ма̄расам̣йутта

тапокаммасутта

пуччха̄ – тапокаммасуттам̣ пана̄вусо бхагавата̄ джинена каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – урувела̄йам̣ бханте ма̄рам̣ па̄пимантам̣ а̄раббха бха̄ситам̣. ма̄ро бханте па̄пима̄ бхагавантам̣ упасан̇камитва̄ га̄тха̄йа аджджхабха̄си.

‘‘тапокамма̄ апаккамма, йена суджджханти ма̄н̣ава̄;

асуддхо ман̃н̃аси суддхо, суддхимагга̄ апараддхо’’ти.

тасмим̣ бханте ваттхусмим̣–

‘‘анаттасам̣хитам̣ н̃атва̄, йам̣ кин̃чи амарам̣ тапам̣;

саббам̣ наттха̄вахам̣ хоти, пхийа̄риттам̣ва дхаммани;

сӣлам̣ сама̄дхи пан̃н̃ан̃ча, маггам̣ бодха̄йа бха̄вайам̣;

паттосми парамам̣ суддхим̣, нихато твамаси антака̄’’ти.

евам̣ кхо бханте бхагавата̄ джинена бха̄ситам̣.

тапокамма̄ апаккамма, йе на суджджханти ма̄н̣ава̄;

асуддхо ман̃н̃аси суддхо, суддхимагга̄ апараддхо–

анаттхасам̣хитам̣ утва̄, йам̣кин̃чи амарам̣ тапам̣;

саббам̣ наттха̄вахам̣ хоти, пхийа̄риттам̣ва дхаммани;

хаттхира̄джаван̣н̣асутта

пуччха̄ – хаттхира̄джаван̣н̣асуттам̣ пана̄вусо бхавагата̄ джинена каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – урувела̄йам̣ бханте ма̄ракам̣йева па̄пимантам̣ а̄раббха бха̄ситам̣. ма̄ро бханте па̄пима̄ бхагавато бхайам̣ чхамбхитаттам̣ ломахам̣сам̣ уппа̄детука̄мо махантам̣ хаттхира̄джаван̣н̣ам̣ абхинимминитва̄ йена бхагава̄ тенупасан̇ками.

тасмим̣ бханте ваттхусмим̣–

‘‘сам̣сарам̣ дӣгхамаддха̄нам̣, ван̣н̣ам̣ катва̄ субха̄субхам̣;

алам̣ те тена па̄пима, нихато твамаси антака̄’’ти.

евам̣ кхо бханте бхагавата̄ джинена бха̄ситам̣.

сам̣сарам̣ дӣгхамаддха̄нам̣, ван̣н̣ам̣ катва̄ субха̄субхам̣,

алам̣ те тена па̄пима, нихато твамаси антака –