8. чӣвараккхандхака

джӣвакаваттху

пуччха̄ – гахапатичӣварам̣ а̄вусо са̄дийитум̣ бхагавата̄ каттха анун̃н̃а̄там̣, кам̣ а̄раббха кисмим̣ ваттхусмим̣ анун̃н̃а̄там̣.

виссаджджана̄ – ра̄джагахе бханте джӣвакам̣ кома̄рабхаччам̣ а̄раббха анун̃н̃а̄там̣, джӣвако бханте кома̄рабхаччо бхиккхӯнам̣ гахапатичӣварам̣ ануджа̄нитум̣ бхагавантам̣ йа̄чи, тасмим̣ бханте ваттхусмим̣ анун̃н̃а̄там̣.

пуччха̄ – чха а̄вусо раджана̄ни бхагавата̄ каттха анун̃н̃а̄та̄ни, кисмим̣ ваттхусмим̣ анун̃н̃а̄та̄ни.

виссаджджана̄ – ра̄джагахе бханте самбахуле бхиккхӯ а̄раббха анун̃н̃а̄та̄ни, самбахула̄ бханте бхиккхӯ чхакан̣енапи пан̣д̣уматтика̄йапи чӣварам̣ раджим̣су, чӣварам̣ дуббан̣н̣ам̣ хоти, тасмим̣ бханте ваттхусмим̣ анун̃н̃а̄та̄ни.

пуччха̄ – аччхиннака̄ни а̄вусо чӣвара̄ни дха̄рентасса дуккат̣ам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – ра̄джагахе бханте самбахуле бхиккхӯ а̄раббха пан̃н̃аттам̣, самбахула̄ бханте бхиккхӯ аччхиннака̄ни чӣвара̄ни дха̄ресум̣ дантакаса̄ва̄ни, тасмим̣ бханте ваттхусмим̣ пан̃н̃аттам̣.

пуччха̄ – када̄ а̄вусо бхагава̄ анун̃н̃а̄си чхиннакам̣ сан̇гха̄т̣им̣ чхиннакам̣ уттара̄сан̇гам̣ чхиннакам̣ антарава̄сакам̣.

виссаджджана̄ – даккхин̣а̄гирито бханте паччха̄гатака̄ле бхагава̄ анун̃н̃а̄си чхиннакам̣ сан̇гха̄т̣им̣ чхиннакам̣ уттара̄сан̇гам̣ чхиннакам̣ антарава̄сакам̣.

пуччха̄ – аггал̣ам̣ ча а̄вусо туннан̃ча оват̣т̣икан̃ча кан̣д̣усакан̃ча дал̣хӣкамман̃ча бхагавата̄ каттха анун̃н̃а̄там̣, кам̣ а̄раббха кисмим̣ ваттхусмим̣ анун̃н̃а̄там̣.

виссаджджана̄ – ба̄ра̄н̣асийам̣ бханте ан̃н̃атарам̣ бхиккхум̣ а̄раббха анун̃н̃а̄там̣, ан̃н̃атаро бханте бхиккху аггал̣ам̣ аччхупеси, тасмим̣ бханте ваттхусмим̣ анун̃н̃а̄там̣.

пуччха̄ – вассикаса̄т̣ика̄ ча а̄вусо а̄гантукабхаттан̃ча гамикабхаттан̃ча гила̄набхаттан̃ча гила̄нупат̣т̣ха̄кабхаттан̃ча гила̄набхесаджджан̃ча дхувайа̄гу ча бхиккхунисан̇гхасса удакаса̄т̣ика̄ча̄ти има̄ ат̣т̣ха бхагавата̄ каттха анун̃н̃а̄та̄, кам̣ а̄раббха кисмим̣ ваттхусмим̣ анун̃н̃а̄та̄.

виссаджджана̄ – са̄ваттхийам̣ бханте виса̄кхам̣ мига̄рама̄тарам̣ а̄раббха анун̃н̃а̄та̄, виса̄кха̄ бханте мига̄рама̄та̄ бхагавантам̣ ат̣т̣хавара̄ни йа̄чи, тасмим̣ бханте ваттхусмим̣ анун̃н̃а̄та̄.

