5. иттхикан̣д̣о

94. кокила̄нам̣ саддам̣ рӯпам̣,

на̄рӣрӯпам̣ патиббата̄;

виджджа̄ рӯпам̣ а-рӯпа̄нам̣,

кхама̄ рӯпам̣ тапассинам̣.

95. иттхӣнан̃ча дханам̣ рӯпам̣,

пуриса̄нам̣ виджджа̄ дханам̣;

бхиккхӯнан̃ча дханам̣ сӣлам̣,

ра̄джа̄нан̃ча дханам̣ балам̣.

96. тапассино киса̄ собха̄,

тхӯла̄ собха̄ чатуппада̄;

пуриса̄ виджджава̄ собха̄,

иттхӣ собха̄са са̄мика̄.

97. пан̃ча ратйа̄ сугандхабба̄,

сатта ратйа̄ дхануггаха̄;

ека ма̄са̄ субхарийа̄,

ад̣д̣ха ма̄са̄ сисса̄ мала̄.

98. хим̣ рамати пан̇а,

хан̇а рамати пока.

тхӣ рамати пу,

кху рамати дхам̣.

99. джин̣н̣аманнам̣ пасам̣сеййа,

да̄ран̃ча гатайоббанам̣;

ран̣а̄ пуна̄гата̄ сӯрам̣,

сассан̃ча гехама̄гатам̣.

100. дватти-патика̄ на̄рӣ ча,

бхиккху дватти-виха̄рико;

дватти-па̄са-мутто паккхӣ,

ката-ма̄йа̄ бахӯтхарам̣.

101. дуджджанам̣ паха̄ра̄даме,

миттам̣ даме а-бха̄н̣ика̄;

иттхин̃ча бйасана̄ даме,

ра̄гинам̣ аппа бходжана̄.

102. на ратти вина̄ чандима̄,

вӣчим̣ вина̄ ча ан̣н̣аво;

хам̣сам̣ вина̄ поккхаран̣ӣ,

патим̣ кан̃н̃а̄ча собхате.

103. патина̄ джанито бхого,

иттхийа̄ва сам̣гоппито;

пурисова хи падха̄но,

иттхӣ суттам̣ва сӯчийа̄.

104. сабба̄надӣ ван̇канадӣ,

саббе кат̣т̣хамайа̄ вана̄;

саббиттхийо каре па̄пам̣,

лабхама̄не нива̄таке.

105. вива̄дасӣлим̣ усӯйабха̄н̣иним̣,

сампассатан̣хим̣ бахупа̄кабхуттиним̣;

аггантабхуттим̣ парагехава̄синим̣,

на̄рим̣ чадже путтасатампи пӯма̄.

106. бхуттесу ман̣д̣есу джанӣва кантинӣ,

гуйхеча т̣ха̄не бхагинӣва хирин̣ӣ;

каммесу паттесу кароти да̄сӣва,

бхайесу мантӣ сайанесу ра̄майе;

рӯпӣсу сиккхӣ купанесу кхантинӣ,

са̄ на̄рӣ сет̣т̣ха̄ти ваданти пан̣д̣ита̄;

ка̄йасса бхеда̄ча дивебхавеййа са̄.

107. са̄ма̄ мигаккхӣ танумаджджхагатта̄,

сӯрӯ сукесӣ самадантапантӣ;

гамбхӣрана̄бхӣ йуватӣ сусӣлӣ,

хӣне куле джа̄та̄пи вива̄хйа̄.

108. сарадам̣рату-ка̄ла̄нам̣,

бхарийа̄нам̣ рӯпаватӣ;

джет̣т̣хо падха̄нам̣ путта̄нам̣,

диса̄нам̣ уттара̄диса̄.

109. йа̄ иччхе пурисо хотум̣,

джа̄ти джа̄ти пунаппунам̣;

са̄микам̣ апача̄йеййа,

индам̣ва па̄рича̄рика̄.

110. йо иччхе пурисо хотум̣,

джа̄ти джа̄ти пунаппунам̣;

парада̄нам̣ виваджджеййа,

дхотапа̄дова каддамам̣.

111. атикканта вайо посо,

а̄нети тимбаруттаним̣;

тасса̄ исса̄ асаддха̄ти,

там̣ пара̄бхавато мукхам̣.

иттхикан̣д̣о нит̣т̣хито.