57. химимесва+сса

ака̄расса дӣгхо хоти химимесу. ахам̣ бхава̄ми. бахувачанам̣ мапаччайо, майам̣ бхава̄ма. евам̣ параччхеккепи-бхавате, бхаванте. бхавасе, бхававхе. бхаве, бхавамхе. кечи дӣгхам̣ катва̄ пат̣ханти, ‘‘бйан̃джане дӣгхарасса̄’’ти дӣгхо, бхава̄мхе.

еттха ча –

ладжджа̄ сатта̄ т̣хити джа̄гаран̣ам̣,

вуддхи ккхайа джӣвита маран̣ам̣;

кӣл̣а̄ ручи рочате итйевам̣,

вутта̄ акаммакадха̄ту саббе.

–ти вуттатта̄ каммам̣ дутийа̄ на.

пача=па̄ке, ака̄ро учча̄ран̣аттхо, ева+мупарипи. пача ити т̣хите лавикаран̣ам̣, викаран̣алопа̄ди пуримасамам̣. со оданам̣ пачати, те пачанти. твам̣ пачаси, тумхе пачатха. ахам̣ пача̄ми, майам̣ пача̄ма. параччхакке-пачате, пачанте. пачасе, пачавхе. паче, пача̄мхе.