намо тасса бхагавато арахато самма̄самбуддхасса

суттантапит̣ака

маджджхиманика̄йа

мӯлапан̣н̣а̄сапа̄л̣и

сам̣га̄йанасса пуччха̄ виссаджджана̄

пуччха̄ – пат̣хамамаха̄сам̣гӣтика̄ле а̄вусо дхаммасам̣га̄хака̄ маха̄кассапа̄дайо маха̄тхеравара̄ дӣгханика̄йам̣ сам̣га̄йитва̄ таданантарам̣ ким̣ на̄ма па̄вачанам̣ сам̣га̄йим̣су.

виссаджджана̄ – пат̣хамамаха̄сам̣гӣтика̄ле бханте дхаммасам̣га̄хака̄ маха̄кассапа̄дайо маха̄тхеравара̄ дӣгханика̄йам̣ сам̣га̄йитва̄ таданантарам̣ маджджхимам̣ на̄ма ника̄йам̣ сам̣га̄йим̣су.

пуччха̄ – маджджхиманика̄йо на̄ма а̄вусо мӯлапан̣н̣а̄сако маджджхима пан̣н̣а̄сако упарипан̣н̣а̄сакоти пан̣н̣а̄сакавасена тивидхо, таттха катарам̣ пан̣н̣а̄сакам̣ пат̣хамам̣ сам̣га̄йим̣су.

виссаджджана̄ – тӣсу бханте пан̣н̣а̄сакесу мӯлапан̣н̣а̄сакам̣ на̄ма па̄вачанам̣ дхаммасам̣га̄хака̄ маха̄тхеравара̄ пат̣хамам̣ сам̣га̄йим̣су.

пуччха̄ – мӯлапан̣н̣а̄сакепи а̄вусо пан̃чавагга̄ пан̣н̣а̄са ча сутта̄ни, тесу катарам̣ ваггам̣ катаран̃ча суттам̣ пат̣хамам̣ сам̣га̄йим̣су.

виссаджджана̄ – мӯлапан̣н̣а̄саке бханте пан̃часу ваггесу пат̣хамам̣ мӯлапарийа̄йаваггам̣ пан̣н̣а̄сакесу ча суттесу пат̣хамам̣ мӯлапарийа̄йасуттам̣ сам̣га̄йим̣су.

са̄дху а̄вусо майампи да̄ни татойева пат̣т̣ха̄йа сам̣гӣтипуббан̇гама̄ни пуччха̄виссаджджанакичча̄ни ка̄тум̣ сама̄рабха̄ма.

мӯлапарийа̄йасутта

пуччха̄ – тена а̄вусо бхагавата̄ джа̄ната̄ пассата̄ арахата̄ самма̄самбуддхена мӯлапарийа̄йасуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – уккат̣т̣ха̄йам̣ бханте пан̃часате бра̄хман̣акула̄ паббаджите а̄раббха бха̄ситам̣, пан̃часата̄ бханте бра̄хман̣акула̄ паббаджита̄ бхиккхӯ парийаттим̣ нисса̄йа ма̄нам̣ уппа̄десум̣, тасмим̣ бханте ваттхусмим̣ бха̄ситам̣.

пуччха̄ – там̣ пана̄вусо суттам̣ бхагавата̄ катихи ва̄рехи катихи ча антогадхападехи вибхаджитва̄ бха̄ситам̣.

виссаджджана̄ – там̣ пана бханте мӯлапарийа̄йасуттам̣ бхагавата̄ ат̣т̣хахи ча ва̄рехи чатувӣсатийа̄ ча антогадхападехи вибхаджитва̄ деситам̣.

сабба̄савасутта

пуччха̄ – дутийам̣ пана̄вусо сабба̄савасуттам̣ бхагавата̄ каттха кам̣ а̄раббха бха̄ситам̣.

виссаджджана̄ – сабба̄савасуттам̣ пана бханте бхагавата̄ са̄ваттхийам̣ самбахуле бхиккхӯ а̄раббха бха̄ситам̣.

пуччха̄ – таттха̄вусо бхагавата̄ а̄сава̄ катихи пака̄рехи вибхаджитва̄ дассита̄.

виссаджджана̄ – саттахи бханте пака̄рехи вибхаджитва̄ а̄сава̄ бхагавата̄ пака̄сита̄.

дхаммада̄йа̄дасутта

пуччха̄ – дхаммада̄йа̄дасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣, бхагавато ча бханте бхиккхусан̇гхасса ча тада̄ маха̄ла̄бхасакка̄ро удапа̄ди, тасмим̣ бханте ваттхусмим̣ бха̄ситам̣.

