ва̄сама̄линӣкйа

намо тасса бхагавато арахато самма̄самбуддхасса

1. вуд̣д̣хопи джина̄нам̣, буддхоси виджа̄нам̣;

пуббодити ма̄хам̣, куббоми вима̄нам̣.

(танумаджджха̄га̄тха̄)

2. маха̄саматакӯлам̣, нара̄паварапӯджам̣;

джаха̄ абхайапӯрам̣, нама̄ канакарӯпам̣.

(кума̄ралалита̄га̄тха̄)

3. нара̄сабхасубуддхам̣, паджа̄матануруттам̣;

дайа̄карамудуттам̣, нама̄ма ха усуккам̣.

(кума̄ралалита̄га̄тха̄)

4. хитам̣ вахасусӣло, памодати сукхатте;

наме тамапабуддхам̣, джинам̣ гатасукхантам̣.

(кума̄ралалита̄га̄тха̄)

5. бандху ча сантакилесо, йо питаван̣н̣апабха̄со;

готамаготтасун̃н̃ато, тасса намо нарасӣхо.

(читрапада̄га̄тха̄)

6. буддхам̣ суддхам̣ локесӣтам̣, уккам̣ йуттам̣ йоге хам̣;

ванта̄тӣтам̣ огхе сӣдам̣, ванда̄пӣхам̣ сокехӣхам̣.

(виджджумма̄ла̄га̄тха̄)

7. бхогаватӣ йопакхамӣ, сӣтадайа̄ локасакха̄;

дха̄тутайе китти са ве, да̄ту джайе-тасса ча ме;

(ма̄н̣авакага̄тха̄)

8. ма̄нито лукхо рутотха, саннибхо субхо сукхо ча;

джа̄нито дхаро намо ча, тасса йо тхуто гун̣ова.

(сама̄ника̄га̄тха̄)

9. джайам̣ дхаджам̣ паджа̄пуге, т̣хитам̣ лилам̣ маха̄сукхе;

субхам̣ пхут̣ам̣ пабхам̣ наме, хитам̣ сукхам̣ дада̄ту ме.

(пама̄н̣ика̄га̄тха̄)

10. пун̣н̣апун̃н̃аджанитасубхам̣, джа̄тин̃а̄титхутийагун̣ам̣;

бхедаверавималаджинам̣, н̃а̄н̣апа̄дачаран̣а-махам̣.

(халамукхӣга̄тха̄)

11. сати мати сучи йо-бха̄со, тхути муни сукхито ка̄йо;

мануджапумасуто на̄тхо, джайавара му-сабхо да̄то.

(бхуджагасусуга̄тха̄)

12. йо буддхо паваро лило пуге,

локутто абхайо т̣хито сукхе;

уттин̣н̣ам̣ нисабхам̣ хитам̣ вахе,

мониндам̣ вималам̣ джинам̣ наме.

(суддхавира̄джитага̄тха̄)

13. девиндам̣ вараган̣атхериндам̣,

нит̣т̣ха̄нам̣ бхаваджананибба̄нам̣;

ниддосам̣ ран̣араджаниппхот̣ам̣,

ванде-хам̣ субхамукхасон̣н̣емам̣.

(пан̣авага̄тха̄)

14. готамаготте кетува н̃а̄там̣,

локаджакхетте мерува джа̄там̣;

тхандиладжет̣т̣хе бхедитама̄рам̣,

пан̣д̣итамаджджхе медхива бха̄н̣ам̣;

мантийа ванде севитана̄тхам̣.

(руммаватӣга̄тха̄)

15. буддхо сукко амитагун̣ӣсо,

йутто мутто сасива тимӣто;

кхе йо теджо тапасива акко,

пхело тхето тава намака̄ро.

(матта̄га̄тха̄)

16. йо джитама̄ре ве аджи саббам̣,

тхо митаса̄ре хе-дхитапаттам̣;

сам̣ситапун̣н̣о со нами тасса,

пан̣д̣итапхулло со матикасса.

(чампакама̄ла̄га̄тха̄)

17. канакарӯпа мӯпамеййакам̣,

паварасӯра пӯджасеватам̣;

камалабхӯма дхӯрадесакам̣,

нарамарӯпа рӯ наме та-хам̣.

(манорама̄га̄тха̄)

18. деве гате двева̄ра̄ гама̄си,

селе чале йе н̃а̄та̄ пача̄йи;

уддхам̣ тале тева̄сам̣ ака̄си,

буддхам̣ мате еса̄хам̣ нама̄ми.

