12. са̄ман̃н̃авагго

1. ка̄йа̄нупассӣсуттам̣

117. ‘‘чха, бхиккхаве, дхамме аппаха̄йа абхаббо ка̄йе ка̄йа̄нупассӣ вихаритум̣. катаме чха? камма̄ра̄матам̣, бхасса̄ра̄матам̣, нидда̄ра̄матам̣, сан̇ган̣ика̄ра̄матам̣, индрийесу агуттадва̄ратам̣, бходжане аматтан̃н̃утам̣. име кхо, бхиккхаве, чха дхамме аппаха̄йа абхаббо ка̄йе ка̄йа̄нупассӣ вихаритум̣.

‘‘чха, бхиккхаве, дхамме паха̄йа бхаббо ка̄йе ка̄йа̄нупассӣ вихаритум̣. катаме чха? камма̄ра̄матам̣, бхасса̄ра̄матам̣, нидда̄ра̄матам̣, сан̇ган̣ика̄ра̄матам̣, индрийесу агуттадва̄ратам̣, бходжане аматтан̃н̃утам̣ – име кхо, бхиккхаве, чха дхамме паха̄йа бхаббо ка̄йе ка̄йа̄нупассӣ вихариту’’нти. пат̣хамам̣.

2. дхамма̄нупассӣсуттам̣

118. ‘‘чха, бхиккхаве, дхамме аппаха̄йа абхаббо аджджхаттам̣ ка̄йе…пе… бахиддха̄ ка̄йе…пе… аджджхаттабахиддха̄ ка̄йе…пе… аджджхаттам̣ ведана̄су…пе… бахиддха̄ ведана̄су…пе… аджджхаттабахиддха̄ ведана̄су…пе… аджджхаттам̣ читте…пе… бахиддха̄ читте…пе… аджджхаттабахиддха̄ читте…пе… аджджхаттам̣ дхаммесу…пе… бахиддха̄ дхаммесу…пе… аджджхаттабахиддха̄ дхаммесу дхамма̄нупассӣ вихаритум̣. катаме чха? камма̄ра̄матам̣, бхасса̄ра̄матам̣, нидда̄ра̄матам̣, сан̇ган̣ика̄ра̄матам̣, индрийесу агуттадва̄ратам̣, бходжане аматтан̃н̃утам̣. име кхо, бхиккхаве, чха дхамме паха̄йа бхаббо аджджхаттабахиддха̄ дхаммесу дхамма̄нупассӣ вихариту’’нти. дутийам̣.

3. тапуссасуттам̣

119. ‘‘чхахи, бхиккхаве, дхаммехи саманна̄гато тапуссо [тапассо (пӣ.) а. ни. 1.248] гахапати татха̄гате нит̣т̣хан̇гато аматаддасо аматам̣ саччхикатва̄ ирийати. катамехи чхахи? буддхе авеччаппаса̄дена, дхамме авеччаппаса̄дена, сан̇гхе авеччаппаса̄дена, арийена сӣлена, арийена н̃а̄н̣ена, арийа̄йа вимуттийа̄. имехи кхо, бхиккхаве, чхахи дхаммехи саманна̄гато тапуссо гахапати татха̄гате нит̣т̣хан̇гато аматаддасо аматам̣ саччхикатва̄ ирийатӣ’’ти. татийам̣.

4-23. бхаллика̄дисутта̄ни

120-139. ‘‘чхахи, бхиккхаве, дхаммехи саманна̄гато бхаллико гахапати…пе… судатто гахапати ана̄тхапин̣д̣ико… читто гахапати маччхика̄сан̣д̣ико… хаттхако а̄л̣авако… маха̄на̄мо сакко… угго гахапати веса̄лико… уггато гахапати… сӯрамбат̣т̣хо [сӯро амбат̣т̣хо (ка.)] … джӣвако кома̄рабхаччо… накулапита̄ гахапати… тавакан̣н̣ико гахапати… пӯран̣о гахапати… исидатто гахапати… сандха̄но [санта̄но (ка.)] гахапати… вичайо [виджайо (сӣ. сйа̄. пӣ.)] гахапати… виджайама̄хико [ваджджийамахито (сӣ. сйа̄. пӣ.)] гахапати… мен̣д̣ако гахапати … ва̄сет̣т̣хо упа̄сако… арит̣т̣хо упа̄сако… са̄рагго [са̄датто (сйа̄.)] упа̄сако татха̄гате нит̣т̣хан̇гато аматаддасо аматам̣ саччхикатва̄ ирийати. катамехи чхахи? буддхе авеччаппаса̄дена, дхамме авеччаппаса̄дена, сан̇гхе авеччаппаса̄дена, арийена сӣлена, арийена н̃а̄н̣ена, арийа̄йа вимуттийа̄. имехи кхо, бхиккхаве, чхахи дхаммехи саманна̄гато са̄рагго упа̄сако татха̄гате нит̣т̣хан̇гато аматаддасо аматам̣ саччхикатва̄ ирийатӣ’’ти. тевӣсатимам̣.

са̄ман̃н̃авагго два̄дасамо.