авиджджа̄вагга

упад̣д̣хасутта

пуччха̄ – маха̄ваггасам̣йутте пана̄вусо пора̄н̣акехи дхаммасам̣га̄хакамаха̄тхерехи дутийам̣ сам̣гӣтам̣ упад̣д̣хасуттам̣ бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – саккесу бханте саккаре на̄ма сакйа̄нам̣ нигаме а̄йасмантам̣ а̄нандаттхерам̣ а̄раббха бха̄ситам̣. а̄йасма̄ бханте а̄нандаттхеро бхагавантам̣ етадавоча ‘‘упад̣д̣хамидам̣ бханте брахмачарийам̣ йадидам̣ калйа̄н̣амиттата̄ калйа̄н̣асаха̄йата̄ калйа̄н̣асампаван̇ката̄’’ти. тасмим̣ бханте ваттхусмим̣ ‘‘ма̄ хевам̣ а̄нанда, ма̄ хевам̣ а̄нанда, сакаламевидам̣ а̄нанда брахмачарийам̣ йадидам̣ калйа̄н̣амиттата̄ калйа̄н̣асаха̄йата̄ калйа̄н̣асампаван̇ката̄’’ти евама̄дина̄ бхагавата̄ бха̄ситам̣.

мамам̣ хи а̄нанда калйа̄н̣амиттам̣ а̄гамма джа̄тидхамма̄ сатта̄ джа̄тийа̄ паримуччанти.