(уббха̄сакантага̄тха̄)

19. укке сунутам̣ путхукан̃ча тхерам̣,

вутте сукхумам̣ уджукам̣ татхетам̣;

диббе пат̣имам̣ кирийам̣ вадетам̣,

иддхе махитам̣ катхитам̣ намехам̣.

(упат̣т̣хитага̄тха̄)

20. диббасса пӯре паварехи гутто,

сиддхаттха бхӯте нагарехи вут̣т̣хо;

сан̇касса пӯре ма-ган̣ехи буддхо,

ан̃н̃аттха пӯдже панаме ни куббо.

(индаваджира̄га̄тха̄)

21. субхам̣ тхутам̣ йо раджатам̣ балаттхам̣,

йугам̣ хутам̣ со канакам̣ каматтхам̣;

читам̣ т̣хитам̣ лохитакам̣ мана̄пам̣,

лилам̣ итам̣ сорачи там̣ нама̄хам̣.

(упендаваджира̄га̄тха̄)

22. пинитам̣ вин̣ам̣ сакхилам̣ йаджи там̣,

сусукхам̣ дхуджам̣ билувам̣ нийутам̣;

т̣хапийам̣ симам̣ тхунутам̣ путхулам̣,

нами хам̣ кхин̣ам̣ сукхумам̣ мудукам̣.

(сумукхӣга̄тха̄)

23. согати бодхайим̣ га̄хийа паттам̣,

отари сонами джа̄нита аттхам̣;

бхӯпати пӯджайи са̄кийа вам̣сам̣,

сӯджадхи ӯпадхи бха̄сита дхаммам̣.

(додхакага̄тха̄)

24. чатта̄ро-ме йа̄чите со павуттхе,

ладдха̄ бхоге ка̄мите огхамутте;

катта̄ тосе-там̣ наме чолайутте,

таттха̄-локе там̣пате кхо падукке.

(са̄линӣга̄тха̄)

25. сатта̄-локо сарито йо дхаджуккам̣,

таттха̄-гопо рачийо-ноджа-муддхам̣;

бхадда̄-соко-пачито-бхо пабуддхам̣,

саддха̄його бхаджи со-хо-намуччам̣.

(ва̄томпӣга̄тха̄)

26. н̃а̄тамарӯнам̣ упари т̣хита̄нам̣,

ва̄лапасӯкам̣ хувати джина̄нам̣;

девасуйа̄мо джинамити н̃а̄то,

тена сукха̄-бхо винами ида̄ со.

(сирӣга̄тха̄)

27. пун̣н̣акена кусумена севатам̣,

кун̃джарева тхунутена кхе гатам̣;

сундарена нами тена ме джайам̣,

пун̃н̃атеджакари-дхеса ве дадам̣.

(ратходдхата̄га̄тха̄)

28. ма̄ту а̄йу кхин̣у-ке иха пуббе,

та̄су са̄дху висуте-дисакучче;

ва̄та та̄ла кхачитени-дха сон̣н̣е,

‘‘та̄та та̄та’’ йаджи те-тиса ванде.

(сва̄гатага̄тха̄)

29. упари камалайони собхитам̣,

джухати дхаваладжоти-доситам̣;

сукари йа-матабодхи-мочитам̣,

сунами чаран̣алоки-дхо-римам̣.

(бхаддика̄га̄тха̄)

30. ване джино йо винайам̣ супеккхи-мам̣,

мате т̣хито-бхо диджакам̣ дубаджджитам̣;

агхе-нидхо кхобхи-тарам̣ муне-ччхи-дам̣,

наме-бхито бодхимахам̣ лукха-джджхитам̣.

(вам̣сат̣т̣хага̄тха̄)

31. йо джа̄ти-дома̄нӣ-мупа̄си ламби там̣,

кодхехи локехи дубха̄си пан̣д̣итам̣;

пӯрепи мӯлепи паха̄си дит̣т̣хикам̣,

саббехи паттехи нама̄ми иччхитам̣.

(индавам̣са̄га̄тха̄)

32. веран̃джаке пӯраваре вибхӯсите,

нелан̃джане дӯмаване викӯджите;

кхеман̇каре тхӯлатаре видӯ сите,

ета-н̇гаме пӯна наме вирӯпи ве.

(индавам̣са̄га̄тха̄)

33. адхуна̄пи са са̄рисуто нималам̣,

тамупа̄си мата̄пи куто чи найам̣;

карун̣а̄йи дха йа̄чи будхо винайам̣,

гарука̄пи нама̄ми су-йо джита-хам̣.

(тот̣акага̄тха̄)

34. джанаваро муни со сарито ване,

васабхато удито-пари готаме;

гаманасо гун̣ико гами-то наме,

нагара-до джути-мо гхатито-сатхе.