5,173. гама йами+са̄+са диса̄нам̣ ва̄ ччхан̇а

етесам̣ ва̄ ччхан̇а хотинта+ма̄на+тйа̄дӣсу. со саггам̣ гаччхати гамети, гаччханти ичча̄ди. камме-гаччхӣйати гамӣйати ичча̄ди. йама=упараме, пароккха̄анаджджатанарӯпа̄ни саббаттха пайога+манугамма йоджетабба̄ни. нипуббо, нийаччхати нийамати, нийаччханти нийаманти. сам̣пуббо, ‘‘йе сам̣сса̄’’ти н̃н̃аттам̣, сан̃н̃амати, сан̃н̃аманти. камме-нийаччхӣйати нийамӣйати нийаммати, сан̃н̃амӣйати ва̄. татха̄ нийаччхиссати, сан̃н̃амиссати. нийаччхи, сам̣йами. нийаччхисса, сам̣йамисса. нийаччхеййа, сам̣йамеййа. нийаччхату, сан̃н̃амату. иса+сим̣са=иччха̄йам̣, со саггам̣ иччхати, иччханти ичча̄ди. ‘‘лахуссупантасса̄’’ти вуддхимхи есати, есанти ичча̄ди. камме-иччхӣйати, ‘‘ва̄ квачӣ’’ти вуддхимхи есӣйати. пуббарӯпе иссати иссате ичча̄ди. иччхиссати есиссати ичча̄ди. иччхи еси. иччхисса есисса. иччхеййа есеййа. иччхату есату ичча̄ди. а̄са=упавесане, со а̄сане аччхати ичча̄ди. ‘‘бйан̃джане дӣгхарасса̄’’ти рассо, упапуббо, татха̄ упа̄сати. аччхиссати упа̄сиссати. аччхи упа̄си. аччхисса упа̄сисса. аччхеййа упа̄сеййа. аччхату упа̄сату ичча̄ди. диса=пеккхане, диччхати диччханти ичча̄ди саббам̣ пуримасамам̣. лабха=ла̄бхе, ито парам̣ висесат̣т̣ха̄намеваваккха̄ма, саббава̄ро вутта̄нуса̄рена гахетаббо. лабхати, лабханти ичча̄ди. камме-кйасса пуббарӯпа̄димхи кате лаббхати ичча̄ди.