7. сан̇гхатедакаккхандхака

пуччха̄ – катхам̣ а̄вусо чханнам̣ сакйакума̄ра̄нам̣ саха упа̄ликаппакена паббаджджа̄ ахоси, катхан̃ча несам̣ висесо удапа̄ди.

виссаджджана̄ – бхагава̄ бханте упа̄лим̣ каппакам̣ пат̣хамам̣ пабба̄джеси, паччха̄ те сакйакума̄ре, атха бханте а̄йасма̄ бхаддийо тенева антаравассена тиссо виджджа̄ саччха̄ка̄си, а̄йасма̄ ануруддхо диббачаккхум̣ уппа̄деси, а̄йасма̄ а̄нандо сота̄паттипхалам̣ саччха̄ка̄си, девадатто потхуджджаникам̣ иддхим̣ абхиниппха̄деси. евам̣ кхо бханте чханнам̣ сакйакума̄ра̄нам̣ упа̄ликаппакена саха паббаджджа̄ ахоси, еван̃ча пана бханте тесам̣ висеса̄дхигамо ахоси.

пака̄санӣйа

пуччха̄ – пака̄санӣйакаммам̣ а̄вусо ка̄тум̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – ра̄джагахе бханте девадаттам̣ а̄раббха пан̃н̃аттам̣, девадатто бханте ‘‘сара̄джика̄йа мам̣ бхагава̄ париса̄йа кхел̣а̄сакава̄дена апаса̄дети, са̄рипуттамоггалла̄нева уккам̣сатӣ’’ти купито анаттамано бхагавати а̄гха̄там̣ бандхи, тасмим̣ бханте ваттхусмим̣ пан̃н̃аттам̣.

пака̄санӣйа

пуччха̄ – девадаттасса а̄вусо пака̄санӣйакаммам̣ ка̄ра̄петва̄ катхам̣ бхагава̄ пака̄сетум̣ а̄н̣а̄песи.

виссаджджана̄ – бхагава̄ бханте девадаттасса пака̄санӣйакаммам̣ ка̄тум̣ пан̃н̃апетва̄ а̄йасмантам̣ са̄рипуттам̣ а̄мантеси ‘‘тена хи твам̣ са̄рипутта девадаттам̣ ра̄джагахе пака̄сехӣ’’ти, евам̣ кхо бханте девадаттасса пака̄санӣйакаммам̣ катва̄ девадаттам̣ ра̄джагахе пака̄сетум̣ бхагава̄ а̄н̣а̄песи.

девадатта

пуччха̄ – катхам̣ а̄вусо девадаттена дут̣т̣хачиттена вадхакачиттена татха̄ гатасса рухирам̣ уппа̄детва̄ пат̣хамам̣ а̄нантарийам̣ каммам̣ упачитам̣.

виссаджджана̄ – бхагава̄ бханте гиджджхакӯт̣асса паббатасса чха̄йа̄йам̣ чан̇ками, атха бханте девадатто гиджджхакӯт̣ам̣ паббатам̣ а̄рухитва̄ махатим̣ силам̣ павиджджхи ‘‘има̄йа саман̣ам̣ готамам̣ джӣвита̄ воропесса̄мӣ’’ти, атха кхо бханте две паббатакӯт̣а̄ни сама̄гантва̄ там̣ силам̣ сампат̣иччхим̣су, тато папатика̄ уппатитва̄ бхагавато па̄де рухирам̣ уппа̄деси. евам̣ кхо бханте девадаттена дут̣т̣хена вадхакачиттена татха̄гатасса рухирам̣ уппа̄детва̄ пат̣хамам̣ а̄нантарийакаммам̣ упачитам̣.

пуччха̄ – кулесу а̄вусо тикабходжанам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – ра̄джагахе бханте девадаттам̣ а̄раббха пан̃н̃аттам̣, девадатто бханте парихӣнала̄бхасакка̄ро сапарисо кулесу вин̃н̃а̄петва̄ вин̃н̃а̄петва̄ бхун̃джи, тасмим̣ бханте ваттхусмим̣ пан̃н̃аттам̣.

пуччха̄ – алам̣ девадатта, ма̄ те руччи сан̇гхабхедо, гаруко кхо девадатта сан̇гхабхедотиа̄дико а̄вусо ова̄до бхагавата̄ каттха динно, кисмим̣ ваттхусмим̣ динно.

виссаджджана̄ – ра̄джагахе бханте девадаттам̣ а̄раббха динно, девадатто бханте сан̇гхабхеда̄йа паракками чаккабхеда̄йа, тасмим̣ бханте ваттхусмим̣ динно.

алам̣ девадатта, ма̄ те руччи сан̇гхабхедо, гаруко кхо девадатта сан̇гхабхедо –

пуччха̄ – ‘‘сукарам̣ са̄дхуна̄ са̄дхум̣, са̄дхум̣ па̄пена дуккарам̣. па̄пам̣ па̄пена сукарам̣, па̄памарийехи дуккара’’нти- а̄вусо идам̣ уда̄нам̣ бхагавата̄ каттха уда̄нитам̣, кам̣ а̄раббха кисмим̣ ваттхусмим̣ уда̄нитам̣.

