(8) 3. саммаппадха̄навагго

1. сиккхасуттам̣

73. ‘‘пан̃чима̄ни, бхиккхаве, сиккха̄дуббалйа̄ни. катама̄ни пан̃ча? па̄н̣а̄типа̄то …пе… сура̄мерайамаджджапама̄дат̣т̣ха̄нам̣ – има̄ни кхо, бхиккхаве, пан̃ча сиккха̄дуббалйа̄ни.

‘‘имесам̣ кхо, бхиккхаве, пан̃чаннам̣ сиккха̄дуббалйа̄нам̣ паха̄на̄йа чатта̄ро саммаппадха̄на̄ бха̄ветабба̄. катаме чатта̄ро? идха, бхиккхаве, бхиккху ануппанна̄нам̣ па̄пака̄нам̣ акусала̄нам̣ дхамма̄нам̣ ануппа̄да̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати; уппанна̄нам̣ па̄пака̄нам̣ акусала̄нам̣ дхамма̄нам̣ паха̄на̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати; ануппанна̄нам̣ кусала̄нам̣ дхамма̄нам̣ уппа̄да̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати; уппанна̄нам̣ кусала̄нам̣ дхамма̄нам̣ т̣хитийа̄ асаммоса̄йа бхиййобха̄ва̄йа вепулла̄йа бха̄вана̄йа па̄рипӯрийа̄ чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати. имесам̣ кхо, бхиккхаве, пан̃чаннам̣ сиккха̄дуббалйа̄нам̣ паха̄на̄йа име чатта̄ро саммаппадха̄на̄ бха̄ветабба̄’’ти. пат̣хамам̣.

74-81. (йатха̄ сатипат̣т̣ха̄навагге татха̄ саммаппадха̄навасена виттха̄ретабба̄.)

10. четасовинибандхасуттам̣

82. ‘‘пан̃чиме, бхиккхаве, четасовинибандха̄. катаме пан̃ча? идха, бхиккхаве, бхиккху ка̄месу авӣтара̄го хоти…пе… име кхо, бхиккхаве, пан̃ча четасовинибандха̄.

‘‘имесам̣ кхо, бхиккхаве, пан̃чаннам̣ четасовинибандха̄нам̣ паха̄на̄йа чатта̄ро саммаппадха̄на̄ бха̄ветабба̄. катаме чатта̄ро? идха, бхиккхаве, бхиккху ануппанна̄нам̣ па̄пака̄нам̣ акусала̄нам̣ дхамма̄нам̣ ануппа̄да̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати; уппанна̄нам̣ па̄пака̄нам̣ акусала̄нам̣ дхамма̄нам̣ паха̄на̄йа… ануппанна̄нам̣ кусала̄нам̣ дхамма̄нам̣ уппа̄да̄йа… уппанна̄нам̣ кусала̄нам̣ дхамма̄нам̣ т̣хитийа̄ асаммоса̄йа бхиййобха̄ва̄йа вепулла̄йа бха̄вана̄йа па̄рипӯрийа̄ чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати. имесам̣ кхо, бхиккхаве, пан̃чаннам̣ четасовинибандха̄нам̣ паха̄на̄йа име чатта̄ро саммаппадха̄на̄ бха̄ветабба̄’’ти. дасамам̣.

саммаппадха̄навагго татийо.