8. махим̣сакарат̣т̣хасса̄санавам̣сакатха̄магго

8. ида̄ни йатха̄вуттама̄тика̄васена махим̣сакарат̣т̣хаса̄санавам̣сакатха̄маггам̣ ваттум̣ ока̄со ануппатто, тасма̄ там̣ ваккха̄ми.

татийасан̇гӣта̄васа̄не хи маха̄моггалипуттатиссаттхеро маха̄реваттхерам̣ махим̣сакаман̣д̣алам̣ песеси,- твам̣ етам̣ рат̣т̣хам̣ гантва̄ еттха са̄санам̣ патит̣т̣ха̄пехӣти.

соча аттапан̃чамо хутва̄ махим̣сакаман̣д̣алам̣ агама̄си паччантимесу джанападесу пан̃чавагго ган̣о алам̣ упасампадакамма̄йа̄ти ман̃н̃ама̄но. тхеро махим̣сакаман̣д̣алам̣ гантва̄ девадӯтасуттам̣ катхеси. суттапарийоса̄не чатта̄лӣсапа̄н̣асахасса̄ни дхаммачаккхум̣ ппат̣илабхим̣су. чатта̄лӣсам̣йева па̄н̣асахасса̄ни паббаджим̣су.

гантва̄на рат̣т̣хам̣ махим̣сам̣, маха̄рево махиддхико;

чодетва̄ девадӯтехи, мочеси бандхана̄ бахӯти.

адхуна̄ пана таттха са̄санасса аббхехивийа пат̣иччханнасса сӯрийасса ока̄со дуббало хутва̄ пан̃н̃а̄йати.

ити са̄санавам̣се махим̣сакарат̣т̣хаса̄санавам̣сакатха̄магго

на̄ма ат̣т̣хамо париччхедо.