пуччха̄ – таттха̄вусо две анусандхайо, тесу пат̣хаме анусандхимхи катхам̣ бхагавата̄ бхиккхӯнам̣ ова̄до динно.

виссаджджана̄ – пат̣хаме бханте анусандхимхи дхаммада̄йа̄да̄ ме бхиккхаве бхаватха ма̄ а̄мисада̄йа̄да̄, аттхи ме тумхесу анукампа̄, кинти ме са̄вака̄ дхаммада̄йа̄да̄ бхавеййум̣ но а̄мисада̄йа̄да̄ти евама̄дина̄ бхагавата̄ бхиккхӯнам̣ ова̄до динно.

дхаммада̄йа̄да̄ ме бхиккхаве бхаватха ма̄ а̄мисада̄йа̄да̄, аттхи ме тумхесу анукампа̄ кинти ме са̄вака̄ дхаммада̄йа̄да̄ бхавеййум̣, но а̄мисада̄йа̄да̄.

пуччха̄ – дутийе пана̄вусо анусандхимхи а̄йасмата̄ са̄рипуттаттхерена дхаммасена̄патина̄ кӣдисӣ дхаммадесана̄ вибхаджитва̄ пака̄сита̄.

виссаджджана̄ – дутийе пана бханте анусандхимхи а̄йасмата̄ са̄рипуттаттхерена дхаммасена̄патина̄ саттху павивиттасса вихарато са̄вака̄нам̣ вивекам̣ ананусиккхатам̣ тӣхи т̣ха̄нехи га̄райутам̣, анусиккханта̄нан̃ча тӣхи т̣ха̄нехи па̄сам̣сатам̣, сол̣аса ча па̄паке дхамме тесан̃ча паха̄на̄йа маджджхима̄ пат̣ипада̄ вибхаджитва̄ пака̄сита̄.

бхайабхеравасутта

пуччха̄ – бхайабхеравасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте джа̄н̣уссон̣им̣ бра̄хман̣ам̣ а̄раббха бха̄ситам̣, джа̄н̣уссон̣и бханте бра̄хман̣о бхагавантам̣ упасан̇камитва̄ етадавоча ‘‘йе ме бхо готама кулапутта̄ бхавантам̣ готамам̣ уддисса саддха̄ ага̄расма̄ анага̄рийам̣ паббаджита̄, бхавам̣ тесам̣ готамо пуббан̇гамо, бхавам̣

тесам̣ готамо бахука̄ро, бхавам̣ тесам̣ готамо сама̄дапета̄, бхото ча пана готамасса са̄ джаната̄ дит̣т̣ха̄нугатим̣ а̄паджджатӣ’’ти, тасмим̣ бханте ваттхусмим̣ бха̄ситам̣.

анан̇ган̣асутта

пуччха̄ – анан̇ган̣асуттам̣ пана̄вусо каттха кам̣ а̄раббха кена бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха а̄йасмата̄ са̄рипуттаттхерена дхаммасена̄патина̄ бха̄ситам̣.

а̄кан̇кхеййасутта

пуччха̄ – а̄кан̇кхеййасуттам̣ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

ваттхасутта

пуччха̄ – ваттхасуттам̣ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

саллекхасутта

пуччха̄ – саллекхасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте а̄йасмантам̣ маха̄чундам̣ а̄раббха бха̄ситам̣, а̄йасма̄ маха̄чундо бханте бхагавантам̣ упасан̇камитва̄ етадавоча ‘‘йа̄ има̄ бханте анекавихита̄ дит̣т̣хийо локе уппаджджанти, аттава̄дапат̣исам̣йутта̄ ва̄ локава̄дапат̣исам̣йутта̄ ва̄, а̄димева ну кхо бханте бхиккхуно манасикарото евамета̄сам̣ дит̣т̣хӣнам̣ паха̄нам̣ хоти, евамета̄сам̣ дит̣т̣хӣнам̣ пат̣иниссагго хотӣ’’ти, тасмим̣ бханте ваттхусмим̣ бха̄ситам̣.

пуччха̄ – таттха ча а̄вусо кати парийа̄йа̄ кати ча антогадхапада̄ни бхагавата̄ вибхаджитва̄ пака̄сита̄ни.

виссаджджана̄ – таттха бханте пан̃ча парийа̄йа̄ чатучатта̄лӣса ча антогадхапада̄ни бхагавата̄ виттха̄рена бха̄сита̄ни.

самма̄т̣т̣хисутта

пуччха̄ – самма̄дит̣т̣хисуттам̣ пана̄вусо каттха кам̣ а̄раббха кена бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха а̄йасмата̄ са̄рипуттаттхерена дхаммасена̄патина̄ бха̄ситам̣.

пуччха̄ – касса а̄вусо вачанам̣.

