дит̣т̣хисам̣йутта

соатта̄сутта

пуччха̄ – дит̣т̣хисам̣йутте пана̄вусо татийам̣ сам̣гӣтам̣ соатта̄ суттам̣ бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха ‘‘кисмим̣ ну кхо бхиккхаве сати ким̣ упа̄да̄йа ким̣ абхинивисса евам̣ дит̣т̣хи уппаджджати со атта̄ со локо со печча бхависса̄ми ниччо дхуво сассато авипарин̣а̄мадхаммо’’ти евама̄дина̄ бханте бхагавата̄ бха̄ситам̣.

наттхидиннасутта

пуччха̄ – таттхева а̄вусо пан̃чамам̣ наттхидиннасуттам̣ бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣йева бханте самбахуле бхиккхӯ а̄раббха ‘‘кисмим̣ ну кхо бхиккхаве сати ким̣ упа̄да̄йа ким̣ абхинивисса евам̣ дит̣т̣хи уппаджджати наттхи диннам̣, наттхи йит̣т̣хам̣, наттхи хутам̣, наттхи сукатадуккат̣а̄нам̣ камма̄нам̣ пхалам̣ випа̄ко’’ти евама̄дина̄ бхагавата̄ бха̄ситам̣.