванаппатӣнам̣ на̄ме кан̇кхеййа; тена вата ре ваттаббе – ‘‘аттхи арахато кан̇кха̄’’ти.

араха̄ иттхипуриса̄нам̣ на̄маготте кан̇кхеййа, магга̄магге кан̇кхеййа, тин̣акат̣т̣хаванаппатӣнам̣ на̄ме кан̇кхеййа̄ти, аттхи арахато кан̇кха̄ти? а̄манта̄. араха̄ сота̄паттипхале ва̄ сакада̄га̄мипхале ва̄ ана̄га̄мипхале ва̄ арахатте ва̄ кан̇кхеййа̄ти? на хевам̣ ваттаббе…пе….

кан̇кха̄катха̄ нит̣т̣хита̄.

2. дутийавагго

(13) 4. паравита̄ран̣акатха̄

322. аттхи арахато паравита̄ран̣а̄ти? а̄манта̄. араха̄ паранеййо парапаттийо парапаччайо парапат̣ибаддхабхӯ, на джа̄на̄ти на пассати саммӯл̣хо асампаджа̄ноти? на хевам̣ ваттаббе…пе….

нану араха̄ на паранеййо на парапаттийо на парапаччайо на парапат̣ибаддхабхӯ джа̄на̄ти пассати асаммӯл̣хо сампаджа̄ноти? а̄манта̄. хан̃чи араха̄ на паранеййо на парапаттийо на парапаччайо на парапат̣ибаддхабхӯ, джа̄на̄ти пассати асаммӯл̣хо сампаджа̄но, но ча вата ре ваттаббе – ‘‘аттхи арахато паравита̄ран̣а̄’’ти.

аттхи путхуджджанасса паравита̄ран̣а̄, со ча паранеййо парапаттийо парапаччайо парапат̣ибаддхабхӯ, на джа̄на̄ти на пассати саммӯл̣хо асампаджа̄ноти? а̄манта̄. аттхи арахато паравита̄ран̣а̄, со ча паранеййо парапаттийо парапаччайо парапат̣ибаддхабхӯ, на джа̄на̄ти на пассати саммӯл̣хо асампаджа̄ноти? на хевам̣ ваттаббе…пе….

аттхи арахато паравита̄ран̣а̄, со ча на паранеййо на парапаттийо на парапаччайо на парапат̣ибаддхабхӯ, джа̄на̄ти пассати асаммӯл̣хо сампаджа̄ноти? а̄манта̄. аттхи путхуджджанасса паравита̄ран̣а̄, со ча на паранеййо на парапаттийо на парапаччайо на парапат̣ибаддхабхӯ, джа̄на̄ти пассати асаммӯл̣хо сампаджа̄ноти? на хевам̣ ваттаббе…пе….

аттхи арахато паравита̄ран̣а̄ти? а̄манта̄. аттхи арахато саттхари паравита̄ран̣а̄, дхамме паравита̄ран̣а̄, сан̇гхе паравита̄ран̣а̄, сиккха̄йа паравита̄ран̣а̄, пуббанте паравита̄ран̣а̄, апаранте паравита̄ран̣а̄, пуббанта̄паранте паравита̄ран̣а̄, идаппаччайата̄пат̣иччасамуппаннесу дхаммесу паравита̄ран̣а̄ти? на хевам̣ ваттаббе…пе….

наттхи арахато саттхари паравита̄ран̣а̄, дхамме паравита̄ран̣а̄…пе… идапаччайата̄пат̣иччасамуппаннесу дхаммесу паравита̄ран̣а̄ти? а̄манта̄. хан̃чи наттхи арахато саттхари паравита̄ран̣а̄, дхамме паравита̄ран̣а̄…пе… идаппаччайата̄пат̣иччасамуппаннесу дхаммесу паравита̄ран̣а̄, но ча вата ре ваттаббе – ‘‘аттхи арахато паравита̄ран̣а̄’’ти.

аттхи путхуджджанасса паравита̄ран̣а̄, аттхи тасса саттхари паравита̄ран̣а̄, дхамме паравита̄ран̣а̄…пе… идаппаччайата̄пат̣иччасамуппаннесу дхаммесу паравита̄ран̣а̄ти? а̄манта̄. аттхи арахато паравита̄ран̣а̄, аттхи тасса саттхари паравита̄ран̣а̄, дхамме паравита̄ран̣а̄…пе… идаппаччайата̄пат̣иччасамуппаннесу дхаммесу паравита̄ран̣а̄ти? на хевам̣ ваттаббе…пе….

аттхи арахато паравита̄ран̣а̄, наттхи тасса саттхари паравита̄ран̣а̄, дхамме паравита̄ран̣а̄…пе… идаппаччайата̄пат̣иччасамуппаннесу дхаммесу паравита̄ран̣а̄ти? а̄манта̄. аттхи путхуджджанасса паравита̄ран̣а̄, наттхи тасса саттхари паравита̄ран̣а̄, дхамме паравита̄ран̣а̄…пе… идаппаччайата̄пат̣иччасамуппаннесу дхаммесу паравита̄ран̣а̄ти? на хевам̣ ваттаббе…пе….

323. аттхи арахато паравита̄ран̣а̄ти? а̄манта̄. нану арахато ра̄го пахӣно уччхиннамӯло та̄ла̄ваттхукато анабха̄ван̇като а̄йатим̣ ануппа̄дадхаммоти? а̄манта̄. хан̃чи арахато ра̄го пахӣно уччхиннамӯло та̄ла̄ваттхукато анабха̄ван̇като а̄йатим̣ ануппа̄дадхаммо, но ча вата ре ваттаббе – ‘‘аттхи арахато паравита̄ран̣а̄’’ти.