виссаджджана̄ – бхагавато бханте вачанам̣ арахато самма̄самбуддхасса.

пуччха̄ – кена̄вусо а̄бхатам̣.

виссаджджана̄ – парампара̄йа бханте а̄бхатам̣.

маха̄сатипат̣т̣ха̄насутта

пуччха̄ – маха̄сатипат̣т̣ха̄насуттам̣ пана̄вусо йога̄вачара̄нам̣ бахупака̄ратта̄ дӣгханика̄йе ча идха ча̄ти двӣсу ника̄йесу пора̄н̣акехи сам̣гӣтика̄рехи двиккхаттум̣ сам̣га̄йитва̄ виттха̄рена патит̣т̣ха̄питам̣, там̣ амхехи дӣгханика̄йе йатха̄нуппаттавасена пуччхитан̃ча виссаджджитан̃ча. татха̄пи йога̄вачара̄нам̣ бахупака̄ратта̄йева там̣ ида̄нипи йатха̄нуппаттавасена пуна пуччхисса̄ми, там̣ панетам̣ а̄вусо маха̄сатипат̣т̣ха̄насуттам̣ бхагавата̄ каттха кам̣ а̄раббха бха̄ситам̣.

виссаджджана̄ – курӯсу бханте камма̄садхамме на̄ма курӯнам̣ нигаме самбахуле бхиккхӯ а̄раббха бха̄ситам̣.

пуччха̄ – катхан̃ча̄вусо таттха а̄на̄па̄нассати ка̄йа̄нупассана̄ бхагавата̄ вибхаджитва̄ пака̄сита̄.

виссаджджана̄ – идха бхиккхаве бхиккху аран̃н̃агато ва̄ руккхамӯлагато ва̄ сун̃н̃а̄га̄рагато ва̄ нисӣдати паллан̇кам̣ а̄бхуджитва̄ уджум̣ ка̄йам̣ пан̣идха̄йа паримукхам̣ сатим̣ упат̣т̣хапетва̄ со сатова ассасати, сатова пассасати, дӣгхам̣ ва̄ ассасанто ‘дӣгхам̣ ассаса̄мӣ’ти паджа̄на̄ти, дӣгхам̣ ва̄ пассасанто ‘дӣгхам̣ пассаса̄мӣ’ти паджа̄на̄ти, евама̄дина̄ бханте таттха а̄на̄па̄нассати ка̄йа̄нупассана̄ бхагавата̄ вибхаджитва̄ пака̄сита̄.

пуччха̄ – катхан̃ча̄вусо таттха ирийа̄патхака̄йа̄нупассана̄ бхагавата̄ вибхаджитва̄ пака̄сита̄.

виссаджджана̄ – пуна чапарам̣ бхиккхаве бхиккху гаччханто ва̄ гаччха̄мӣти паджа̄на̄ти, т̣хито ва̄ т̣хитомхӣти паджа̄на̄ти, нисинно ва̄ нисинномхӣти паджа̄на̄ти, сайа̄но ва̄ сайа̄номхӣти паджа̄на̄ти, евама̄дина̄ бханте бхагавата̄ ирийа̄патхака̄йа̄нупассана̄ бха̄вана̄ вибхаджитва̄ пака̄сита̄.

пуччха̄ – катхан̃ча̄вусо таттха сампаджан̃н̃ака̄йа̄нупассана̄ бхагавата̄ вибхаджитва̄ пака̄сита̄.

виссаджджана̄ – пуна чапарам̣ бхиккхаве бхиккху абхикканте пат̣икканте сампаджа̄нака̄рӣ хоти, а̄локите вилоките сампаджа̄нака̄рӣ хоти, самин̃джите паса̄рите сампаджа̄нака̄рӣ хоти, сан̇гха̄т̣ипаттачӣварадха̄ран̣е сампаджа̄нака̄рӣ хоти, асите пӣте кха̄йите са̄йите сампаджа̄нака̄рӣ хоти, учча̄рапасса̄вакамме сампаджа̄нака̄рӣ хоти, гате т̣хите нисинне сутте джа̄гарите бха̄сите тун̣хӣбха̄ве сампаджа̄нака̄рӣ хоти, евама̄дина̄ бханте бхагавата̄ таттха сампаджан̃н̃ака̄йа̄нупассана̄ вибхаджитва̄ пака̄сита̄.

пуччха̄ – катхан̃ча̄вусо таттха пат̣икӯламанасика̄рака̄йа̄нупассана̄ бхагавата̄ вибхаджитва̄ пака̄сита̄.

