8. ваттаккхандхака

пуччха̄ – а̄гантука̄нам̣ а̄вусо бхиккхӯнам̣ ваттам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте самбахуле а̄гантуке бхиккхӯ а̄раббха пан̃н̃аттам̣, а̄гантука̄ бханте бхиккхӯ саупа̄хана̄пи а̄ра̄мам̣ пависим̣су, чхаттапаггахита̄пи а̄ра̄мам̣ пависим̣су, огун̣т̣хита̄пи а̄ра̄мам̣ пависим̣су, сӣсепи чӣварам̣ каритва̄ а̄ра̄мам̣ пависим̣су, па̄нӣйенапи па̄де довим̣су, вуд̣д̣хатарепи а̄ва̄сике бхиккхӯ на̄бхива̄десум̣, напи сена̄санам̣ пуччхим̣су, тасмим̣ бханте ваттхусмим̣ ‘‘тена хи бхиккхаве а̄гантука̄нам̣ бхиккхӯнам̣ ваттам̣ пан̃н̃апесса̄ми, йатха̄ а̄гантукехи бхиккхӯхи самма̄ ваттитаббам̣, а̄гантукена бхиккхаве бхиккхуна̄ ида̄ни а̄ра̄мам̣ пависисса̄мӣти упа̄хана̄ омун̃читва̄ нӣчам̣ катва̄ паппхот̣етва̄ гахетва̄ чхаттам̣ апана̄метва̄ сӣсам̣ виваритва̄ сӣсе чӣварам̣ кхандхе катва̄ са̄дхукам̣ атарама̄нена а̄ра̄мо пависитаббо’’ евама̄дина̄ бханте а̄гантука̄нам̣ бхиккхӯнам̣ ваттам̣ пан̃н̃аттам̣.

пуччха̄ – а̄ва̄сика̄нам̣ а̄вусо бхиккхӯнам̣ ваттам̣ бхагавата̄ каттха кам̣ а̄раббха кисмим̣ ваттхусмим̣ пан̃н̃аттам̣, катхан̃ча пана пан̃н̃аттам̣.

виссаджджана̄ – са̄ваттхийам̣ бханте самбахуле а̄ва̄сике бхиккхӯ а̄раббха пан̃н̃аттам̣, самбахула̄ бханте а̄ва̄сика̄ бхиккхӯ а̄гантуке бхиккхӯ дисва̄ нева а̄санам̣ пан̃н̃апесум̣, на па̄додакам̣ па̄дапӣт̣хам̣ па̄дакатхаликам̣ упаниккхипим̣су, на паччуггантва̄ паттачӣварам̣ пат̣иггахесум̣, на сена̄санам̣ пан̃н̃апесум̣, тасмим̣ бханте ваттхусмим̣ пан̃н̃аттам̣, тасмим̣ бханте ваттхусмим̣ –

‘‘а̄ва̄сикена бхиккхаве бхиккхуна̄ а̄гантукам̣ бхиккхум̣ вуд̣д̣хатарам̣ дисва̄ а̄санам̣ пан̃н̃апетаббам̣, па̄додакам̣ па̄дапӣт̣хам̣ па̄дакатхаликам̣ упаниккхипитаббам̣, паччуггантва̄ паттачӣварам̣ пат̣иггахетаббам̣ па̄нӣйена пуччхитаббо’’ евама̄дина̄ бханте а̄ва̄сика̄нам̣ бхиккхӯнам̣ ваттам̣ бхагавата̄ пан̃н̃аттам̣.

пуччха̄ – гамика̄нам̣ а̄вусо бхиккхӯнам̣ ваттам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣, катхан̃чапана пан̃н̃аттам̣.

виссаджджана̄ – са̄ваттхийам̣ бханте самбахуле гамике бхиккхӯ а̄раббха пан̃н̃аттам̣, самбахула̄ бханте гамика̄ бхиккхӯ да̄рубхан̣д̣ам̣ маттика̄бхан̣д̣ам̣ аппат̣иса̄метва̄ два̄рава̄тапа̄нам̣ виваритва̄ сена̄санам̣ ана̄пуччха̄ паккамим̣су, тасмим̣ бханте ваттхусмим̣ ‘‘гамикена бхиккхаве бхиккхуна̄ да̄рубхан̣д̣ам̣ пат̣иса̄метва̄ два̄рава̄тапа̄нам̣ тхакетва̄ сена̄санам̣ а̄пуччха̄ паккамитаббам̣’’ евама̄дина̄ бханте а̄ка̄рена бхагавата̄ гамика̄нам̣ бхиккхӯнам̣ ваттам̣ пан̃н̃аттам̣.

пуччха̄ – бхаттагге а̄вусо анумодитум̣ бхагавата̄ каттха анун̃н̃а̄там̣, кам̣ а̄раббха кисмим̣ ваттхусмим̣ анун̃н̃а̄там̣.

виссаджджана̄ – са̄ваттхийам̣ бханте самбахуле бхиккхӯ а̄раббха анун̃н̃а̄там̣, самбахула̄ бханте бхиккхӯ бхаттагге на̄нумодим̣су, тасмим̣ бханте ваттхусмим̣ анун̃н̃а̄там̣.

пуччха̄ – бхиккхӯнам̣ а̄вусо бхаттаггаваттам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ дунниваттха̄ дуппа̄рута̄ ана̄каппасампанна̄ бхаттаггам̣ гаччхим̣су, тасмим̣ бханте ваттхусмим̣ ‘‘саче а̄ра̄ме ка̄ло а̄рочито хоти, тиман̣д̣алам̣ пат̣иччха̄дентена париман̣д̣алам̣ нива̄сетва̄ ка̄йабандханам̣ бандхитва̄ сагун̣ам̣ катва̄ сан̇гха̄т̣ийо па̄рупитва̄ ган̣т̣хикам̣ пат̣имун̃читва̄ дховитва̄ паттам̣ гахетва̄ са̄дхукам̣ атарама̄нена га̄мо пависитаббо’’ти евама̄дина̄ бханте бхаттаггаваттам̣ пан̃н̃аттам̣.

пуччха̄ – бхиккхӯнам̣ а̄вусо сена̄санаваттам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣, катхан̃ча там̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ бхиккхӯсу аджджхока̄се чӣварам̣ каронтесу пат̣ива̄те ан̇ган̣е сена̄санам̣ паппхот̣есум̣, тасмим̣ бханте ваттхусмим̣ ‘‘йасмим̣ виха̄ре вихарати, саче со виха̄ро укла̄по хоти, саче уссахати содхетаббо’’ти евама̄дина̄ бханте бхиккхӯнам̣ сена̄санаваттам̣ бхагавата̄ пан̃н̃аттам̣.

пуччха̄ – сама̄ча̄рам̣ пуччхиссам̣, санида̄нам̣ саниддесам̣. самуккат̣т̣хапада̄нам̣ а̄вусо кати а̄паттийо.

виссаджджана̄ – сама̄ча̄рам̣ виссаджджиссам̣, санида̄нам̣ саниддесам̣. самуккат̣т̣хапада̄нам̣ бханте ека̄ а̄патти.