пуччха̄ – бхагавата̄ а̄вусо ма̄та̄питӯнам̣ да̄нам̣ ануджа̄нитва̄ саддха̄деййам̣ винипа̄тентасса дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте ан̃н̃атарам̣ бхиккхум̣ а̄раббха пан̃н̃аттам̣, ан̃н̃атарасса бханте бхиккхуно бахум̣ чӣварам̣ уппаннам̣ ахоси, со ча там̣чӣварам̣ ма̄та̄питӯнам̣ да̄тука̄мо ахоси, тасмим̣ бханте ваттхусмим̣ пан̃н̃аттам̣.

ма̄та̄питароти кхо бхиккхаве дадама̄не ким̣ вадеййа̄ма, ануджа̄на̄ми бхиккхаве ма̄та̄питӯнам̣ да̄тум̣, на ча бхиккхаве саддха̄деййам̣ винипа̄тетаббам̣, йо винипа̄теййа а̄патти дуккат̣асса –

пуччха̄ – ан̃н̃атра вассам̣ вут̣т̣хена а̄вусо ан̃н̃атра чӣварабха̄гам̣ са̄дийантасса дуккат̣ам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте а̄йасмантам̣ упанандам̣ сакйапуттам̣ а̄раббха пан̃н̃аттам̣, а̄йасма̄ бханте упанандо сакйапутто ан̃н̃атра вассам̣ вут̣т̣хо ан̃н̃атра чӣварабха̄гам̣ са̄дийи, тасмим̣ бханте ваттхусмим̣ пан̃н̃аттам̣.

пуччха̄ – ана̄тхакам̣ а̄вусо бхиккхум̣ гила̄нам̣ на упат̣т̣хахантасса дуккат̣ам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте ан̃н̃атарам̣ бхиккхум̣ а̄раббха пан̃н̃аттам̣, бхагавати бханте са̄ваттхийам̣ вихарати ан̃н̃атарасса бхиккхуно куччхивика̄ра̄ба̄дхо ахоси, со саке муттакарӣсе палипанно сайи, тасмим̣ бханте ваттхусмим̣ пан̃н̃аттам̣.

пуччха̄ – наггийам̣ а̄вусо титтхийасама̄да̄нам̣ сама̄дийантасса тхуллаччайам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте ан̃н̃атарам̣ бхиккхум̣ а̄раббха пан̃н̃аттам̣, ан̃н̃атаро бханте бхиккху наггийам̣ титтхийасама̄да̄нам̣ сама̄дийи, тасмим̣ бханте ваттхусмим̣ пан̃н̃аттам̣.

пуччха̄ – саббанӣлака̄ни ва̄ а̄вусо чӣвара̄ни саббапӣтака̄ни ва̄ саббалохитака̄ни ва̄ саббаман̃джит̣т̣хака̄ни ва̄ саббакан̣ха̄нива̄ти еварӯпа̄ни чӣвара̄ни дха̄рентасса дуккат̣ам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ саббанӣлака̄дӣни чӣвара̄ни дха̄ресум̣, тасмим̣ бханте ваттхусмим̣ пан̃н̃аттам̣.

пуччха̄ – кан̃чукам̣ ва̄ а̄вусо вет̣ханам̣ ва̄ дха̄рентасса дуккат̣ам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийева бхиккхӯ а̄раббха пан̃н̃аттам̣, чхаббаггийа̄ бханте бхиккхӯ кан̃чукампи дха̄ресум̣ вет̣ханампи дха̄ресум̣, тасмим̣ бханте ваттхусмим̣ пан̃н̃аттам̣.

пуччха̄ – чӣварасан̃н̃уттам̣ пуччхиссам̣, санида̄нам̣ саниддесам̣. самуккат̣т̣хапада̄нам̣ а̄вусо кати а̄паттийо.

виссаджджана̄ – чӣварасан̃н̃уттам̣ виссаджджиссам̣, санида̄нам̣ саниддесам̣. самуккат̣т̣хапада̄нам̣ бханте тиссо а̄паттийо.