виссаджджана̄ – пуна чапарам̣ бхиккхаве бхиккху имамева ка̄йам̣ уддхам̣ па̄датала̄ адхо кесаматтхака̄ тачапарийантам̣ пӯрам̣ на̄наппака̄расса асучино паччавеккхати аттхи имасмим̣ ка̄йе кеса̄лома̄ накха̄ данта̄ тачо евама̄дина̄ бханте таттха бхагавата̄ пат̣икӯламанасика̄рака̄йа̄нупассана̄ вибхаджитва̄ пака̄сита̄.

пуччха̄ – катхан̃ча̄вусо таттха дха̄туманасика̄рака̄йа̄нупассана̄ бхагавата̄ вибхаджитва̄ пака̄сита̄.

виссаджджана̄ – пуна чапарам̣ бхиккхаве бхиккху имамева ка̄йам̣ йатха̄т̣хитам̣ йатха̄пан̣ихитам̣ дха̄тусо паччавеккхати аттхи имасмим̣ ка̄йе патхавӣдха̄ту а̄подха̄ту теджодха̄ту ва̄йодха̄ту евама̄дина̄ бханте бхагавата̄ дха̄туманасика̄рака̄йа̄нупассана̄ вибхаджитва̄ пака̄сита̄.

пуччха̄ – катхан̃ча̄вусо таттха нава сиватхикака̄йа̄нупассана̄ бхагавата̄ вибхаджитва̄ пака̄сита̄.

виссаджджана̄ – пуна чапарам̣ бхиккхаве бхиккху сеййатха̄пи пассеййа сарӣрам̣ сиватхика̄йа чхад̣д̣итам̣ ека̄хаматам̣ ва̄ двӣхаматам̣ ва̄ тӣхаматам̣ ва̄ уддхума̄такам̣ винӣлакам̣ випуббакаджа̄там̣ со имамева ка̄йам̣ упасам̣харати ‘‘айампи кхо ка̄йо евам̣дхаммо евам̣бха̄вӣ евам̣анатӣто’’ти евама̄дина̄ бханте таттха бхагавата̄ нава сиватхикака̄йа̄нупассана̄ бха̄вана̄ вибхаджитва̄ пака̄сита̄.

пуччха̄ – катхан̃ча̄вусо таттха ведана̄нупассана̄ бхагавата̄ вибхаджитва̄ десита̄.

виссаджджана̄ – идха бхиккхаве бхиккху сукхам̣ ва̄ веданам̣ ведайама̄но ‘‘сукхам̣ веданам̣ ведайа̄мӣ’’ти паджа̄на̄ти, дуккхам̣ ва̄ веданам̣ ведайама̄но ‘‘дуккха веданам̣ ведайа̄мӣ’’ти паджа̄на̄ти, адуккхамасукхам̣ ва̄ веданам̣ ведайама̄но ‘‘адуккхамасукхам̣ веданам̣ ведайа̄мӣ’’ти паджа̄на̄ти, евама̄дина̄ бханте таттха бхагавата̄ ведана̄нупассана̄ вибхаджитва̄ пака̄сита̄.

пуччха̄ – катхан̃ча̄вусо таттха читта̄нупассана̄ бхагавата̄ вибхаджитва̄ десита̄.

виссаджджана̄ – идха бхиккхаве бхиккху сара̄гам̣ ва̄ читтам̣ ‘‘сара̄гам̣ читта’’нти паджа̄на̄ти, вӣтара̄гам̣ ва̄ читтам̣ ‘‘вӣтара̄гам̣ читта’’нти паджа̄на̄ти, садосам̣ ва̄ вӣтадосам̣ ва̄ самохам̣ ва̄ вӣтамохам̣ ва̄ сам̣кхиттам̣ ва̄ читтам̣ ‘‘сам̣кхиттам̣ читта’’нти паджа̄на̄ти, виккхиттам̣ ва̄ читтам̣ ‘‘виккхиттам̣ читта’’нти паджа̄на̄ти, евама̄дина̄ таттха бхагавата̄ читта̄нупассана̄ вибхаджитва̄ пака̄сита̄.

пуччха̄ – катхан̃ча̄вусо таттха дхамма̄нупассана̄ бхагавата̄ вибхаджитва̄ десита̄, там̣ сан̇кхепаматтенева виссаджджехи.

виссаджджана̄ – идха бхиккхаве бхиккху дхаммесу дхамма̄нупассӣ вихарати, пан̃часу нӣваран̣есу евама̄дина̄ бханте таттха бхагавата̄ пан̃чахи паббехи дхамма̄нупассана̄ вибхаджитва̄ пака̄сита̄.

чӯл̣асӣхана̄дасутта

пуччха̄ – чӯл̣анасӣхана̄дасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте парихӣнала̄бхасакка̄ре на̄на̄титтхийе а̄раббха бха̄ситам̣, на̄на̄титтхийа̄ бханте парихӣнала̄бхасакка̄ра̄ тесу тесу т̣ха̄несу паридевим̣су, чатассо ча бханте париса̄ бхагавато екаматтхам̣ а̄рочесум̣, тасмим̣ бханте ваттхусмим̣ бха̄ситам̣.

