46. им̣сса ча син̃а

имиччасса син̃а хоти мха̄ттха̄нан̃ча бахулам̣. н̃а̄ка̄ро а̄кхйа̄вайаваттхо (ука̄ро) ика̄ро учча̄ран̣аттхо. ‘‘аӣсса̄’’ дина̄ ин̃а̄гаме тумхе ахоситтха, ахоси. парассаралопе рассе ча ахум̣, ахосимха, ахумха, рассо. бха̄ве-абхави, а̄ссаттха̄десо, абхавиттха. анаджджатане а̄ӯа̄дипаччайе кате ‘‘йуван̣н̣а̄на+мийа н̇уван̇а саре’’ти уван̇а̄десе ахува̄, ахуву, ахуво, ахуваттха. асса ама̄десе ахум̣ ахувам̣, ахумха ичча̄ди. бха̄ве-тена ахуйи ахуйиттха. ахависса̄, ахависсам̣су ичча̄ди. бха̄ве-ахуйисса, ахуйиссатха. пуббассаралопо, хеййа, хеййум̣ ичча̄ди. бха̄ве-хӯйеййа, хӯйетха. хоту, хонту ичча̄ди. бха̄ве-хӯйату, хӯйатам̣. анупуббе анубхоти ичча̄ди саббава̄ресу йоджетаббам̣. бха̄ве рӯпа̄бха̄ва̄. камме-анубхӯйати ичча̄ди висесо.

си=сайе, ласса лопо вуддхи, сети. айа̄десе сайати, сенти сайанти ичча̄ди. камме-атипуббо, кйе ‘‘дӣгхо сарасса̄’’ти исса дӣгхе ча кате тена атисӣйати, атисӣйанти ичча̄ди. бха̄ве-тена сӣйати, сӣйате. татха̄ бхависсатиа̄дӣсу.

нӣ=па̄пане, двикаммако+йам̣, аджам̣ га̄мам̣ нети найати, ненти найанти ичча̄ди. камме-нӣйате га̄мам̣ аджо девадаттена ичча̄ди. татха̄ сесесупи йоджетаббам̣.

т̣ха̄=гатиниваттийам̣ –