5. саманантарапаччайо

паччайадхаммавибха̄го ча паччайуппаннадхаммавибха̄го ча анантапаччайа садисо.

кенат̣т̣хена саманантароти. сут̣т̣ху анантарат̣т̣хена саманантаро. йатха̄ сила̄тхамбха̄дӣсу рӯпакала̄па̄ ека̄баддха̄ сама̄на̄пи рӯпа дхаммабха̄вена сан̣т̣ха̄на джа̄тикатта̄ маджджхе париччхедарӯпасахита̄ ева хонти. двиннам̣ рӯпакала̄па̄нам̣ маджджхе антарам̣ на̄ма виварам̣ на̄ма аттхийева. на татха̄ пуримапаччхима̄нам̣ двиннам̣ читтачетасика кала̄па̄нам̣ маджджхе. те пана арӯпадхаммабха̄вена асан̣т̣ха̄на джа̄тикатта̄ маджджхе париччхедадхаммасса на̄ма кассачи а̄ка̄савиварасса абха̄вато саббасо антара рахита̄ ева хонти. локассапи двиннам̣ кала̄па̄нам̣ антарам̣ на̄ма на диссати. тато име сатта̄ читтам̣ на̄ма ниччам̣ дхувам̣ тха̄варам̣ авипарин̣а̄мадхамманти евам̣ читте ниччасан̃н̃ино хонти. евам̣ сут̣т̣ху анантарат̣т̣хена саманантаро. анантарат̣т̣хена̄ти ча аттано анантаре аттасадисасса дхаммантарасса уппа̄данат̣т̣хена̄ти пуббе вуттамева.

евам̣ санте ниродхасама̄паттика̄ле пуримачиттам̣ на̄ма нева сан̃н̃а̄на̄сан̃н̃а̄йатаначиттам̣, паччхимачиттам̣ на̄ма арийапхалачиттам̣, двиннам̣ читта̄нам̣ антаре екараттидивампи двераттидива̄нипи.ла. саттараттидива̄нипи ачиттако хоти. асан̃н̃асаттабхӯмийам̣пи пуриме ка̄мабхаве чутичиттам̣ пуримачиттам̣ на̄ма. паччхиме ка̄мабхаве пат̣исандхичиттам̣ паччхимачиттам̣ на̄ма, двиннам̣ читта̄нам̣ антаре асан̃н̃асаттабхаве пан̃чакаппасата̄ни пуггало ачиттако тит̣т̣хати. таттха две пуримачитта̄ни аттано анантаре аттасадисасса дхаммантарасса уппа̄данапаччайасаттирахита̄ни хонтӣти. на хонти. махантехи пана бха̄вана̄пан̣идхибалехи пат̣иба̄хитатта̄ пуримачитта̄ни ча нируджджхама̄на̄ни анантаре дхаммантарасса уппа̄дана саттисахита̄ни ева нируджджханти. паччхимачитта̄ни ча уппаджджама̄на̄ни тасмим̣ кхан̣е ека̄баддхабха̄вена ануппаджджитва̄ чирака̄ле ева уппаджджанти. на ча еттакаматтена пуримачитта̄нам̣ анантаре дхаммантарасса уппа̄дана саттина̄ма наттхӣти ча, те анантарапаччайадхамма̄ на̄ма на хонтӣти ча сакка̄ ваттум̣. йатха̄ там̣ ран̃н̃о йодха̄ на̄ма аттхи, када̄чи ра̄джа̄ ка̄лам̣ н̃атва̄ тумхе ида̄ни ма̄йуджджхатха, йуддхака̄ло на хоти, асукасмим̣ ка̄ле ева йуджджхатха̄ти вадеййа. те ча тада̄ айуджджхама̄на̄ вичареййум̣. евам̣ сантепи тесам̣ йуджджханасатти на̄ма наттхӣти ча, те йодха̄ на̄ма на хонтӣти ча на сакка̄ ваттунти.

еттха вадеййум̣, имасмим̣ паччайе те пана арӯпадхаммабха̄вена асан̣т̣ха̄на джа̄тикатта̄ маджджхепариччхедадхаммасса на̄ма кассачи абха̄вато саббасо антарарахита̄ ева хонтӣти вуттам̣. евам̣ санте пуббе а̄рамман̣а паччайе бхерисаддавӣн̣а̄саддопама̄хи йо читта̄нам̣ кхан̣е кхан̣е уппа̄до ча ниродхо ча вутто, со амхехи катхам̣ паччетабботи. ан̃н̃аман̃н̃авируддха̄нам̣ на̄на̄читта̄нам̣ кхан̣аматтепи пубба̄пара париваттанасса локе пан̃н̃а̄йанато. айаматтхо пуббе читта йамакадӣпанийам̣ виттха̄рато вуттойева̄ти. саманантарапаччайа дӣпана̄ нит̣т̣хита̄.