5,17. кйо бха̄вакаммесва+пароккхесу ма̄на+нта+тйа̄дӣсу

бха̄вакаммавихитесу пароккха̄ваджджитесу ма̄на+нта+тйа̄дӣсу паресу кйо хоти крийаттха̄. кака̄ро+нубандхака̄рийаттхо. ‘‘на те ка̄нубандха+на̄гамесӯ’’ти пат̣иседха̄ ока̄ра̄бха̄во. анубхӯйати сукхам̣ девадаттена.

еттха ча –

а̄кхйа̄тена авуттатта̄, каттуто татийа̄ на ту;

дутийа̄ хоти каммасса, вуттатта̄ пат̣хама̄пи+дха.

анубхӯйанти сампаттийо тайа̄. анубхӯйаси твам̣ девадаттена. анубхӯйатха тумхе. ахам̣ анубхӯйа̄ми, тайа̄ майам̣ анубхӯйа̄ма. двитте анубхуййати+чча̄ди. евам̣ параччхакке.

бха̄ве адаббавуттино бха̄васса екатта̄ екавачанамева. тан̃ча пат̣хамапурисекавачанейева самбхавати, нева+н̃н̃ам̣, бахулам̣видха̄на̄. бхӯйати бхӯйате девадаттена, сампати бхаванантйаттхо.

пачадха̄туто камме кйо.