6. вимоккхасуттам̣

66. ‘‘ат̣т̣химе, бхиккхаве, вимоккха̄. катаме ат̣т̣ха? рӯпӣ рӯпа̄ни пассати. айам̣ пат̣хамо вимоккхо.

‘‘аджджхаттам̣ арӯпасан̃н̃ӣ, бахиддха̄ [арӯпасан̃н̃ӣ еко бахиддха̄ (сйа̄. пӣ. ка.) дӣ. ни. 2.129; дӣ. ни. 3.338, 358; а. ни. 8.119; ма. ни. 2.248 пасситаббам̣] рӯпа̄ни пассати. айам̣ дутийо вимоккхо.

‘‘субхантева адхимутто хоти. айам̣ татийо вимоккхо.

‘‘саббасо рӯпасан̃н̃а̄нам̣ саматиккама̄ пат̣игхасан̃н̃а̄нам̣ аттхан̇гама̄ на̄наттасан̃н̃а̄нам̣ аманасика̄ра̄ ‘ананто а̄ка̄со’ти а̄ка̄са̄нан̃ча̄йатанам̣ упасампаджджа вихарати. айам̣ чатуттхо вимоккхо.

‘‘саббасо а̄ка̄са̄нан̃ча̄йатанам̣ саматиккамма ‘анантам̣ вин̃н̃а̄н̣а’нти вин̃н̃а̄н̣ан̃ча̄йатанам̣ упасампаджджа вихарати. айам̣ пан̃чамо вимоккхо.

‘‘саббасо вин̃н̃а̄н̣ан̃ча̄йатанам̣ саматиккамма ‘наттхи кин̃чӣ’ти а̄кин̃чан̃н̃а̄йатанам̣ упасампаджджа вихарати. айам̣ чхат̣т̣хо вимоккхо.

‘‘саббасо а̄кин̃чан̃н̃а̄йатанам̣ саматиккамма невасан̃н̃а̄на̄сан̃н̃а̄йатанам̣ упасампаджджа вихарати. айам̣ саттамо вимоккхо.

‘‘саббасо невасан̃н̃а̄на̄сан̃н̃а̄йатанам̣ саматиккамма сан̃н̃а̄ведайитаниродхам̣ упасампаджджа вихарати. айам̣ ат̣т̣хамо вимоккхо. име кхо, бхиккхаве, ат̣т̣ха вимоккха̄’’ти. чхат̣т̣хам̣.