(9) 4. иддхипа̄давагго

1. сиккхасуттам̣

83. ‘‘пан̃чима̄ни, бхиккхаве, сиккха̄дуббалйа̄ни. катама̄ни пан̃ча? па̄н̣а̄типа̄то…пе… сура̄мерайамаджджапама̄дат̣т̣ха̄нам̣ – има̄ни кхо, бхиккхаве, пан̃ча сиккха̄дуббалйа̄ни.

‘‘имесам̣ кхо, бхиккхаве, пан̃чаннам̣ сиккха̄дуббалйа̄нам̣ паха̄на̄йа чатта̄ро иддхипа̄да̄ бха̄ветабба̄. катаме чатта̄ро? идха, бхиккхаве, бхиккху чхандасама̄дхипадха̄насан̇кха̄расаманна̄гатам̣ иддхипа̄дам̣ бха̄вети, вӣрийасама̄дхи… читтасама̄дхи… вӣмам̣са̄сама̄дхипадха̄насан̇кха̄расаманна̄гатам̣ иддхипа̄дам̣ бха̄вети. имесам̣ кхо, бхиккхаве, пан̃чаннам̣ сиккха̄дуббалйа̄нам̣ паха̄на̄йа име чатта̄ро иддхипа̄да̄ бха̄ветабба̄’’ти. пат̣хамам̣.

84-91. (йатха̄ сатипат̣т̣ха̄навагге татха̄ иддхипа̄давасена виттха̄ретабба̄.)

10. четасовинибандхасуттам̣

92. ‘‘пан̃чиме, бхиккхаве, четасовинибандха̄. катаме пан̃ча? идха, бхиккхаве, бхиккху ка̄месу авӣтара̄го хоти…пе… име кхо, бхиккхаве, пан̃ча четасовинибандха̄.

‘‘имесам̣ кхо, бхиккхаве, пан̃чаннам̣ четасовинибандха̄нам̣ паха̄на̄йа име чатта̄ро иддхипа̄да̄ бха̄ветабба̄. катаме чатта̄ро? идха, бхиккхаве, бхиккху чхандасама̄дхипадха̄насан̇кха̄расаманна̄гатам̣ иддхипа̄дам̣ бха̄вети, вӣрийасама̄дхи… читтасама̄дхи… вӣмам̣са̄сама̄дхипадха̄насан̇кха̄расаманна̄гатам̣ иддхипа̄дам̣ бха̄вети. имесам̣ кхо, бхиккхаве, пан̃чаннам̣ четасовинибандха̄нам̣ паха̄на̄йа име чатта̄ро иддхипа̄да̄ бха̄ветабба̄’’ти. дасамам̣.

иддхипа̄давагго чатуттхо.