3. вассупана̄йикаккхандхака

пуччха̄ – вассӯпана̄йикам̣ а̄вусо бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – ра̄джагахе бханте самбахула̄ бхиккхӯ а̄раббха пан̃н̃аттам̣, самбахула̄ бханте бхиккхӯ хемантампи гимхампи вассампи ча̄рикам̣ чарим̣су, тасмим̣ бханте ваттхусмим̣ пан̃н̃аттам̣.

пуччха̄ – катипана̄вусо вассӯпана̄йика̄ бхагавата̄ анун̃н̃а̄та̄.

виссаджджана̄ – двема̄ бханте вассӯпана̄йика̄ бхагавата̄ анун̃н̃а̄та̄ пуримика̄ паччхимика̄, апараджджугата̄йа бханте а̄сал̣хийа̄ пуримика̄ упагантабба̄, ма̄сагата̄йа бханте а̄сал̣хийа̄ паччхимика̄ упагантабба̄, има̄ кхо бханте две вассӯпана̄йика̄ бхагавата̄ анун̃н̃а̄та̄.

пуччха̄ – вассам̣ а̄вусо упагантва̄ пуримам̣ ва̄ тема̄сам̣ паччхимам̣ ва̄ тема̄сам̣ аваситва̄ ча̄рикам̣ паккамантасса дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – ра̄джагахе бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ вассам̣ упагантва̄ антара̄ вассам̣ ча̄рикам̣ паккамим̣су, тасмим̣ бханте ваттхусмим̣ пан̃н̃аттам̣.

пуччха̄ – сатта̄ха каран̣ӣйена а̄вусо пахите гантум̣ бхагавата̄ каттха анун̃н̃а̄там̣, кам̣ а̄раббха кисмим̣ ваттхусмим̣ анун̃н̃а̄там̣.

виссаджджана̄ – са̄ваттхийам̣ бханте самбахуле бхиккхӯ а̄раббха анун̃н̃а̄там̣, самбахула̄ бханте бхиккхӯ уденена упа̄сакена пахите на гаччхим̣су, тасмим̣ бханте ваттхусмим̣ анун̃н̃а̄там̣.

пуччха̄ – сатта̄хакаран̣ӣйена а̄вусо саттаннам̣ апахитепи гантум̣ бхагавата̄ каттха анун̃н̃а̄там̣, кам̣ а̄раббха кисмим̣ ваттхусмим̣ анун̃н̃а̄там̣.

виссаджджана̄ – са̄ваттхийам̣ бханте ан̃н̃атарасса бхиккхуно ма̄тугила̄на ваттхусмим̣ анун̃н̃а̄там̣.

ануджа̄на̄ми бхиккхаве саттаннам̣ сатта̄хакаран̣ӣйена апахитепи гантум̣, пагева пахите.

пуччха̄ – кисмим̣чи а̄вусо антара̄йе сати антовассам̣ паккамитум̣ бхагавата̄ каттха анун̃н̃а̄там̣, кам̣ а̄раббха кисмим̣ ваттхусмим̣ анун̃н̃а̄там̣.

виссаджджана̄ – са̄ваттхийам̣ бханте самбахуле бхиккхӯ а̄раббха анун̃н̃а̄там̣, самбахула̄ бханте бхиккхӯ косалесу джанападесу вассам̣ упагаччхим̣су, те вассӯпагата̄ ва̄л̣ехи убба̄л̣ха̄ ахесум̣, тасмим̣ бханте ваттхусмим̣ анун̃н̃а̄там̣.

пуччха̄ – руккха сусире ва̄ а̄вусо руккхавит̣абхийа̄ ва̄ аджджхока̄се ва̄ вассам̣ упагаччхантасса дуккат̣ам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте самбахуле бхиккхӯ а̄раббха пан̃н̃аттам̣, самбахула̄ бханте бхиккхӯ руккхасусирепи руккхавит̣абхийа̄пи аджджхока̄сепи вассам̣ упагаччхим̣су, тасмим̣ бханте ваттхусмим̣ пан̃н̃аттам̣.

пуччха̄ – асена̄саникена а̄вусо вассам̣ упагаччхантасса дуккат̣ам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – тасмим̣йева бханте са̄ваттхийам̣ самбахуле бхиккхӯ а̄раббха пан̃н̃аттам̣, самбахула̄ бханте бхиккхӯ асена̄саника̄ вассам̣ упагаччхим̣су, тасмим̣ бханте ваттхусмим̣ пан̃н̃аттам̣.

пуччха̄ – чхавакут̣ика̄йа ва̄ а̄вусо чхатте ва̄ ча̄т̣ийа̄ ва̄ вассам̣ упагаччхантасса дуккат̣ам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣йева бханте самбахуле бхиккхӯ а̄раббха пан̃н̃аттам̣, самбахула̄ бханте бхиккхӯ чхавакут̣ика̄йапи чхаттепи ча̄т̣ийа̄пи вассам̣ упагаччхим̣су, тасмим̣ бханте ваттхусмим̣ пан̃н̃аттам̣.

пуччха̄ – пат̣иссавам̣ а̄вусо висам̣ ва̄дентасса дуккат̣ам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте а̄йасмантам̣ упанандам̣ сакйапуттам̣ а̄раббха пан̃н̃аттам̣, а̄йасма̄ бханте упанандо сакйапутто ран̃н̃о пасенадисса косаласса вассам̣ ва̄сам̣ пат̣иссун̣итва̄ висам̣ва̄деси, тасмим̣ бханте ваттхусмим̣ пан̃н̃аттам̣.

пуччха̄ – вассӯпана̄йикам̣ пуччхиссам̣, санида̄нам̣ саниддесам̣. самуккат̣т̣хапада̄нам̣ а̄вусо кати а̄паттийо.

виссаджджана̄ – вассӯпана̄йикам̣ виссаджджиссам̣, санида̄нам̣ саниддесам̣. самуккат̣т̣хапада̄нам̣ бханте ека̄ а̄патти.