маха̄сӣхана̄дасутта

пуччха̄ – тена̄вусо бхагавата̄ джа̄ната̄ пассата̄ арахата̄ самма̄самбуддхена маха̄сӣхана̄дасуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – веса̄лийам̣ бханте сунаккхаттам̣ личчхавипуттам̣ а̄раббха бха̄ситам̣, сануккхатто бханте личчхавипутто ачирапакканто хоти имасма̄ дхаммавинайа̄, со веса̄лийам̣ парисати евам̣ ва̄чам̣ бха̄сати ‘‘наттхи саман̣асса готамасса уттаримануссадхамма̄ аламарийан̃а̄н̣адассанависесо, таккапарийа̄хатам̣ саман̣о готамо дхаммам̣ десети вӣмам̣са̄нучаритам̣ сайам̣ пат̣ибха̄нам̣. йасса ча кхва̄сса аттха̄йа дхаммо десито, со ниййа̄ти таккарасса самма̄ дуккхаккхайа̄йа̄’’ти, етаматтхам̣ бханте а̄йасма̄ са̄рипутто бхагавато а̄рочеси, тасмим̣ бханте ваттхусмим̣ бха̄ситам̣.

пуччха̄ – кати пана̄вусо таттха бхагавата̄ татха̄гатасса татха̄гатабала̄ни вибхаджитва̄ пака̄сита̄ни, йехи балехи саманна̄гато татха̄гато а̄сабхам̣ т̣ха̄нам̣ пат̣иджа̄на̄ти, париса̄су сӣхана̄дам̣ надати, брахмачаккам̣ паваттети.

виссаджджана̄ – даса бханте татха̄гатасса татха̄гатабала̄ни бхагавата̄ вибхаджитва̄ пака̄сита̄ни, йехи балехи саманна̄гато татха̄гато а̄сабхам̣ т̣ха̄нам̣ пат̣иджа̄на̄ти, париса̄су сӣхана̄дам̣ надати, брахмачаккам̣ паваттети.

пуччха̄ – катхан̃ча̄вусо таттха бхагавата̄ чатувераджджан̃а̄н̣а̄ни вибхаджитва̄ пака̄сита̄ни, йехи веса̄раджджехи саманна̄гато татха̄гато а̄сабхам̣ т̣ха̄нам̣ пат̣иджа̄на̄ти, париса̄су сӣхана̄дам̣ надати, брахмачаккам̣ паваттети.

виссаджджана̄ – кхӣн̣а̄савасса те пат̣иджа̄нато име а̄сава̄ апариккхӣн̣а̄ти татра вата мам̣ саман̣о ва̄ бра̄хман̣о ва̄ дево ва̄ ма̄ро ва̄ брахма̄ ва̄ кочи ва̄ локасмим̣ сахадхаммена пат̣ичодессатӣти нимиттаметам̣ са̄рипутта на саманупасса̄ми, етамахам̣ са̄рипутта нимиттам̣ асаманупассанто кхемаппатто абхайаппатто веса̄раджджаппатто вихара̄ми. евама̄дина̄ бханте таттха чатувеса̄раджджан̃а̄н̣а̄ни бхагавата̄ виттха̄рена вибхаджитва̄ пака̄сита̄ни.

пуччха̄ – катхан̃ча̄вусо таттха бхагавата̄ пан̃чагатипариччхедан̃а̄н̣ам̣ вибхаджитва̄ пака̄ситам̣.

виссаджджана̄ – пан̃ча кхо има̄ са̄рипутта гатийо, катама̄ пан̃ча, нирайо тираччха̄найони петтивисайо манусса̄ дева̄, евама̄дина̄ бханте бхагавата̄ таттха пан̃чагатипариччхедакан̃а̄н̣ам̣ вибхаджитва̄ пака̄ситам̣.

пуччха̄ – катхан̃ча̄вусо таттха татха̄гато аттано пан̃н̃а̄веййаттийа̄ апариха̄ним̣ пака̄сеси.

виссаджджана̄ – санти кхо пана са̄рипутта еке саман̣абра̄хман̣а̄ евам̣ва̄дино евам̣дит̣т̣хино йа̄вадева̄йам̣ бхавам̣ пурисо дахаро хоти, евама̄дина̄ бханте таттха татха̄гато аттано пан̃н̃а̄веййаттийа̄ апариха̄ним̣ пака̄сеси.

