14. пуббапараччхакка̄на+мека̄некесу тумха̄+мха+сесесу две две маджджхиму+ттама+пат̣хама̄

ека̄некесу тумхаамхасаддавачанӣйесу тадан̃н̃асаддавачанӣйесу ча ка̄ракесу пуббаччхакка̄нам̣ параччхакка̄нан̃ча маджджхиму+ттама+пат̣хама̄ две две хонти йатха̄ккамам̣. таттхати антӣти пат̣хамапурисо, а̄до ниддит̣т̣хатта̄. си тха ити маджджхимапурисо, маджджхе ниддит̣т̣хатта̄. ми ма ити уттамапурисо. уттамасаддо+йам̣ сабха̄вато типабхутӣна+манта+ма̄ха. параччхаккепи те антетиа̄дина̄ евам̣ йоджетаббам̣. евам̣ сесесу бхависсатиа̄дӣсу саттасу паччайавидха̄насуттесупи йоджетаббам̣.

ида̄ни бхӯва̄дӣна+мат̣т̣хаган̣а̄нам̣ бхӯва̄диган̣есу бхӯ=сатта̄йа+мити пат̣хамадха̄туто пара̄ тйа̄дайо йоджӣйанте. таттха ‘‘екамхи ваттаббе екавачанам̣’’ти тйа̄дӣсу парабхӯтесу катту+камма+бха̄весуйева кйавикаран̣алавикаран̣а̄ хонтӣти ‘‘кйо бха̄вакаммесва+пароккхесу ма̄на+нта+тйа̄дӣсу’’ ‘‘каттари ло’’ ичча̄дина̄ тесам̣ викаран̣а̄нам̣ видха̄на̄ тйа̄дайо катту+камма+бха̄весвева вин̃н̃а̄йантӣти каттари тимхило. ке те викаран̣а̄ –

пубба̄парабха̄гат̣т̣ха̄на̄, бхиннадха̄тувибхаттийо;

нисса̄йа паччайа̄ хонти, ете викаран̣а̄ сийум̣.