5. анаджджатане а̄ ӯо ттха а мха̄ ттха ттхум̣ се вхам̣ им̣ мхасе

авиджджама̄наджджатане бхӯтаттхе ваттама̄нато крийаттха̄ а̄а̄дайо хонти ва̄. ‘‘еййа̄тха̄’’дина̄ ттхе ‘‘а̄ ӣ ӯ мха̄’’ ичча̄дина̄ рассе ча со абхаваттха бхаваттха абхава бхава абхава̄ бхава̄, те абхаву бхаву абхавӯ бхавӯ. о, ‘‘осса̄’’тиа̄дина̄ аа̄дайо, абхава бхава абхави бхави абхаваттха бхаваттха абхаваттхо бхаваттхо, сиа̄десе абхаваси бхаваси абхаво бхаво. тумхе абхаваттха бхаваттха. ахам̣ абхавам̣ бхавам̣ абхава бхава, майам̣ абхавамха бхавамха абхавамха̄ бхавамха̄. со абхаваттха бхаваттха. те абхаваттхум̣ бхаваттхум̣. твам̣ абхавасе бхавасе. тумхе абхававхам̣ бхававхам̣. ‘‘исса ча син̃а’’ти сим̣, ахам̣ абхавасим̣ бхавасим̣ абхавим̣ бхавим̣. майам̣ абхавамхасе бхавамхасе. камме-ттхе сукхам̣ тайа̄ анубхӯйиттха, ин̃а̄гама̄бха̄ве анубхӯйаттха ичча̄ди. бха̄ве-абхӯйаттха бхӯйаттха ичча̄ди.

со оданам̣ апачаттха пачаттха ичча̄ди каттусамам̣. камме-апачӣйаттха пачӣйаттха апаччаттха паччаттха апачӣйа пачӣйа апачӣйа̄ пачӣйа̄ апачча пачча апачча̄ пачча̄. апачӣйу пачӣйу апачӣйӯ пачӣйӯ апаччу паччу апаччӯ паччӯ ичча̄ди. ‘‘ма̄йоге ӣ+а̄а̄дӣ’’ти ма̄йогепи а̄а̄дайо, ма̄ бхавам̣ апаччаттха ичча̄ди.

татха̄ агаччхаттха гаччхаттха ичча̄ди пуримасамам̣. татха̄ агаматтха гаматтха ичча̄дипи агхамматтха гхамматтха ичча̄дипи. (анаджджатанапаччайанайо).