виссаджджана̄ – ра̄джагахе бханте девадаттам̣йева а̄раббха уда̄нитам̣, а̄йасма̄ бханте а̄нандо пуббан̣хасамайам̣ нива̄сетва̄ паттачӣварама̄да̄йа ра̄джагахам̣ пин̣д̣а̄йа па̄виси, атха кхо бханте девадатто йена̄йасма̄ а̄нандо тенупасан̇ками, упасан̇камитва̄ а̄йасмантам̣ а̄нандам̣ етадавоча ‘‘аджджатагге да̄на̄хам̣ а̄вусо а̄нанда ан̃н̃атрева бхагавата̄ ан̃н̃атрева бхиккхусан̇гха̄ упосатхам̣ карисса̄ми сан̇гхакаммам̣ карисса̄мӣ’’ти, тасмим̣ бханте ваттхусмим̣ уда̄нитам̣.

сукарам̣ са̄дхуна̄ са̄дхум̣, са̄дхум̣ па̄пена дуккарам̣;

па̄пам̣ па̄пена сукарам̣, па̄памарийехи дуккарам̣.

пуччха̄ – бхеда̄нуваттака̄нам̣ а̄вусо бхиккхӯнам̣ тхуллаччайам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – ра̄джагахе бханте самбахуле бхиккхӯ а̄раббха пан̃н̃аттам̣, а̄йасма̄ бханте са̄рипутто бхагавантам̣ упасан̇камитва̄ етадавоча ‘‘са̄дху бханте бхеда̄нуваттака̄ бхиккхӯ пуна упасампаджджеййу’’нти, тасмим̣ бханте ваттхусмим̣ пан̃н̃аттам̣.

‘‘са̄дху бханте бхеда̄нуваттака̄ бхиккхӯ пуна упасампаджджеййу’’нти –

пуччха̄ – китта̄вата̄ ну кхо а̄вусо сан̇гхара̄джи хоти но ча сан̇гхабхедо, китта̄вата̄ ча пана сан̇гхара̄джи чева хоти сан̇гхабхедо ча.

виссаджджана̄ – екато бханте еко хоти, екато две чатуттхо анусса̄вети, сала̄кам̣ га̄хети ‘‘айам̣ дхаммо айам̣ винайо идам̣ саттхуса̄санам̣ имам̣ ган̣хатха имам̣ рочетха̄ти’’, етенева бханте найена чатуннам̣ ва̄ пан̃чаннам̣ ва̄ чханнам̣ ва̄ саттаннам̣ ва̄ ат̣т̣ханнам̣ ва̄ сан̇гхара̄джи хоти, но ча сан̇гхабхедо, екато бханте чатта̄ро хонти, екато чатта̄ро, навамо анусса̄вети, сала̄кам̣ га̄хети ‘‘айам̣ дхаммо айам̣ винайо идам̣ саттхуса̄санам̣ имам̣ ган̣хатха имам̣ рочетха̄’’ти, евам̣ кхо бханте сан̇гхара̄джи чева хоти сан̇гхабхедо ча. евам̣ кхо бханте сан̇гхара̄джи хоти, но ча сан̇гхабхедо, еван̃ча пана бханте сан̇гхара̄джи чева хоти сан̇гхабхедо ча.

пуччха̄ – китта̄вата̄ ну кхо а̄вусо сан̇гхо бхинно хоти.

виссаджджана̄ – идха бханте бхиккхӯ адхамма̄дим̣ дхамма̄дӣнӣти дӣпенти, те имехи ат̣т̣ха̄расахи ваттхӯхи апакассанти, авапакассанти, а̄веним̣ упосатхам̣ каронти, а̄веним̣ пава̄ран̣ам̣ каронти, а̄веним̣ сан̇гхакаммам̣ каронти, евам̣ кхо бханте сан̇гхо бхинно хоти.

пуччха̄ – китта̄вата̄ ну кхо а̄вусо сан̇гхо самагго хоти.

виссаджджана̄ – идха бханте бхиккхӯ адхаммам̣ адхаммоти дӣпенти, дхаммам̣ дхаммоти дӣпенти, авинайам̣ авинайоти дӣпенти…пе… дут̣т̣хуллам̣ а̄паттим̣ дут̣т̣хулла̄ а̄паттӣти дӣпенти, адут̣т̣хуллам̣ а̄паттим̣ адут̣т̣хулла̄ а̄паттӣти дӣпенти, те имехи ат̣т̣ха̄расахи ваттхӯхи на апакассанти, на авапакассанти, на а̄веним̣ упосатхам̣ каронти, на а̄веним̣ пава̄ран̣ам̣ каронти, на а̄веним̣ сан̇гхакаммам̣ каронти, етта̄вата̄ кхо бханте сан̇гхо самагго хоти.

пуччха̄ – самаггам̣ а̄вусо сан̇гхам̣ бхиндитва̄ ким̣ со пасавати.

виссаджджана̄ – самаггам̣ кхо бханте сан̇гхам̣ бхиндитва̄ каппат̣т̣хитикам̣ киббисам̣ пасавати, каппам̣ нирайамхи паччати.

пуччха̄ – бхиннам̣ кхо а̄вусо сан̇гхам̣ самаггам̣ катва̄ ким̣ со пасавати.

виссаджджана̄ – бхиннам̣ кхо бханте сан̇гхам̣ самаггам̣ катва̄ брахмам̣ пун̃н̃ам̣ пасавати, каппам̣ саггамхи модати.

пуччха̄ – сан̇гхабхедам̣ пуччхиссам̣, санида̄нам̣ саниддесам̣. самуккат̣т̣хапада̄нам̣ а̄вусо кати а̄паттийо.

виссаджджана̄ – сан̇гхабхедам̣ виссаджджиссам̣, санида̄нам̣ саниддесам̣. самуккат̣т̣хапада̄нам̣ бханте две а̄паттийо.