маха̄дуккхаккхандхасутта

пуччха̄ – маха̄дуккхаккхандхасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте ан̃н̃атиттхийе а̄раббха бха̄ситам̣, самбахула̄ бханте ан̃н̃атиттхийа̄ бхиккхӯ етадавочум̣ ‘‘саман̣о а̄вусо готамо ка̄ма̄нам̣ парин̃н̃ам̣ пан̃н̃апети, майампи ка̄ма̄нам̣ парин̃н̃ам̣ пан̃н̃апема, саман̣о а̄вусо готамо рӯпа̄нам̣ ведана̄нам̣ парин̃н̃ам̣ пан̃н̃апети, майампи рӯпа̄нам̣ ведана̄нам̣ парин̃н̃ам̣ пан̃н̃апема, идха но а̄вусо ко висесо, ко адхиппайа̄со, ким̣ на̄на̄каран̣ам̣ саман̣асса ва̄ готамасса амха̄кам̣ ва̄ йадидам̣ дхаммадесана̄йа ва̄ дхаммадесанам̣ ануса̄санийа̄ ва̄ ануса̄сани’’нти, етаматтхам̣ бхиккхӯ бхагавато а̄рочесум̣, тасмим̣ бханте ваттхусмим̣ бха̄ситам̣.

чӯл̣адуккхаккхандхасутта

пуччха̄ – чӯл̣адуккхаккхандхасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – саккесу бханте капилаваттхусмим̣ маха̄на̄мам̣ саккам̣ а̄раббха бха̄ситам̣, маха̄на̄мо бханте сакко бхагавантам̣ упасан̇камитва̄ етадавоча ‘‘дӣгхаратта̄хам̣ бханте бхагавата̄ евам̣ дхаммам̣ деситам̣ а̄джа̄на̄ми ‘лобхо читтасса упаккилесо, досо читтасса упаккилесо, мохо читтасса упаккилесо’ти, еван̃ча̄хам̣ бханте бхагавата̄ дхаммам̣ деситам̣ а̄джа̄на̄ми ‘лобхо читтасса упаккилесо, досо читтасса упаккилесо, мохо читтасса упаккилесо’ти. атха ча пана ме екада̄ лобхадхамма̄пи читтам̣ парийа̄да̄йа тит̣т̣ханти, досадхамма̄пи читтам̣ парийа̄да̄йа тит̣т̣ханти, мохадхамма̄пи читтам̣ парийа̄да̄йа тит̣т̣ханти, тасса майхам̣ бханте евам̣ хоти ‘ко су на̄ма ме дхаммо аджджхаттам̣ аппахино, йена ме екада̄ лобхадхамма̄пи читтам̣ парийа̄да̄йа тит̣т̣ханти, досадхамма̄пи читтам̣ парийа̄да̄йа тит̣т̣ханти, мохадхамма̄пи читтам̣ парийа̄да̄йа тит̣т̣хантӣ’ти’’, тасмим̣ бханте ваттхусмим̣ бха̄ситам̣.

анума̄насутта

пуччха̄ – анума̄насуттам̣ пана̄вусо каттха кам̣ а̄раббха кена бха̄ситам̣.

виссаджджана̄ – бхаггесу бханте сусума̄рагире бхесакал̣а̄ване а̄йасмата̄ маха̄моггалла̄наттхерена самбахуле бхиккхӯ а̄раббха бха̄ситам̣.

четокхиласутта

пуччха̄ – четокхиласуттам̣ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

ванапаттхасутта

пуччха̄ – ванапаттхасуттам̣ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

мадхупин̣д̣икасутта

пуччха̄ – мадхупин̣д̣икасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – саккесу бханте дан̣д̣апа̄н̣им̣ саккам̣ а̄раббха бха̄ситам̣, дан̣д̣апа̄н̣и бханте сакко бхагавантам̣ упасан̇камитва̄ етадавоча ‘‘ким̣ ва̄дӣ саман̣о кимаккха̄йӣ’’ти, тасмим̣ бханте ваттхусмим̣ бха̄ситам̣.

дведха̄витаккасутта

пуччха̄ – дведха̄витаккасуттам̣ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

витаккасан̣т̣ха̄насутта

пуччха̄ – витаккасан̣т̣ха̄насуттам̣ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

какачӯпамасутта

пуччха̄ – тена̄вусо бхагавата̄…пе… самма̄самбуддхена какачӯпамасуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте а̄йасмантам̣ мол̣ийапхаггунам̣ а̄раббха бха̄ситам̣, а̄йасма̄ бханте мол̣ийапхаггуно бхиккхунӣхи саддхим̣ ативелам̣ сам̣сат̣т̣хо вихарати, тасмим̣ бханте ваттхусмим̣ бха̄ситам̣.

