6. чампеййаккхандхака

пуччха̄ – суддхам̣ а̄вусо бхиккхум̣ ана̄паттикам̣ аваттхусмим̣ ака̄ран̣е уккхипантасса дуккат̣ам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – чампа̄йам̣ бханте самбахуле бхиккхӯ а̄раббха пан̃н̃аттам̣, бхагавати бханте чампа̄йам̣ вихарати самбахула̄ бхиккхӯ ка̄сӣсу ва̄сабхага̄ме суддхам̣ кассапаготтам̣ бхиккхум̣ ана̄паттикам̣ аваттхусмим̣ ака̄ран̣е уккхипим̣су, тасмим̣ бханте ваттхусмим̣ пан̃н̃аттам̣.

пуччха̄ – чампеййакам̣ пуччхиссам̣, санида̄нам̣ саниддесам̣. самуккат̣т̣хапада̄нам̣ а̄вусо кати а̄паттийо.

виссаджджана̄ – чампеййакам̣ виссаджджиссам̣, санида̄нам̣ саниддесам̣. самуккат̣т̣хапада̄нам̣ бханте ека̄ а̄патти.