10. пуреджа̄тапаччайо

тивидхо пуреджа̄тапаччайо. ваттхупуреджа̄тапаччайо ча а̄рамман̣апуреджа̄тапаччайо ча ваттха̄рамман̣апуреджа̄тапаччайо ча.

таттха ваттхупуреджа̄то ча ваттха̄рамман̣апуреджа̄то ча пуббе ниссайапаччайе ниссайана̄мена вутта̄ ева.

а̄рамман̣апуреджа̄то на̄ма паччуппанна̄ни ат̣т̣ха̄расаниппханнарӯпа̄ни ева. тесупи паччуппанна̄ни рӯпасадда̄дӣни пан̃ча̄рамман̣а̄ни пан̃чаннам̣ пан̃чавин̃н̃а̄н̣а вӣтхичитта̄нам̣ нийамато а̄рамман̣апуреджа̄тапаччайа̄ хонти. йатха̄ хи вӣн̣а̄садда̄ на̄ма вӣн̣а̄тантӣсу вӣн̣а̄дан̣д̣акена пахаран̣а паччайа̄ ева уппаджджанти. еван̃ча сати те садда̄ пуреджа̄та̄хи вӣн̣а̄танти вӣн̣а̄дан̣д̣акехи вина̄ уппаджджитум̣ на сакконти. евамевам̣ пан̃ча вин̃н̃а̄н̣а вӣтхичитта̄нипи пан̃часу ваттхудва̄ресу пан̃чаннам̣ а̄рамман̣а̄нам̣ а̄па̄та̄гамана паччайа̄ ева уппаджджанти. а̄па̄та̄гаманан̃ча тесам̣ двиннам̣ т̣хитипаттака̄ле ева хоти. на кевалан̃ча тасмим̣ ка̄ле та̄ни пан̃ча̄рамман̣а̄ни тесу пан̃чаваттхӯсу ева а̄па̄тама̄гаччханти. атха кхо бхаван̇гаманодва̄репи а̄па̄там̣ а̄гаччхантийева. тасмим̣ а̄па̄тагаманатта̄ ева там̣ бхаван̇гампи двиккхаттум̣ чалитва̄ упаччхиджджати, бхаван̇гупаччхеде ева та̄ни вӣтхичитта̄ни уппаджджанти. еван̃ча сати та̄ни вӣтхичитта̄ни пуреджа̄техи ваттху два̄ра̄рамман̣ехи вина̄ уппаджджитум̣ на сакконтӣти. та̄ни пана сабба̄нипи ат̣т̣ха̄расаниппханнарӯпа̄ни нируддха̄ни хутва̄ атӣта̄нипи хонти, ануппанна̄ни хутва̄ ана̄гата̄нипи хонти. уппанна̄ни хутва̄ паччуппанна̄нипи хонти. сабба̄нипи мановин̃н̃а̄н̣авӣтхичитта̄нам̣ а̄рамман̣а̄ни хонти. тесу паччуппанна̄ни ева тесам̣ а̄рамман̣апуреджа̄тапаччайа̄ хонти. йада̄ дӯре ва̄ пат̣иччханне ва̄ т̣хитам̣ там̣ там̣ а̄рамман̣аваттхум̣ манаса̄ ева а̄рамман̣ам̣ кароти, тада̄ там̣ там̣ ваттху саче таттха таттха виджджама̄нам̣ хоти, паччуппаннам̣ на̄ма хоти. пуреджа̄тапаччайадӣпана̄ нит̣т̣хита̄.