пуччха̄ – атха кхо а̄вусо а̄йасмато мол̣ийапхаггунасса там̣ бхагавато ова̄дам̣ сутва̄ катхам̣ читтам̣ уппаннам̣, катхан̃джа бхагава̄ уттари бхиккхӯна ова̄дамада̄си.

виссаджджана̄ – атха кхо бханте мол̣ийапхаггунасса бхагавато имам̣ ова̄дам̣ сутва̄ бхиккхунисам̣саггато орамисса̄ми вирамисса̄мӣтипи читтам̣ на уппаннам̣, асам̣варамева бханте читтам̣ уппаннам̣, бхагава̄ ча бханте а̄ра̄дхайим̣су вата ме бхиккхаве бхиккхӯ екам̣ самайам̣ читтам̣, евама̄дина̄ уттари бхиккхӯнам̣ ова̄дамада̄си.

убхато дан̣д̣акена чепи бхиккхаве какачена чора̄ очарака̄ ан̇гаман̇га̄ни окантеййум̣.

алагаддӯпамасутта

пуччха̄ – алагаддӯпамасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте арит̣т̣хам̣ бхиккхум̣ гаддхаба̄дхипуббам̣ а̄раббха бха̄ситам̣, арит̣т̣хасса бханте бхиккхуно гаддхаба̄дхипуббасса еварӯпам̣ па̄пакам̣ дит̣т̣хигатам̣ уппаннам̣ ‘‘татха̄хам̣ бхагавата̄ дхаммам̣ деситам̣ а̄джа̄да̄ми, йатха̄ йеме антара̄йика̄ дхамма̄ вутта̄ бхагавата̄, те пат̣исевато на̄лам̣ антара̄йа̄йа̄’’ти, тасмим̣ бханте ваттхусмим̣ бха̄ситам̣.

пуччха̄ – атха кхо а̄вусо а̄йасмато арит̣т̣хасса гаддхаба̄дхипуббасса катхам̣ четасо паривитакко удапа̄ди, катхан̃ча бхагава̄ уттари бхиккхунам̣ дхаммадесанам̣ паваттеси.

виссаджджана̄ – атха кхо бханте арит̣т̣хасса бхиккхуно гаддхаба̄дхипуббасса ‘‘кин̃ча̄пи мам̣ бхагава̄ могхапурисава̄дена вадеси, на кхо пана ме маггапхала̄нам̣ упаниссайо на хоти, сва̄хам̣ а̄рабхитва̄ гхат̣т̣етва̄ маггапхала̄ни ниббаттесса̄мӣ’’ти, евам̣ кхо бханте четасо паривитакко удапа̄ди, бхагава̄ ча бханте дуппан̃н̃асса алагаддӯпамам̣ дассетва̄ алагаддӯпамам̣ парийаттин̃ча дассетва̄ пан̃н̃авато алагаддӯпама̄йа ча куллӯпама̄йа ча пан̃н̃авато ниссаран̣апарийаттим̣ дассетва̄ чха ча дит̣т̣хит̣т̣ха̄на̄ни, тесан̃ча чханнам̣ дит̣т̣хит̣т̣ха̄на̄нам̣ винивет̣хана̄ка̄рам̣ дассетва̄ парийоса̄не ча кхандхакаммат̣т̣ха̄нам̣ арахаттаникӯт̣ена дассетва̄ уттари бхиккхӯнам̣ дхаммакатхам̣ паваттеси.

ваммикасутта

пуччха̄ – дхаммикасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте а̄йасмантам̣ кума̄ракассапам̣ а̄раббха бха̄ситам̣. а̄йасма̄ бханте кума̄ракассапо бхагавантам̣ упасан̇камитва̄ ваммикапан̃хам̣ пуччхи, тасмим̣ бханте ваттхусмим̣ бха̄ситам̣.

ратхавинӣтасутта

пуччха̄ – ратхавинӣтасуттам̣ пана̄вусо каттха кена бха̄ситам̣.

виссаджджана̄ – са̄ваттхийам̣ бханте а̄йасмата̄ ча са̄рипуттаттхерена дхаммасена̄патина̄ а̄йасмата̄ ча пун̣н̣ена манта̄н̣ипуттена ан̃н̃аман̃н̃ам̣ пуччха̄виссаджджанавасена бха̄ситам̣.

нива̄пасутта

пуччха̄ – нива̄пасуттам̣ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – имасмим̣ а̄вусо сутте ко нива̄по ко нева̄пико ка̄ нева̄пикапариса̄ ка̄ мигаджа̄та̄ катхан̃четисса̄ упама̄йа аттхо дат̣т̣хаббо.

