9. довачассата̄суттам̣

115. ‘‘тайоме, бхиккхаве, дхамма̄. катаме тайо? довачассата̄, па̄памиттата̄, четасо виккхепо. име кхо, бхиккхаве, тайо дхамма̄. имесам̣ кхо, бхиккхаве, тин̣н̣ам̣ дхамма̄нам̣ паха̄на̄йа тайо дхамма̄ бха̄ветабба̄. катаме тайо? довачассата̄йа паха̄на̄йа совачассата̄ бха̄ветабба̄, па̄памиттата̄йа паха̄на̄йа калйа̄н̣амиттата̄ бха̄ветабба̄, четасо виккхепасса паха̄на̄йа а̄на̄па̄нассати бха̄ветабба̄. имесам̣ кхо, бхиккхаве, тин̣н̣ам̣ дхамма̄нам̣ паха̄на̄йа име тайо дхамма̄ бха̄ветабба̄’’ти. навамам̣.