8. дутийаа̄хунеййасуттам̣

58. ‘‘ат̣т̣хахи, бхиккхаве, дхаммехи саманна̄гато бхиккху а̄хунеййо хоти…пе… ануттарам̣ пун̃н̃аккхеттам̣ локасса. катамехи ат̣т̣хахи? идха, бхиккхаве, бхиккху сӣлава̄ хоти …пе… сама̄да̄йа сиккхати сиккха̄падесу; бахуссуто хоти…пе… дит̣т̣хийа̄ суппат̣ивиддха̄; а̄раддхавӣрийо вихарати тха̄мава̄ дал̣хапараккамо аниккхиттадхуро кусалесу дхаммесу; а̄ран̃н̃ико хоти пантасена̄сано; аратиратисахо хоти, уппаннам̣ аратим̣ абхибхуййа абхибхуййа вихарати; бхайабхеравасахо хоти, уппаннам̣ бхайабхеравам̣ абхибхуййа абхибхуййа вихарати; чатуннам̣ джха̄на̄нам̣ а̄бхичетасика̄нам̣ дит̣т̣хадхаммасукхавиха̄ра̄нам̣ ника̄мала̄бхӣ хоти акиччхала̄бхӣ акасирала̄бхӣ; а̄сава̄нам̣ кхайа̄…пе… саччхикатва̄ упасампаджджа вихарати. имехи кхо, бхиккхаве, ат̣т̣хахи дхаммехи саманна̄гато бхиккху а̄хунеййо…пе… ануттарам̣ пун̃н̃аккхеттам̣ локасса̄’’ти. ат̣т̣хамам̣.