виссаджджана̄ – имасмим̣ бханте сутте нива̄поти кхо бханте пан̃чаннетам̣ ка̄магун̣а̄нам̣ адхивачанам̣, нева̄пикоти кхо бханте ма̄рассетам̣ па̄пимато адхивачанам̣, нева̄пикапариса̄ти кхо бханте ма̄рапариса̄йетам̣ адхивачанам̣, мигаджа̄та̄ти кхо бханте саман̣абра̄хман̣а̄наметам̣ адхивачанам̣, имасмим̣ бханте сутте етасса аттхо евам̣ дат̣т̣хаббо.

па̄сара̄сисутта

пуччха̄ – кена̄вусо бхагавата̄…пе… самма̄самбуддхена па̄сара̄сисуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣, самбахула̄ бханте бхиккхӯ раммакасса бра̄хман̣асса ассаме бхагавантам̣ а̄раббха дхаммийа̄ катха̄йа саннисӣдим̣су, тасмим̣ бханте ваттхусмим̣ бха̄ситам̣.

пуччха̄ – атха кхо а̄вусо тесам̣ самбахула̄нам̣ бхиккхӯнам̣ дхаммийа̄ катха̄йа саннисинна̄нам̣ кӣдисам̣ дхаммакатхам̣ катхеси.

виссаджджана̄ – са̄дху бхиккхаве етам̣ кхо бхиккхаве тумха̄кам̣ патирӯпам̣ кулапутта̄нам̣ саддха̄ ага̄расма̄ анага̄рийам̣ паббаджита̄нам̣, йам̣ тумхе дхаммийа̄ катха̄йа саннисӣдеййа̄тха, саннипатита̄нам̣ во бхиккхаве двайам̣ каран̣ӣйам̣ дхаммӣ ва̄ катха̄ арийо ва̄ тун̣хӣбха̄во. двема̄ бхиккхаве парийесана̄ арийа̄ ча парийесана̄ анарийа̄ ча парийесана̄. евама̄дина̄ бханте бхагава̄ саннипатита̄нам̣ тесам̣ бхиккхӯнам̣ арийапарийесанан̃ча анарийапарийесанан̃ча вибхаджитва̄ десеси.

пуччха̄ – катхан̃ча̄вусо бхагава̄ аттана̄пи анарийапарийесанам̣ паха̄йа арийапарийесана̄йа парийеситабха̄вам̣ пака̄сеси.

виссаджджана̄ – ахампи судам̣ бхиккхаве пуббева самбодха̄ анабхисамбуддхо бодхисаттова сама̄но аттана̄ джа̄тидхаммо сама̄но джа̄тидхаммам̣йева парийеса̄ми, аттана̄ джара̄дхаммо бйа̄дхидхаммо маран̣адхаммо сокадхаммо сам̣килесадхаммо сама̄но сам̣килесадхаммам̣йева парийеса̄ми. евама̄дина̄ бханте бхагава̄ аттана̄пи анарийапарийесанам̣ паха̄йа арийапарийесана̄йа парийеситабха̄вам̣ пака̄сеси.

пуччха̄ – евам̣ пат̣хама̄бхисамбуддхасса а̄вусо бхагавато аджапа̄ланигродхаруккхамӯле нисиннасса дхаммадесана̄йа катасаннит̣т̣ха̄насса кӣдисо

четасо паривитакко удапа̄ди, катхан̃ча дхаммадесана̄йа ча̄рика̄ ахоси, катхан̃ча пат̣хама̄ дхаммадесана̄ ахоси.

виссаджджана̄ – ‘‘касса ну кхо ахам̣ пат̣хамам̣ дхаммам̣ десеййам̣, ко имам̣ дхаммам̣ кхиппамева а̄джа̄ниссатӣ’’ти евам̣ кхо бханте бхагавато пат̣хама̄бхисамбуддхасса аджапа̄ланигродхамӯле дхаммадесана̄йа катасаннит̣т̣ха̄насса паривитакко удапа̄ди, атха бханте бхагава̄ урувела̄йам̣ йатха̄бхирантам̣ вихаритва̄ йена ба̄ра̄н̣асӣ, тена падаса̄йева ча̄рикам̣ пакка̄ми дхаммадесана̄йа, двеме бхиккхаве анта̄ паббаджитена на севитабба̄, катаме две, йо ча̄йам̣ ка̄месу ка̄масукхаллика̄нуйого хӣно га̄ммо потхуджджанико анарийо анаттасам̣хито, евама̄дина̄ бханте бхагавато пат̣хама̄ дхаммадесана̄ ахоси.

сабба̄бхибхӯ саббавидӯхамасми,

саббадхаммесу анӯпалитто;

саббан̃джахо тан̣ха̄ккхайе вимутто,

сайам̣ абхин̃н̃а̄йа камуддисеййам̣.