5,21. дива̄дӣхи йака

дива̄дӣхи каттари лависайе йака хоти. кака̄ро ка̄нубандхака̄рийаттхо, ева+мупари ча. васса бака̄ре пуббарӯпам̣, со джутам̣ диббати, диббанти ичча̄ди. камме-кйе тена диббати, диббанти ичча̄ди. диббиссати, тена диббиссати. адибби дибби. тена адибби дибби. адиббисса. тена адиббисса. диббе диббеййа. тена диббе диббеййа. диббату. тена диббату ичча̄ди.

сива=тантусанта̄не, сиббати, сиббанти ичча̄ди. пада=гамане, упуббо, чаваггапуббарӯпа̄ни, уппаджджати, уппаджджаре уппаджджанти ичча̄ди. каммекйе тена пат̣ипаджджате ичча̄ди. бха̄ве-уппаджджате тайа̄. будха=авагамане, джхака̄рапуббарӯпа̄ни йаккхаресу. дхаммам̣ буджджхати, буджджхаре буджджханти ичча̄ди. камме-майа̄ дхаммо буджджхате ичча̄ди. йудха=сампаха̄ре, йуджджхати+чча̄ди. наха=бандхане, ‘‘хасса випалла̄со’’ти йе випалла̄со, саннайхати+чча̄ди. мана=н̃а̄н̣е, н̃н̃ака̄ра+пуббарӯпа̄ни, ман̃н̃ати+чча̄ди. туса=тут̣т̣химхи, пуббарӯпе туссати+чча̄ди. сама=упасаме, саммати+чча̄ди.

джана=джанане, ‘‘джанисса̄’’ти а̄ хоти ка̄нубандхе бахула̄дхика̄ра̄, со джа̄йати, джа̄йанти+чча̄ди. камме-джанитум̣ пайоджетӣти ‘‘пайоджакабйа̄па̄ре н̣а̄пи че’’ти н̣имхи ‘‘ан̃н̃атра̄пӣ’’ти вуддхипат̣иседхе кйамхи ‘‘дӣгхо сарасса̄’’ти дӣгхе ча кате тена джанӣйати, джанӣйанти ичча̄ди. со джа̄йиссати. тена джаниссати. со аджа̄йи, тена аджанӣйи. со аджа̄йисса, тена аджанӣйисса. со джа̄йе джа̄йеййа, тена джанӣйеййа. со джа̄йату, тена джанӣйату ичча̄ди. (дива̄динайо).

туда=бйатхане,